പെരിയ: കണ്ണൂർ കണക്​ഷൻ അന്വേഷിക്കാത്തതെന്ത്​ -ചെന്നിത്തല

തൃശൂൂർ: കാസർകോട്​ പെരിയ ഇരട്ടക്കൊലപാതകത്തി​​​െൻറ കണ്ണൂർ കണക്​ഷൻ അനേഷിക്കാത്തത്​ എന്തു കൊണ്ടാണെന്ന്​ പ് രതിപക്ഷ നേതാവ്​ രമേശ്​ ചെന്നിത്തല. കണ്ണൂരിൽ നിന്ന്​ വന്ന വാഹനത്തെക്കുറിച്ച്​ തുമ്പില്ല. കൊല്ലപ്പെട്ടവർ ബൈക് കിൽ വരുന്ന വിവരം കൈമാറിയ വ്യക്തികളെക്കുറിച്ച്​ അന്വേഷിക്കുന്നില്ല. ഉന്നതതല ഗൂഡാലോചനയിലേക്ക്​ അന്വേഷണം എത് തുന്നില്ല. കൊലപാതകം നടന്നതി​​​െൻറ അടുത്ത വീട്ടുകാരെ പോലും ചോദ്യം ചെയ്യുന്നില്ല. തെളിവുകൾ നശിപ്പിക്കുന്നു. കേസ്​ ക്രൈംബ്രാഞ്ചിനെ ഏൽപ്പിച്ചതു പോലും അട്ടിമറിക്കാനാണെന്നും പ്രതികളെ രക്ഷിക്കാൻ ആസൂത്രിത ശ്രമം നടക്കുകയ ാണെന്നും ചെന്നിത്തല വാർത്തസമ്മേളനത്തിൽ ആരോപിച്ചു.

അറസ്​റ്റിലായവർക്ക്​ ആഹാരവും ഭക്ഷണവും എത്തിക്കുന്നത് ​ പ്രാദേശിക സി.പി.എം നേതൃത്വമാണ്​. ഇതിലൂടെ എന്ത്​ സന്ദേശമാണ്​ പാർട്ടി നൽകുന്നത്​?. മുഖ്യമന്ത്രി പറയുന്നത് ​പോലെ ആ​ലോചനയില്ലാതെ ആരോ ചെയ്​ത കൊലപാതക​മാണെങ്കിൽ അന്വേഷണം സി.ബി.​െഎക്ക്​ കൈമാറാൻ മടിക്കുന്നത്​ എന്തിനാണ്​?. കേരളത്തിൽ സി.ബി.​െഎ അന്വേഷിച്ച ഇത്തരം കേസുകളിലെല്ലാം പ്രതിസ്ഥാനത്തത്​ സി.പി.എം ആയിരുന്നതു കൊണ്ടാണ്​ അതെന്നും ചെന്നിത്തല പറഞ്ഞു. ഭരണത്തി​​​െൻറ ബലത്തിൽ കൊലപാതകവും കേസ്​ അട്ടിമറിയും നടക്കുകയാണ്​.

ഇങ്ങോട്ട്​ ആക്രമിച്ചാൽ പോലും പ്രതികരിക്കില്ലെന്ന്​ സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ പറഞ്ഞതിന്​ പിന്നാലെ പെരിയ ബ്ലോക്ക്​ കോൺഗ്രസ്​ പ്രസിഡൻറ്​ രാജ​​​െൻറ വീട്​ ആക്രമിച്ചു. കൊലപാതകങ്ങൾക്ക്​ ശേഷവും സി.പി.എം അക്രമം അവസാനിപ്പിക്കുന്നില്ല. കൊലപാതകികൾക്ക്​ വീരപരിവേഷം നലകി സമാധാനത്തിന്​ ആഹ്വാനം ചെയ്​തിട്ട്​ എന്ത്​ കാര്യം. ടി.പി. ചന്ദ്രശേഖര​​​െൻറ കൊലപാതകത്തിന്​ സമാനമാണ്​ പെരിയയിലും നടന്നത്​. ടി.പി കേസിലെ പ്രതികൾ പരോളിലിറങ്ങി ഉല്ലാസയാത്ര നടത്തുകയാണ്​.

കൊല്ലപ്പെട്ടവരുടെ കുടുംബങ്ങളെ സഹായിക്കാൻ മാർച്ച്​ രണ്ടിന്​ കാസർകോട്​ ജില്ലയിലെ 42 കേന്ദ്രങ്ങളിൽ യു.ഡി.എഫ്​ ഫണ്ട്​ സ്വരൂപിക്കും. അന്വേഷണം സി.ബി.​െഎക്ക്​ വിടാൻ നിയമപരമായി നീങ്ങും. എതിർക്കുന്നവരെ ഭരണത്തി​​​െൻറ ബലത്തിൽ അടിച്ചമർത്തുന്ന സി.പി.എമ്മി​​​െൻറയും സർക്കാരി​​​െൻറയും സമീപനത്തി​​​െൻറ ഭാഗമാണ്​ എൻ.എസ്​.എസിനെ ഭീഷണിപ്പെടുത്തുന്നത്​. ചർച്ചക്ക്​ വിളിച്ചപ്പോൾ നിരസിച്ചതി​​​െൻറ നിരാശയിലാണ്​ കോടിയേരി ഭീഷണിപ്പെടുത്തുന്നത്​. ഇത്​ ‘കിട്ടാത്ത മുന്തിരി പുളിക്കു’മെന്ന്​ പറഞ്ഞതു പോലെയാണ്​. അത്തരം ഭീഷണി കമ്യൂണിസ്​റ്റ്​ രാജ്യങ്ങളിൽ മതി, കേരളത്തിൽ വേണ്ട.

നിയമ പരിഷ്​കരണ കമീഷൻ കൊണ്ടുവന്ന ചർച്ച്​ ആക്​ട്​ ബിൽ ക്രൈസ്​തവ സഭക്ക്​ നേരെയുള്ള കടന്നാക്രമണമാണ്​. ശബരിമല വിഷയത്തിൽ ഹിന്ദു വിശ്വാസികളെ ആക്രമിച്ചതിന്​ സമാനമാണിത്​. ഇത്​ പിൻവലിപ്പിക്കാൻ യു.ഡി.എഫ്​ ശക്തമായി ഇടപെടുമെന്നും പ്രതിപക്ഷ നേതാവ്​ പറഞ്ഞു. വെള്ളാപ്പള്ളി നടേശ​​​െൻറ വീട്​ സന്ദർശിച്ച മുഖ്യമന്ത്രി പിണറായി വിജയന്​ പൊതുയോഗങ്ങളിൽ മാത്രമേ സാമുദായിക നേതാക്കളോട്​ എതിർപ്പുള്ളൂ എന്നും അ​ദ്ദേഹം പറഞ്ഞു.

‘സുകുമാർ അഴീക്കോടി​​െൻറ അഭാവം പ്രകടമാവുന്നു’

കാസർകോട്​ കൊലപാതകത്തിൽ പ്രതികരിക്കാൻ ഇടതുപക്ഷ സാംസ്​കാരിക പ്രവർത്തകർ മടിക്കു​േമ്പാഴാണ്​ സുകുമാർ അഴീക്കോടി​​െൻറ അഭാവം കേരളത്തിന്​ മനസിലാവുന്നതെന്ന്​ രമേശ്​ ചെന്നിത്തല പറഞ്ഞു. ഇടത്​ സാംസ്​കാരിക പ്രവർത്തകരുടെ മൗനത്തിലുള്ള രോഷപ്രകടനമാണ്​ യൂത്ത്​ കോൺഗ്രസി​​െൻറ വാഴപ്പിണ്ടി സമരം. എഴുത്തുകാരി കെ.ആർ. മീരക്ക്​ എതിരായ ഫേസ്​ബുക്ക്​ പോസ്​റ്റ്​ വിവാദത്തിൽ ഇനി മുന്നോട്ടില്ലെന്ന വി.ടി. ബൽറാം എം.എൽ.എയുടെ പ്രഖ്യാപനത്തോടെ അതിലെ തർക്കം അവസാനിച്ചുവെന്നും ചെന്നിത്തല പറഞ്ഞു.