മദ്യവുമായി യുവാവ് പിടിയിൽ

കുമ്പള: ബായാർ കന്യാലത്തടുക്കയിൽ കർണാടക . ബായാർ കന്യാലത്തടുക്കയിലെ കെ. സന്തോഷ് (33) ആണ് കുമ്പള എക്സൈസ് ഇൻസ്‌പെക്ടർ എ. അഖിലിന്റെ നേതൃത്വത്തിലുള്ള എക്സൈസ് സംഘത്തിന്റെ പിടിയിലായത്. കർണാടക സംസ്ഥാനത്ത് മാത്രം വിൽപനാനുമതിയുള്ള 23.4 ലിറ്റർ മദ്യവും കേരളത്തിൽ നിരോധിച്ച 2.25 ലിറ്റർ വാറ്റുചാരായവും വിൽപനക്കായി സൂക്ഷിച്ചു വെച്ച കുറ്റത്തിനാണ് കേസെടുത്തത്. അസിസ്റ്റന്റ് എക്സൈസ് ഇൻസ്പെക്ടർ ജെ. ജോസഫ്, പ്രിവന്റിവ് ഓഫിസർ ഷെയ്ക്ക് അബ്ദുൽ ബഷീർ, എ.വി. രാജീവൻ, ഐ.ബി പ്രിവന്റിവ് ഓഫിസർ ബാബു പ്രസാദ്, സിവിൽ എക്സൈസ് ഓഫിസർമാരായ എ.കെ. നസ്റുദ്ദീൻ, എം.എം. അഖിലേഷ്, വനിത സിവിൽ എക്സൈസ് ഓഫിസർ വി. ബിജില എന്നിവർ ഉദ്യോഗസ്ഥസംഘത്തിൽ ഉണ്ടായിരുന്നു.