കെ.എ.എസിേലക്ക് മലയാളത്തിലും പരീക്ഷ എഴുതാം

തി​രു​വ​ന​ന്ത​പു​രം: കെ.​എ.​എ​സി​ലേ​ക്കു​ള്ള (കേ​ര​ള അ​ഡ്മി​നി​സ്​​ട്രേ​റ്റി​വ് സ​ര്‍വി​സ്) പ​രീ​ക്ഷ മ​ല​യാ​ള​ത്തി​ലും എ​ഴു​താ​മെ​ന്ന് പി.​എ​സ്.​സി. ചോ​ദ്യ​ങ്ങ​ൾ ഇം​ഗ്ലീ​ഷി​ലാ​യി​രി​ക്കു​മെ​ങ്കി​ലും മ​ല​യാ​ള​ത്തി​ലും ഇം​ഗ്ലീ​ഷി​ലും ഉ​ത്ത​ര​ങ്ങ​ൾ എ​ഴു​താ​മെ​ന്ന്​ പി.​എ​സ്.​സി യോ​ഗത്തിൽ തീ​രു​മാ​നം. കെ.​എ.​എ​സി​ലേ​ക്കു​ള്ള പ്രാ​ഥ​മി​ക പ​രീ​ക്ഷ​യി​ൽ 20 ചോ​ദ്യ​ങ്ങ​ൾ മ​ല​യാ​ള​ത്തി​ലാ​കും. ഭാ​ഷാ ന്യൂ​ന​പ​ക്ഷ​ങ്ങ​ള്‍ക്ക് ത​ത്തു​ല്യ​മാ​യി അ​വ​രു​ടെ ഭാ​ഷ​യി​ല്‍ ചോ​ദ്യ​ങ്ങ​ള്‍ ഉ​ള്‍പ്പെ​ടു​ത്തും.
കെ.​എ.​എ​സ് പ​രീ​ക്ഷാ​ഘ​ട​ന​യും പാ​ഠ്യ​പ​ദ്ധ​തി​യും ത​യാ​റാ​ക്കി സ​ര്‍ക്കാ​റി​ന് സ​മ​ര്‍പ്പി​ച്ചി​ട്ടു​ണ്ട്. സ​ര്‍ക്കാ​ര്‍ നി​ർ​ദേ​ശ​മ​നു​സ​രി​ച്ചാ​കും വി​ജ്ഞാ​പ​നം.

പി.​എ​സ്.​സി ചോ​ദ്യ​ങ്ങ​ള്‍ മ​ല​യാ​ള​ത്തി​ല്‍ ല​ഭ്യ​മാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് സ​മ​രം ചെ​യ്യു​ന്ന​വ​രു​മാ​യി ച​ര്‍ച്ച ന​ട​ത്തും. എ​സ്.​എ​സ്.​എ​ല്‍.​സി വ​രെ യോ​ഗ്യ​ത​യു​ള്ള പ​രീ​ക്ഷ​ക​ള്‍ മ​ല​യാ​ള​ത്തി​ലാ​ണ് ന​ട​ത്തു​ന്ന​ത്. ഹ​യ​ര്‍ സെ​ക്ക​ൻ​ഡ​റി യോ​ഗ്യ​ത​യു​ള്ള പ​രീ​ക്ഷ​ക​ളും ഇ​നി മ​ല​യാ​ള​ത്തി​ല്‍ ന​ട​ത്തും. എ​ല്ലാ പി.​എ​സ്.​സി പ​രീ​ക്ഷ​ക​ളും മ​ല​യാ​ള​ത്തി​ലാ​ക്ക​ണ​മെ​ന്ന ആ​വ​ശ്യം യോ​ഗം ത​ള്ളി. പി.​എ​സ്.​സി പ​രീ​ക്ഷ ത​ട്ടി​പ്പു​മാ​യി ബ​ന്ധ​പ്പെ​ട്ട് ഹൈ​കോ​ട​തി​യി​ൽ നി​ന്നു​ണ്ടാ​യ വി​മ​ർ​ശ​ന​ങ്ങ​ളി​ൽ അം​ഗ​ങ്ങ​ൾ അ​തൃ​പ്തി രേ​ഖ​പ്പെ​ടു​ത്തി. ഇ​തു​സം​ബ​ന്ധി​ച്ച് കോ​ട​തി​യു​മാ​യി നേ​രി​ട്ടൊ​രു യു​ദ്ധം വേ​ണ്ടെ​ന്ന നി​ല​പാ​ടി​ലാ​ണ് പി.​എ​സ്.​സി. നേ​ര​ത്തേ പ​രീ​ക്ഷ ന​ട​ത്തി​പ്പ് കോ​ട​തി​യെ ബോ​ധ്യ​പ്പെ​ടു​ത്താ​ൻ ലീ​ഗ​ൽ റീ​ട്ടെ​യി​ന​റെ ചു​മ​ത​ല​പ്പെ​ടു​ത്താ​ൻ തീ​രു​മാ​നി​ച്ചെ​ങ്കി​ലും കേ​സി​ൽ ക​ക്ഷി അ​ല്ലാ​ത്ത​തി​നാ​ൽ അ​തു​വേ​ണ്ടെ​ന്ന നി​ല​പാ​ടാ​ണ് സ്വീ​ക​രി​ച്ച​ത്. ഈ ​ഘ​ട്ട​ത്തി​ൽ വ​ടി​കൊ​ടു​ത്ത് അ​ടി​വാ​ങ്ങ​ണ്ട എ​ന്ന നി​ല​പാ​ടി​ലാ​ണ് ക​മീ​ഷ​ൻ.

പ​രീ​ക്ഷ ത​ട്ടി​പ്പി​ൽ നാ​ലാം പ്ര​തി ഡി. ​സ​ഫീ​റി​െൻറ ജാ​മ്യാ​പേ​ക്ഷ നി​ര​സി​ച്ച് കോ​ട​തി ന​ട​ത്തി​യ വി​ധി പ്ര​സ്താ​വം യോ​ഗ​ത്തി​ല്‍ അ​വ​ത​രി​പ്പി​ച്ചു. ഒ​ന്നാം പ്ര​തി ശി​വ​ര​ഞ്ജി​ത്തി​​െൻറ വീ​ട്ടി​ല്‍നി​ന്ന് പി.​എ​സ്.​സി​യു​ടെ പ​രീ​ക്ഷാ​പേ​പ്പ​ര്‍ ക​ണ്ടെ​ത്തി​യെ​ന്ന തെ​റ്റാ​യ പ്ര​സ്താ​വ​ന വി​ധി​യി​ല്‍ ക​ട​ന്നു​കൂ​ടി​യ​ത് അം​ഗ​ങ്ങ​ള്‍ ചൂ​ണ്ടി​ക്കാ​ട്ടി. അ​തി​െൻറ അ​ടി​സ്ഥാ​ന​ത്തി​ലാ​കാം കോ​ട​തി​യി​ല്‍നി​ന്ന് എ​തി​ർ നി​രീ​ക്ഷ​ണ​ങ്ങ​ളു​ണ്ടാ​യ​ത്. അ​ത് പ​രി​ഹ​രി​ക്കാ​ന്‍ മാ​ര്‍ഗ​മില്ലെ​ന്ന നി​സ്സ​ഹാ​യാ​വ​സ്ഥ അം​ഗ​ങ്ങ​ള്‍ പ​ങ്കി​ട്ടു. യൂ​നി​വേ​ഴ്‌​സി​റ്റി കോ​ള​ജി​ലെ കേ​ന്ദ്ര​ത്തി​ല്‍ പ​രീ​ക്ഷ​യെ​ഴു​തി​യ​വ​രു​ടെ വി​വ​ര​ങ്ങ​ള്‍ ക്രൈം​ബ്രാ​ഞ്ച് ചോ​ദി​ച്ച​ത് ഉ​ട​ന്‍ ന​ല്‍കാ​ന്‍ നി​ർ​ദേ​ശി​ച്ചു. അ​ന്വേ​ഷ​ണം വേ​ഗ​ത്തി​ൽ പൂ​ർ​ത്തി​യാ​ക്ക‍ണ​മെ​ന്ന്​ ആ​വ​ശ്യ​പ്പെ​ട്ട് ഡി.​ജി.​പി​യെ നേ​രി​ൽ​ക​ണ്ട് ക​ത്ത് ന​ൽ​കാ​ൻ പി.​എ​സ്.​സി സെ​ക്ര​ട്ട​റി​യെ യോ​ഗം ചു​മ​ത​ല​പ്പെ​ടു​ത്തി.