കരുവന്നൂർ: മുൻ ഭരണസമിതി അം​ഗങ്ങളെ മാപ്പുസാക്ഷിയാക്കാൻ ഇ.ഡി നീക്കം

കൊ​ച്ചി: ക​രു​വ​ന്നൂ​ർ ക​ള്ള​പ്പ​ണ കേ​സി​ൽ പാ​ർ​ട്ടി നേ​താ​ക്ക​ളെ പൂ​ട്ടാ​ൻ ക​രു​നീ​ക്ക​വു​മാ​യി എ​ൻ​ഫോ​ഴ്​​സ്​​മെ​ന്‍റ്​ ഡ​യ​റ​ക്ട​റേ​റ്റ്. ബാ​ങ്കി​ന്‍റെ ര​ണ്ട് മു​ൻ ഭ​ര​ണ​സ​മി​തി അം​ഗ​ങ്ങ​ളെ മാ​പ്പു​സാ​ക്ഷി​യാ​ക്കു​ന്ന​ത്​ അ​ട​ക്കം ത​ന്ത്ര​ങ്ങ​ളാ​ണ്​ ​ഇ.​ഡി കൈ​ക്കൊ​ള്ളു​ന്ന​ത്. സാ​ക്ഷി​ക​ൾ സ്വാ​ധീ​നി​ക്ക​പ്പെ​ടു​മെ​ന്ന​തി​നാ​ൽ അ​തി​ര​ഹ​സ്യ​മാ​യാ​ണ് നീ​ക്കം. ഇ​തി​നാ​യി കോ​ട​തി​യെ സ​മീ​പി​ച്ചു. ക​രു​വ​ന്നൂ​ർ ബാ​ങ്ക് അ​നു​വ​ദി​ച്ച ബി​നാ​മി വാ​യ്പ​ക​ളെ​ല്ലാം ഉ​ന്ന​ത നേ​താ​ക്ക​ളു​ടെ അ​റി​വോ​ടെ​യാ​യി​രു​ന്നെ​ന്നാ​ണ് ഇ.​ഡി​ക്ക്​ ല​ഭി​ച്ച വി​വ​രം. ബാ​ങ്ക് സെ​ക്ര​ട്ട​റി സു​നി​ൽ, മു​ൻ മാ​നേ​ജ​ർ ബി​ജു ക​രീം എ​ന്നി​വ​ർ ഇ​തു​സം​ബ​ന്ധി​ച്ച് നേ​ര​ത്തേ മൊ​ഴി ന​ൽ​കി​യി​രു​ന്നു.

സി.​പി.​എ​മ്മി​ന്‍റെ സ​മാ​ന്ത​ര ക​മ്മി​റ്റി​യാ​ണ് ലോ​ൺ അ​നു​വ​ദി​ക്കാ​നു​ള്ള തീ​രു​മാ​ന​ങ്ങ​ളെ​ടു​ത്ത​തെ​ന്നും ഈ ​തീ​രു​മാ​ന​ത്തി​ൽ ഭ​ര​ണ​സ​മി​തി​ക്ക്​ റോ​ളൊ​ന്നും ഉ​ണ്ടാ​യി​രു​ന്നി​ല്ലെ​ന്നു​മാ​ണ് മൊ​ഴി. ക​ള്ള​പ്പ​ണ ഇ​ട​പാ​ട് ഘ​ട്ട​ത്തി​ൽ 13 അം​ഗ ഭ​ര​ണ​സ​മി​തി​യാ​ണ് ഉ​ണ്ടാ​യി​രു​ന്ന​ത്. മു​ൻ മാ​നേ​ജ​ർ ബി​ജു ക​രീ​മി​ന്‍റെ ആ​വ​ശ്യ​പ്ര​കാ​രം ലോ​ൺ രേ​ഖ​ക​ളി​ൽ ഒ​പ്പി​ട്ട് ന​ൽ​കി​യി​രു​ന്ന​താ​യും അ​പേ​ക്ഷ​യി​ൽ പ​ല​തി​ലും വി​വ​ര​ങ്ങ​ളൊ​ന്നും ഉ​ണ്ടാ​യി​രു​ന്നി​ല്ലെ​ന്നും ഭ​ര​ണ​സ​മി​തി അം​ഗ​ങ്ങ​ളി​ൽ ചി​ല​ർ മൊ​ഴി ന​ൽ​കി​യി​ട്ടു​ണ്ട്. ഇ​വ​രി​ൽ ര​ണ്ടു പേ​രെ​യാ​ണ് മാ​പ്പു​സാ​ക്ഷി​യാ​ക്കാ​ൻ ഇ.​ഡി കോ​ട​തി​യെ സ​മീ​പി​ച്ചി​ട്ടു​ള്ള​ത്.

കു​റ്റ​പ​ത്രം സ്വീ​ക​രി​ക്ക​ൽ ന​ട​പ​ടി പൂ​ർ​ത്തി​യാ​യാ​ൽ ഇ​വ​രു​ടെ മൊ​ഴി രേ​ഖ​പ്പെ​ടു​ത്തും. കേ​സി​ൽ അ​ന്വേ​ഷ​ണം നേ​രി​ടു​ന്ന സി.​പി.​എം സം​സ്ഥാ​ന ക​മ്മി​റ്റി അം​ഗ​ങ്ങ​ളാ​യ എ.​സി. മൊ​യ്തീ​ൻ, കെ. ​ക​ണ്ണ​ൻ എ​ന്നി​വ​ർ​ക്ക് ഈ ​മൊ​ഴി​ക​ൾ നി​ർ​ണാ​യ​ക​മാ​ണ്. സി.​പി.​എം ജി​ല്ല സെ​ക്ര​ട്ട​റി എം.​കെ. വ​ർ​ഗീ​സി​ന് ഈ ​മാ​സം 24ന് ​ഹാ​ജ​രാ​കാ​ൻ നോ​ട്ടീ​സ് ന​ൽ​കി​യി​ട്ടു​ണ്ട്.

സതീഷ്​ കുമാർ ബിനാമിയെന്ന്​ സാക്ഷിമൊഴി

കൊ​ച്ചി: ക​രു​വ​ന്നൂ​ർ സ​ഹ​ക​ര​ണ ബാ​ങ്ക് ത​ട്ടി​പ്പു​കേ​സി​ൽ റി​മാ​ൻ​ഡി​ൽ ക​ഴി​യു​ന്ന മു​ഖ്യ​പ്ര​തി പി. ​സ​തീ​ഷ് കു​മാ​ർ​ മു​ൻ​മ​ന്ത്രി എ.​സി. മൊ​യ്‌​തീ​ൻ എം.​എ​ൽ.​എ, സി.​പി.​എം നേ​താ​വ് എം.​കെ. ക​ണ്ണ​ൻ എ​ന്നി​വ​രു​ൾ​പ്പെ​ടെ രാ​ഷ്‌​ട്രീ​യ നേ​താ​ക്ക​ളു​ടെ​യും ചി​ല പൊ​ലീ​സ് ഉ​ദ്യോ​ഗ​സ്ഥ​രു​ടെ​യും ബി​നാ​മി​യാ​ണെ​ന്ന് സാ​ക്ഷി​മൊ​ഴി​യു​ണ്ടെ​ന്ന്​ എ​ൻ​ഫോ​ഴ്​​സ്​​മെ​ന്‍റ്​ ഡ​യ​റ​ക്​​ട​റേ​റ്റ്​ (ഇ.​ഡി). സ​തീ​ഷ്​ കു​മാ​റി​​ന്‍റെ​യും മ​റ്റൊ​രു പ്ര​തി ജി​ൽ​സി​ന്‍റെ​യും ജാ​മ്യാ​പേ​ക്ഷ​യി​ൽ വാ​ദം കേ​ൾ​ക്ക​വെ​യാ​ണ്​ ഇ.​ഡി ഇ​ക്കാ​ര്യം ബോ​ധി​പ്പി​ച്ച​ത്.

കേ​സി​ലെ മു​ഖ്യ​സാ​ക്ഷി കെ.​എ. ജി​ജോ​റി​ന്‍റെ മൊ​ഴി ചൂ​ണ്ടി​ക്കാ​ട്ടി​യാ​ണ്​ ഇ.​ഡി വാ​ദം ഉ​ന്ന​യി​ച്ച​ത്. സാ​ക്ഷി​മൊ​ഴി​യു​ടെ പ്ര​സ​ക്ത​ഭാ​ഗ​ങ്ങ​ൾ വാ​യി​ക്കു​ക​യും ചെ​യ്​​തു. തൃ​ശൂ​രി​ലെ കോ​ൺ​ഗ്ര​സ് ജി​ല്ല ക​മ്മി​റ്റി സെ​ക്ര​ട്ട​റി രാ​ജേ​ന്ദ്ര​ൻ അ​ര​ങ്ങ​ത്ത്, വ്യാ​പാ​രി സം​ഘ​ട​ന നേ​താ​വ് ബി​ന്നി ഇ​മ്മ​ട്ടി തു​ട​ങ്ങി​യ​വ​രു​ടെ​യും ബി​നാ​മി​പ്പ​ണം സ​തീ​ഷ് കു​മാ​റി​ന്റെ പ​ക്ക​ലു​ണ്ടെ​ന്ന് ജി​ജോ​റി​ന്റെ മൊ​ഴി​യി​ലു​ണ്ട്.

സ​തീ​ഷ് കു​മാ​റി​ന്റെ സാ​മ്പ​ത്തി​ക ഇ​ട​പാ​ടു​ക​ൾ​ക്ക് ഒ​രു മു​ൻ ഡി.​ഐ.​ജി ഇ​ട​നി​ല​ക്കാ​ര​നാ​യും ത​ർ​ക്ക​ങ്ങ​ളി​ൽ മ​ധ്യ​സ്ഥ​നാ​യും നി​ന്ന് ക​മീ​ഷ​ൻ വാ​ങ്ങി​യെ​ന്നും ജി​ജോ​റി​ന്റെ മൊ​ഴി​യി​ൽ പ​റ​യു​ന്നു. ഇ​തി​നെ സാ​ധൂ​ക​രി​ച്ച് ര​ണ്ടു പ്ര​തി​ക​ൾ ന​ൽ​കി​യ മൊ​ഴി​ക​ൾ ഇ.​ഡി മു​ദ്ര​വെ​ച്ച ക​വ​റി​ൽ കോ​ട​തി​യി​ൽ സ​മ​ർ​പ്പി​ച്ചു. ഈ ​പ്ര​തി​ക​ളെ മാ​പ്പു​സാ​ക്ഷി​യാ​ക്കാ​നു​ള്ള നി​യ​മോ​പ​ദേ​ശം ഇ.​ഡി​ക്ക് ല​ഭി​ച്ചി​ട്ടു​ണ്ട്. സാ​ക്ഷി​മൊ​ഴി​ക​ൾ​ക്ക​പ്പു​റം എ.​സി. മൊ​യ്തീ​ൻ, എം.​കെ. ക​ണ്ണ​ൻ തു​ട​ങ്ങി​യ​വ​ർ​ക്കെ​തി​രെ ഇ.​ഡി​യു​ടെ പ​ക്ക​ൽ തെ​ളി​വു​ക​ളി​ല്ലെ​ന്നാ​ണ്​ പ്ര​തി​ഭാ​ഗം വാ​ദം. ഹ​ര​ജി കൂ​ടു​ത​ൽ വാ​ദം കേ​ൾ​ക്ക​ലി​നാ​യി ന​വം​ബ​ർ 27ലേ​ക്ക്​ മാ​റ്റി.