കരുവന്നൂർ ബാങ്ക് തട്ടിപ്പ്: രണ്ടുപേർ അറസ്റ്റിൽ

കൊ​ച്ചി: ക​രു​വ​ന്നൂ​ർ സ​ഹ​ക​ര​ണ ബാ​ങ്ക്​ ത​ട്ടി​പ്പ്​ കേ​സി​ൽ ര​ണ്ടു​പേ​രെ എ​ൻ​ഫോ​ഴ്​​സ്​​മെ​ന്‍റ്​ ഡ​യ​റ​ക്ട​റേ​റ്റ്​ (ഇ.ഡി) അ​റ​സ്റ്റ്​ ചെ​യ്തു. മു​ൻ മ​ന്ത്രി​യും സി.​പി.​എം നേ​താ​വു​മാ​യ എ.​സി. മൊ​യ്തീ​ന്‍റെ ബി​നാ​മി​ക​ളെ​ന്ന്​​​​ ഇ.​ഡി സം​ശ​യി​ക്കു​ന്ന പി. ​സ​തീ​ഷ്​ കു​മാ​ർ, ഇ​ട​നി​ല​ക്കാ​ര​ൻ പി.​പി. കി​ര​ൺ എ​ന്നി​വ​രെ​യാ​ണ്​ അ​റ​സ്റ്റ്​ ചെ​യ്ത​ത്. ക​ഴി​ഞ്ഞ നാ​ലു ദി​വ​സ​മാ​യി ഇ​വ​രെ ചോ​ദ്യം ചെ​യ്തു​വ​രു​ക​യാ​യി​രു​ന്നു.

തി​ങ്ക​ളാ​ഴ്ച വി​ശ​ദ​മാ​യ ചോ​ദ്യം ചെ​യ്യ​ലി​നൊ​ടു​വി​ൽ രാ​ത്രി​യോ​ടെ​യാ​ണ്​ അ​റ​സ്റ്റ്​ രേ​ഖ​പ്പെ​ടു​ത്തി​യ​ത്. ഇ​വ​രെ ചൊ​വ്വാ​ഴ്ച കൊ​ച്ചി​യി​ലെ പി.​എം.​എ​ൽ.​എ കോ​ട​തി​യി​ൽ ഹാ​ജ​രാ​ക്കും. കേ​സി​ൽ ഇ.​ഡി​യു​ടെ ആ​ദ്യ അ​റ​സ്റ്റാ​ണി​ത്. സ​തീ​ഷ്​ കു​മാ​റാ​ണ്​ ത​ട്ടി​പ്പി​ലെ പ്ര​ധാ​ന പ്ര​തി​യെ​ന്നാ​ണ്​ ഇ.​ഡി വ്യ​ക്ത​മാ​ക്കു​ന്ന​ത്. ഇ​യാ​ൾ നി​ര​വ​ധി ബാ​ങ്കു​ക​ളി​ൽ ബി​നാ​മി ഇ​ട​പാ​ടു​ക​ൾ ന​ട​ത്തി​യ​താ​യാ​ണ്​ നി​ഗ​മ​നം. കി​ര​ൺ വി​വി​ധ പേ​രു​ക​ളി​ൽ 14 കോ​ടി ത​ട്ടി​യെ​ടു​ത്ത​താ​യും ക​ണ്ടെ​ത്തി​യി​ട്ടു​ണ്ട്​. സി.​പി.​എം ​പ്രാ​ദേ​ശി​ക നേ​താ​ക്ക​ളു​ടെ അ​റി​വോ​ടെ​യാ​ണ്​ ത​ട്ടി​പ്പ് ന​ട​ന്ന​തെ​ന്നും വ്യ​ക്ത​മാ​യി. സ​തീ​ഷ്​ കു​മാ​റി​ന്​​ നി​ര​വ​ധി സി.​പി.​എം നേ​താ​ക്ക​ളു​മാ​യി അ​ടു​ത്ത ബ​ന്ധ​മു​ണ്ടെ​ന്നാ​ണ്​ സൂ​ച​ന. ബാ​ങ്കു​മാ​യി നേ​രി​ട്ട്​ ബ​ന്ധ​മി​ല്ലെ​ങ്കി​ലും ത​ട്ടി​യെ​ടു​ത്ത വാ​യ്പ​ക​ൾ കൈ​കാ​ര്യം ചെ​യ്തി​രു​ന്ന​ത്​ ഇ​യാ​ളാ​ണ്.

കേ​സി​ൽ കൂ​ടു​ത​ൽ അ​റ​സ്റ്റ്​ ഉ​ട​ൻ ഉ​ണ്ടാ​കു​മെ​ന്നാ​ണ്​ ഇ.​ഡി ന​ൽ​കു​ന്ന വി​വ​രം. നേ​ര​ത്തേ എ.​സി. മൊ​യ്തീ​ന്‍റെ തൃ​ശൂ​രി​ലെ വീ​ട്ടി​ൽ റെ​യ്​​ഡ്​ ന​ട​ത്തി​യ ശേ​ഷം അ​ദ്ദേ​ഹ​ത്തി​ന്‍റെ ബാ​ങ്ക്​ അ​ക്കൗ​ണ്ടു​ക​ൾ മ​ര​വി​പ്പി​ച്ചി​രു​ന്നു. അ​തേ​സ​മ​യം, ര​ണ്ടാ​മ​തും നോ​ട്ടീ​സ്​ ന​ൽ​കി​യി​ട്ടും എ.​സി. മൊ​യ്തീ​ൻ തി​ങ്ക​ളാ​ഴ്ച​യും ഹാ​ജ​രാ​കാത്ത സാഹചര്യത്തിൽ കൂ​ടു​ത​ൽ സാ​വ​കാ​ശം ന​ൽ​കേ​ണ്ടെ​ന്നാ​ണ്​ ഇ.​ഡി​യു​ടെ തീ​രു​മാ​നം എ​ന്ന​റി​യു​ന്നു. ഇ​ത​നു​സ​രി​ച്ച്​ വീ​ണ്ടും നോ​ട്ടീ​സ്​ ന​ൽ​കും. ഇ​ക്കാ​ര്യ​ത്തി​ൽ ചൊ​വ്വാ​ഴ്ച തീ​രു​മാ​ന​മു​ണ്ടാ​കും.

ഇ.ഡിക്കെതിരെ എ.സി. മൊയ്തീൻ കോടതിയിലേക്ക്

ക​രു​വ​ന്നൂ​ർ സ​ഹ​ക​ര​ണ ബാ​ങ്ക് ത​ട്ടി​പ്പു​കേ​സി​ൽ ഇ.​ഡി ന​ട​പ​ടി​ക്കെ​തി​രെ ഹൈ​കോ​ട​തി​യെ സ​മീ​പി​ക്കാ​ൻ എ.​സി. മൊ​യ്തീ​ൻ എം.​എ​ൽ.​എ. നേ​ര​േ​ത്ത കി​ഫ്ബി​യു​മാ​യി ബ​ന്ധ​പ്പെ​ട്ട കേ​സി​ൽ ഡോ. ​തോ​മ​സ് ഐ​സ​ക് സ്വീ​ക​രി​ച്ച അ​തേ നി​യ​മ​വ​ഴി സ്വീ​ക​രി​ക്കാ​നാ​ണ് തീ​രു​മാ​നം. പാ​ർ​ട്ടി നി​യോ​ഗി​ച്ച അ​ഭി​ഭാ​ഷ​ക​രു​ടെ സം​ഘ​മാ​ണ്​ നേ​തൃ​ത്വ​ത്തി​ന്​ നി​യ​മോ​പ​ദേ​ശം ന​ൽ​കി​യ​ത്. അ​ടു​ത്ത ദി​വ​സം​ത​ന്നെ ഹൈ​കോ​ട​തി​യി​ൽ ഹ​ര​ജി ന​ൽ​കു​മെ​ന്നാ​ണ് സൂ​ച​ന.

സെ​പ്റ്റം​ബ​ർ നാ​ലി​ന്​ ഹാ​ജ​രാ​കാ​ൻ മൊ​യ്തീ​ന് ഇ.​ഡി നോ​ട്ടീ​സ് ന​ൽ​കി​യി​രു​ന്നു. എ​ന്നാ​ൽ, അ​സൗ​ക​ര്യ​മ​റി​യി​ച്ച മൊ​യ്തീ​ൻ തി​ങ്ക​ളാ​ഴ്ച തി​രു​വ​ന​ന്ത​പു​ര​ത്ത് പ്ര​വാ​സി ക്ഷേ​മം സം​ബ​ന്ധി​ച്ച നി​യ​മ​സ​ഭ സ​മി​തി യോ​ഗ​ത്തി​ൽ പ​ങ്കെ​ടു​ത്തു. സ​മി​തി ചെ​യ​ർ​മാ​ൻ​കൂ​ടി​യാ​യ മൊ​യ്തീ​ൻ ചൊ​വ്വാ​ഴ്ച​യും യോ​ഗ​ത്തി​ൽ പ​ങ്കെ​ടു​ക്കു​ന്നു​ണ്ട്. ആ​ഗ​സ്റ്റ്​ 31ന് ​ഹാ​ജ​രാ​വാ​നാ​ണ്​ ഇ.​ഡി ആ​ദ്യം നോ​ട്ടീ​സ് ന​ൽ​കി​യ​ത്. എ​ന്നാ​ൽ, അ​സൗ​ക​ര്യ​മ​റി​യി​ച്ച​തോ​ടെ സെ​പ്റ്റം​ബ​ർ നാ​ലി​ന് ഹാ​ജ​രാ​വാ​ൻ ആ​വ​ശ്യ​പ്പെ​ട്ടു. പു​തു​പ്പ​ള്ളി ഉ​പ​തെ​ര​ഞ്ഞെ​ടു​പ്പ് ന​ട​ക്കു​ന്ന സാ​ഹ​ച​ര്യ​ത്തി​ൽ ഹാ​ജ​രാവു​ന്ന​ത് തി​രി​ച്ച​ടി​യാ​യേ​ക്കു​മെ​ന്ന വി​ല​യി​രു​ത്ത​ലി​ൽ തെ​ര​ഞ്ഞെ​ടു​പ്പ് ക​ഴി​ഞ്ഞ് ഹാ​ജ​രാ​യാ​ൽ മ​തി​യെ​ന്നാ​ണ് സി.​പി.​എം നി​ർ​ദേ​ശി​ച്ചി​ട്ടു​ള്ള​ത്.

കരുവന്നൂർ സഹകരണ ബാങ്ക് ക്രമക്കേടിൽ വ്യാജവായ്പ അനുവദിക്കാനുള്ള ബിനാമി ഇടപാടിൽ എ.സി. മൊയ്തീന് പങ്കുണ്ടെന്ന മൊഴിയുടെ അടിസ്ഥാനത്തിൽ ആഗസ്റ്റ് 22ന് മൊയ്തീന്റെ വടക്കാഞ്ചേരിയിലെ വീട്ടിലും കുന്നംകുളത്തെ ഓഫിസിലും പരിശോധന നടന്നിരുന്നു.