ചർച്ച സദസ്സ് സംഘടിപ്പിച്ചു

പടന്ന: ജമാഅത്തെ ഇസ്‌ലാമി വനിത വിഭാഗം ജില്ല കമ്മിറ്റിയുടെ ആഭിമുഖ്യത്തിൽ 'സ്ത്രീ സൗഹൃദ കുടുംബം' എന്ന പ്രമേയത്തിൽ പടന്ന ഐ.സി.ടി സെന്ററിൽ ചർച്ച സംഗമം സംഘടിപ്പിച്ചു. ജില്ല പ്രസിഡന്റ്‌ വി.എൻ. ഹാരിസ് ഉദ്ഘാടനംചെയ്തു. പടന്ന പഞ്ചായത്ത്‌ സ്ഥിരംസമിതി ചെയർപേഴ്സൻ ടി.കെ.പി. ഷാഹിദ, പഞ്ചായത്ത്‌ വൈസ് പ്രസിഡന്റ്‌ ബുഷ്‌റ, വെൽഫെയർ പാർട്ടി തൃക്കരിപ്പൂർ മണ്ഡലം ട്രഷറർ രേഷ്മ, പൊതുപ്രവർത്തകരായ സുബൈദ അസീസ്, റീന, രമണി എന്നിവർ സംസാരിച്ചു. ജമാഅത്തെ ഇസ്‌ലാമി വനിത വിഭാഗം ജില്ല പ്രസിഡന്റ്‌ വി.കെ. ജാസ്മിൻ അധ്യക്ഷത വഹിച്ചു. ഏരിയ കൺവീനർ സുഹറ ഇസ്മായിൽ സ്വാഗതം പറഞ്ഞു. ഫോട്ടോ: ജമാഅത്തെ ഇസ്‌ലാമി വനിതാ വിഭാഗം ജില്ല കമ്മിറ്റിയുടെ ആഭിമുഖ്യത്തിൽ 'സ്ത്രീ സൗഹൃദ കുടുംബം' എന്ന ശീർഷകത്തിൽ നടന്ന ചർച്ച സംഗമം ജില്ല പ്രസിഡന്റ്‌ വി.എൻ. ഹാരിസ് ഉദ്ഘാടനം ചെയ്യുന്നു