പി.എം കെയേഴ്‌സ്: ജില്ലയിൽ ഒമ്പത് കുട്ടികള്‍ പ​ങ്കെടുത്തു

കാസർകോട്: കോവിഡ് ബാധിച്ച് മാതാപിതാക്കളെ നഷ്ടമായ കുട്ടികള്‍ക്കായി കേന്ദ്രസര്‍ക്കാര്‍ പ്രഖ്യാപിച്ച പി.എം കെയേഴ്‌സ് ഫോര്‍ ചില്‍ഡ്രന്‍ പദ്ധതിയുടെ ആനുകൂല്യം പ്രധാനമന്ത്രി നരേന്ദ്ര മോദി ഓൺലൈനായി വിതരണം ചെയ്യുന്ന ചടങ്ങിന് സാക്ഷികളായി ജില്ലയിലെ കുട്ടികളും. ജില്ലയിൽനിന്ന് ഒമ്പതു കുട്ടികളാണ് പരിപാടിയിൽ പ​ങ്കെടുത്തത്. സമ്മാന്‍പത്ര, കുട്ടികളുടെ പേരെഴുതിയ പ്രധാനമന്ത്രിയുടെ കത്ത് എന്നിവ അടങ്ങിയ കിറ്റ് ജില്ല കലക്ടര്‍ ഭണ്ഡാരി സ്വാഗത് രണ്‍വീര്‍ചന്ദ് വിതരണം ചെയ്തു. ജില്ല ശിശു സംരക്ഷണ ഓഫിസര്‍ സി.എ. ബിന്ദു, ചെല്‍ഡ് പ്രൊട്ടക്ഷന്‍ ഓഫിസര്‍ ഡി.സി.പി.യു കെ. ഷുഹൈബ്, പോസ്റ്റല്‍ സൂപ്രണ്ട് വി. ശാരദ, ജില്ല വനിത ശിശുവികസന ഓഫിസ് ജൂനിയര്‍ സൂപ്രണ്ട് ടി. സത്യവതി തുടങ്ങിയവര്‍ പങ്കെടുത്തു.