പൊതുസ്ഥലത്ത് മാലിന്യ നിക്ഷേപം; സ്ഥാപനത്തിനെതിരെ നടപടി

കാഞ്ഞങ്ങാട്: പൊതുസ്ഥലത്ത് മാലിന്യം നിക്ഷേപിച്ച സ്ഥാപനത്തിനെതിരെ നടപടിയെടുത്ത് കാഞ്ഞങ്ങാട് നഗരസഭ. കോട്ടച്ചേരി ട്രാഫിക് സര്‍ക്കിളിനടുത്ത കോര്‍ണര്‍ കഫേ ആൻഡ് കൂള്‍ബാര്‍ എന്ന സ്ഥാപനം കോട്ടച്ചേരി റെയില്‍വേ മേല്‍പാലത്തിനടിയിലാണ് മാലിന്യം നിക്ഷേപിച്ചത്. ആളൊഴിഞ്ഞ പറമ്പുകളില്‍ മാലിന്യ നിക്ഷേപം പതിവായി നടക്കുന്നുണ്ടെന്ന പരാതിയുടെ അടിസ്ഥാനത്തില്‍ നഗരസഭ ചെയര്‍പേഴ്സൻ കെ.വി. സുജാത, വൈസ് ചെയര്‍മാന്‍ ബില്‍ടെക് അബ്ദുല്ല, ആരോഗ്യ സ്ഥിരം സമിതി ചെയര്‍പേഴ്സൻ കെ.വി. സരസ്വതി, പൊതുമരാമത്ത് സ്ഥിരം സമിതി ചെയര്‍മാന്‍ കെ. അനീശന്‍, ജൂനിയര്‍ ഹെല്‍ത്ത് ഇന്‍സ്പെക്ടര്‍മാരായ ബിജു അനൂര്‍, ഷിജു എന്നിവരുടെ നേതൃത്വത്തിലാണ് പരിശോധന നടത്തിയത്.