കണ്ടല ബാങ്കിൽ കരുവന്നൂർ മോഡൽ തട്ടിപ്പെന്ന് ഇ.ഡി; 'ഉന്നത നേതാക്കൾ ഇടപെട്ടു, നടന്നത് 200 കോടിയുടെ തട്ടിപ്പ്'

തിരുവനന്തപുരം: കണ്ടല സഹകരണ ബാങ്കിൽ നടന്നത് കരുവന്നൂർ മോഡൽ തട്ടിപ്പെന്ന് എൻഫോഴ്‌സ്‌മെന്റ് ഡയറക്ടറേറ്റ്. 200 കോടി രൂപയുടെ തട്ടിപ്പ് നടന്നു. കൂടുതൽ അന്വേഷണം നടക്കുന്നതോടെ തുക ഇനിയും ഉയരാൻ സാധ്യതയുണ്ട്. ബാങ്ക് മുൻ പ്രസിഡന്‍റും സി.പി.ഐ നേതാവുമായ ഭാസുരാംഗൻ, മകൻ അഖിൽജിത്ത് എന്നിവർക്ക് തട്ടിപ്പിൽ നേരിട്ട് പങ്കുണ്ടെന്ന് ഇ.ഡി പറഞ്ഞു.

ഭാസുരാംഗനെയും മകനെയും കഴിഞ്ഞ ദിവസം ഇ.ഡി അറസ്റ്റ് ചെയ്തിരുന്നു. ഇരുവരെയും ഇന്ന് കോടതിയിൽ ഹാജരാക്കും. തുടർന്ന് കസ്റ്റഡിയിൽ വാങ്ങി ചോദ്യം ചെയ്യും. മൂന്ന് പതിറ്റാണ്ടോളം കണ്ടല ബാങ്ക് പ്രസിഡന്റായിരുന്നു ഭാസുരാംഗൻ. ഇദ്ദേഹം പ്രസിഡന്റായ കാലത്താണ് ക്രമക്കേട് നടന്നതെന്നാണ് ഇ.ഡി പറയുന്നത്. നേരത്തെ 101 കോടി രൂപയുടെ തട്ടിപ്പെന്നാണ് ഇ.ഡി പറഞ്ഞിരുന്നത്.

ഭാ​സു​രാം​ഗ​നും ബാ​ങ്ക്​ ഭ​ര​ണ​സ​മി​തി ഭാ​ര​വാ​ഹി​ക​ളും സാ​മ്പ​ത്തി​ക തി​രി​മ​റി​യി​ലൂ​ടെ അ​ന​ധി​കൃ​ത​മാ​യി സ്വ​ത്ത്​ സ​മ്പാ​ദി​ച്ചെ​ന്ന പ​രാ​തി​യി​ലാ​ണ്​ ഇ.​ഡി ന​ട​പ​ടി തു​ട​ങ്ങി​യ​ത്. വായ്പ അനുവദിച്ചതിലും നിക്ഷേപം സ്വീകരിച്ചതിലുമെല്ലാം വലിയ ക്രമക്കേട് കണ്ടെത്തി. ഉന്നത നേതാക്കളടക്കം വഴിവിട്ട വായ്പയ്ക്കായി ഇടപെട്ടെന്നും ഇ.ഡി പറയുന്നു. 30 വ​ർ​ഷ​ത്തി​ലേ​റെ​യാ​യി ക​ണ്ട​ല ബാ​ങ്ക്​ പ്ര​സി​ഡ​ന്‍റാ​യി​രു​ന്നു ഭാ​സു​രാം​ഗ​ൻ. ആ​രോ​പ​ണ​ങ്ങ​ളെ​ത്തു​ട​ർ​ന്ന്​ ഭ​ര​ണ​സ​മി​തി രാ​ജി​വെ​ക്കു​ക​യും അ​ഡ്​​മി​നി​സ്​​ട്രേ​റ്റ​ർ ഭ​ര​ണം ഏ​ർ​​പ്പെ​ടു​ത്തു​ക​യു​മാ​യി​രു​ന്നു.