ജൂനിയർ ഫുട്ബാൾ: കണ്ണൂർ, കോഴിക്കോട് സെമിയിൽ

തൃക്കരിപ്പൂർ: രാജീവ് ഗാന്ധി സിന്തറ്റിക് ടർഫിൽ നടക്കുന്ന സംസ്ഥാന ജൂനിയർ ഫുട്ബാളിൽ കണ്ണൂർ, കോഴിക്കോട് ജില്ല ടീമുകൾ സെമിയിൽ കടന്നു. ആദ്യ രണ്ട് സെമി മത്സരങ്ങൾ വ്യാഴാഴ്ച നടക്കും. കണ്ണൂർ തിരുവനന്തപുരത്തെ മറുപടിയില്ലാത്ത മൂന്നു ഗോളുകൾക്കാണ് തകർത്തത്. കണ്ണൂരിന് വേണ്ടി കിരൺ രണ്ടും ടി.കെ. അക്ഷയ് ഒരു ഗോളും നേടി. ഒന്നിനെതിരെ രണ്ടുഗോളിനാണ് കോഴിക്കോട് കോട്ടയത്തെ വീഴ്ത്തിയത്. 15-ം മിനിറ്റിൽ നിഹാലാണ് കോഴിക്കോടിന്റെ ആദ്യഗോൾ നേടിയത്. രണ്ടാം പകുതിയിൽ മുഹമ്മദ് അജ്‌സലിന്റെ ഗോളിലൂടെ അവർ നില മെച്ചപ്പെടുത്തി. അവസാന നിമിഷങ്ങളിലാണ്, അനസ് കോഴിക്കോടൻ കോട്ടയത്തിന്റെ ആശ്വാസഗോൾ നേടിയത്. വ്യാഴാഴ്ച ആദ്യ സെമിയിൽ കാസർകോട് തൃശൂരിനെ നേരിടും. ഉച്ചതിരിഞ്ഞ് രണ്ടാമത്തെ സെമിയിൽ കോഴിക്കോട് കണ്ണൂരിനെ നേരിടും. പടം// tkp state football 25 05 22 തിരുവനന്തപുരത്തിന്റെ ഗോൾ മുഖത്ത് കണ്ണൂരിന്റെ മുന്നേറ്റം