കരുവന്നൂർ: സി.പി.എമ്മിന് മുകളിൽ വട്ടമിട്ട് ഇ.ഡി, കൂ​ടു​ത​ൽ പേ​ർ അ​ന്വേ​ഷ​ണ പ​രി​ധി​യി​ലേ​ക്ക്

തൃ​ശൂ​ർ: ക​രു​വ​ന്നൂ​ർ സ​ഹ​ക​ര​ണ ത​ട്ടി​പ്പു​മാ​യി ബ​ന്ധ​പ്പെ​ട്ട ഇ.​ഡി​യു​ടെ അ​ന്വേ​ഷ​ണം സി.​പി.​എം നേ​താ​ക്ക​ൾ​ക്ക് മു​ക​ളി​ൽ. ബാ​ങ്ക് ക്ര​മ​ക്കേ​ടി​ലു​പ​രി, ബാ​ങ്കി​ലൂ​ടെ ക​ള്ള​പ്പ​ണം വെ​ളു​പ്പി​ച്ചെ​ന്ന ഗു​രു​ത​ര ക​ണ്ടെ​ത്ത​ലാ​ണ് ഇ.​ഡി ഇ​പ്പോ​ൾ അ​ന്വേ​ഷി​ക്കു​ന്ന​ത്.

ബാ​ങ്കി​ന്റെ വീ​ഴ്ച​ക​ൾ അ​ക്ക​മി​ട്ട് നി​ര​ത്തി ക​ഴി​ഞ്ഞ ദി​വ​സം കോ​ട​തി​ക്ക് റി​പ്പോ​ർ​ട്ട് ന​ൽ​കി​യി​രു​ന്നു. എ​ന്നാ​ൽ, നോ​ട്ട് നി​രോ​ധ​ന സ​മ​യ​ത്ത് ബാ​ങ്കി​ലൂ​ടെ നി​ക്ഷേ​പ​മാ​യെ​ത്തി വ്യാ​ജ വാ​യ്പ​ക​ളു​ടെ പേ​രി​ൽ പു​റ​ത്തേ​ക്ക് ക​ട​ത്തി വെ​ളു​പ്പി​ച്ചെ​ടു​ത്ത​ത് കോ​ടി​ക​ളാ​ണെ​ന്ന ക​ണ്ടെ​ത്ത​ലി​ലാ​ണ് ഇ​പ്പോ​ൾ ഇ.​ഡി​യു​ടെ പ്ര​ധാ​ന അ​ന്വേ​ഷ​ണം.

മു​ൻ മ​ന്ത്രി എ.​സി. മൊ​യ്തീ​ൻ എം.​എ​ൽ.​എ​ക്കും ഈ ​ഇ​ട​പാ​ടു​ക​ളി​ൽ ബ​ന്ധ​മു​ണ്ടെ​ന്ന നി​ഗ​മ​ന​ത്തി​ൽ മൊ​യ്തീ​ന്റെ വീ​ട്ടി​ലെ പ​രി​ശോ​ധ​ന​ക്ക് പി​ന്നാ​ലെ ഇ​ദ്ദേ​ഹ​വു​മാ​യി ബ​ന്ധ​മു​ള്ള ര​ണ്ട് പ​ണ​മി​ട​പാ​ടു​കാ​ർ അ​റ​സ്റ്റി​ലാ​യി​രു​ന്നു. വ്യാ​ഴാ​ഴ്ച മൊ​യ്തീ​നു​മാ​യി ഏ​റെ അ​ടു​പ്പ​മു​ള്ള തൃ​ശൂ​ർ കോ​ർ​പ​റേ​ഷ​ൻ കൗ​ൺ​സി​ല​റും സി.​പി.​എം തൃ​ശൂ​ർ ഏ​രി​യ ക​മ്മി​റ്റി അം​ഗ​വു​മാ‍യ അ​നൂ​പ് ഡേ​വീ​സ് കാ​ട, വ​ട​ക്കാ​ഞ്ചേ​രി ന​ഗ​ര​സ​ഭ കൗ​ൺ​സി​ല​റും സി.​പി.​എം നേ​താ​വു​മാ​യ പി.​ആ​ർ. അ​ര​വി​ന്ദാ​ക്ഷ​ൻ, റി​യ​ൽ എ​സ്റ്റേ​റ്റ് ബി​സി​ന​സു​കാ​ര​ൻ രാ​ജേ​ഷ്, സി.​പി.​എം നേ​താ​വ് മ​ധു എ​ന്നി​വ​രെ​യും ഇ.​ഡി മ​ണി​ക്കൂ​റു​ക​ളോ​ളം ചോ​ദ്യം ചെ​യ്തു. ത​ട്ടി​പ്പി​ന്റെ മ​റ​വി​ൽ ന​ട​ന്ന ക​ള്ള​പ്പ​ണ ഇ​ട​പാ​ട് അ​ന്വേ​ഷ​ണ​ത്തി​ൽ ഇ.​ഡി എ​ത്തു​ന്ന​ത് കൂ​ടു​ത​ൽ നേ​താ​ക്ക​ളി​ലേ​ക്കാ​ണെ​ന്ന സൂ​ച​ന​യാ​ണു​ള്ള​ത്. ക​ണ്ണൂ​രി​ൽ​നി​ന്ന് തൃ​ശൂ​രി​ലെ​ത്തി അ​തി​വേ​ഗ​ത്തി​ൽ സാ​മ്പ​ത്തി​ക വ​ള​ർ​ച്ച നേ​ടി​യ കോ​ല​ഴി സ​തീ​ഷ് കു​മാ​റി​നെ ചോ​ദ്യം ചെ​യ്ത​തി​ലാ​ണ് പ​ണ​മി​ട​പാ​ടു​മാ​യി ബ​ന്ധ​പ്പെ​ട്ട വി​വ​ര​ങ്ങ​ളും നേ​താ​ക്ക​ളു​ടെ ബ​ന്ധ​ങ്ങ​ളും സം​ബ​ന്ധി​ച്ച വി​വ​ര​ങ്ങ​ൾ ഇ.​ഡി​ക്ക് ല​ഭി​ച്ച​ത്.

സി.പി.എം നേതാക്കളടക്കം അഞ്ചുപേരെ ചോദ്യം ചെയ്തു

കൊ​ച്ചി: ക​രു​വ​ന്നൂ​ർ സ​ഹ​ക​ര​ണ ബാ​ങ്ക് ത​ട്ടി​പ്പു​കേ​സി​ൽ മൂ​ന്ന് സി.​പി.​എം നേ​താ​ക്ക​ൾ ഉ​ൾ​പ്പെ​ടെ അ​ഞ്ചു​പേ​രെ എ​ൻ​ഫോ​ഴ്സ്‌​മെ​ന്‍റ്​ ഡ​യ​റ​ക്ട​റേ​റ്റ് (ഇ.​ഡി) വ്യാ​ഴാ​ഴ്ച ചോ​ദ്യം ചെ​യ്തു. അ​റ​സ്റ്റി​ലാ​യ ര​ണ്ടു പ്ര​തി​ക​ൾ​ക്കൊ​പ്പ​മി​രു​ത്തി​യും ഇ​വ​രെ ചോ​ദ്യം ചെ​യ്തു. സി.​പി.​എം സം​സ്ഥാ​ന സ​മി​തി അം​ഗ​മാ​യ എ.​സി. മൊ​യ്‌​തീ​നെ കേ​സി​ൽ പ്ര​തി ചേ​ർ​ക്കാ​ൻ തെ​ളി​വു​ക​ൾ തേ​ടി​യാ​ണ് ചോ​ദ്യം ചെ​യ്യ​ലെ​ന്നാ​ണ് സൂ​ച​ന. സി.​പി.​എം ഏ​രി​യ ക​മ്മി​റ്റി അം​ഗ​വും തൃ​ശൂ​ർ കോ​ർ​പ​റേ​ഷ​ൻ കൗ​ൺ​സി​ല​റു​മാ​യ അ​നൂ​പ് ഡേ​വി​സ്, പ്രാ​ദേ​ശി​ക നേ​താ​വും വ​ട​ക്കാ​ഞ്ചേ​രി ന​ഗ​ര​സ​ഭ സ്ഥി​രം​സ​മി​തി അ​ധ്യ​ക്ഷ​നു​മാ​യ പി.​ആ​ർ. അ​ര​വി​ന്ദാ​ക്ഷ​ൻ, പ്രാ​ദേ​ശി​ക നേ​താ​വ് മ​ധു, റി​യ​ൽ എ​സ്റ്റേ​റ്റ് ഇ​ട​പാ​ടു​കാ​രാ​യ രാ​ജേ​ഷ്, ജി​ഷോ​ർ എ​ന്നി​വ​രെ​യാ​ണ് ചോ​ദ്യം ചെ​യ്‌​ത​ത്. അ​ഞ്ചു​പേ​രെ​യും പ്ര​ത്യേ​കം ചോ​ദ്യം ചെ​യ്ത​ശേ​ഷ​മാ​യി​രു​ന്നു, മൊ​യ്തീ​ന്റെ ബി​നാ​മി​യെ​ന്ന് ഇ.​ഡി ക​രു​തു​ന്ന പി. ​സ​തീ​ഷ്‌​കു​മാ​ർ, മു​ൻ ബാ​ങ്ക് ജീ​വ​ന​ക്കാ​ര​ൻ പി.​പി. കി​ര​ൺ എ​ന്നി​വ​ർ​ക്കൊ​പ്പ​മി​രു​ത്തി​യു​ള്ള ചോ​ദ്യം ചെ​യ്യ​ൽ. ക​സ്റ്റ​ഡി കാ​ലാ​വ​ധി വെ​ള്ളി​യാ​ഴ്ച അ​വ​സാ​നി​ക്കു​ന്ന​തി​നാ​ൽ പ​ര​മാ​വ​ധി വി​വ​ര​ങ്ങ​ൾ ശേ​ഖ​രി​ക്കാ​നാ​ണ് ശ്ര​മം. മൊ​യ്തീ​നു​മാ​യി അ​ടു​പ്പ​മു​ള്ള​വ​രാ​ണ് അ​നൂ​പ് ഡേ​വി​സും പി.​ആ​ർ. അ​ര​വി​ന്ദാ​ക്ഷ​നും.