ക​രു​വ​ന്നൂ​ർ ബാ​ങ്ക്​ ത​ട്ടി​പ്പ്​ കേ​സ്: അ​റ​സ്റ്റി​ലാ​യവരുടെ ജയിൽ മാറ്റത്തെ വിമർശിച്ച് കോടതി, വിശദീകരണം തൃപ്തികരമല്ലെന്ന്

കൊ​ച്ചി: ക​രു​വ​ന്നൂ​ർ സ​ഹ​ക​ര​ണ ബാ​ങ്ക്​ ത​ട്ടി​പ്പ്​ കേ​സിൽ അ​റ​സ്റ്റി​ലാ​യവരുടെ ജയിൽ മാറ്റം സംബന്ധിച്ച് ജയിൽ സൂപ്രണ്ട് വിശദീകരണം തൃപ്തികരമല്ലെന്ന് കോടതി. എറണാകുളം സബ്ജയിലിലേക്ക് മാറ്റണമെന്നാണ് കലൂരിലെ പ്രത്യേക കോടതിയുടെ ഉത്തരവ്.

ക​രു​വ​ന്നൂ​ർ സ​ഹ​ക​ര​ണ ബാ​ങ്ക്​ ത​ട്ടി​പ്പ്​ കേ​സി​ൽ അ​റ​സ്റ്റി​ലാ​യ സി.​പി.​എം നേ​താ​വ്​ പി.​ആ​ർ. അ​ര​വി​ന്ദാ​ക്ഷ​​ന്‍റെ ജ​യി​ൽ മാ​റ്റം സം​ബ​ന്ധി​ച്ച്​ എ​റ​ണാ​കു​ളം പ്ര​ത്യേ​ക പി.​എം.​എ​ൽ.​എ കോ​ട​തി ജ​യി​ൽ വ​കു​പ്പി​നോ​ട്​ വി​ശ​ദീ​ക​ര​ണം തേ​ടിയിര​ുന്നു. എ​റ​ണാ​കു​ളം സ​ബ്​ ജ​യി​ലി​ൽ പാ​ർ​പ്പി​ച്ചി​രു​ന്ന അ​ര​വി​ന്ദാ​ക്ഷ​നെ കാ​ക്ക​നാ​​ട്ടെ ജി​ല്ല ജ​യി​ലി​ലേ​ക്കാ​ണ്​ മാ​റ്റി​യ​ത്. മു​ൻ​കൂ​ട്ടി അ​റി​യി​ക്കാ​തെ​യു​ള്ള ജ​യി​ൽ മാ​റ്റ​ത്തെ​പ്പ​റ്റി എ​ൻ​ഫോ​​ഴ്​​സ്​​മെ​ന്‍റ്​ ഡ​യ​റ​ക്ട​റേ​റ്റ്​ പ​രാ​തി​പ്പെ​ട്ട​തോ​ടെ​യാ​ണ്​ കോ​ട​തി വി​ശ​ദീ​ക​ര​ണം ആ​വ​ശ്യ​പ്പെ​ട്ട​ത്.

അ​ര​വി​ന്ദാ​ക്ഷ​നെ​യും ക​രു​വ​ന്നൂ​ർ ബാ​ങ്ക് മു​ൻ അ​ക്കൗ​ണ്ട​ന്‍റ്​ സി.​കെ. ജി​ൽ​സി​നെ​യും കൊ​ച്ചി​യി​ലെ പി.​എം.​എ​ൽ.​എ കോ​ട​തി ക​ഴി​ഞ്ഞ​യാ​ഴ്ച എ​റ​ണാ​കു​ളം സ​ബ് ജ​യി​ലി​ലേ​ക്ക് റി​മാ​ൻ​ഡ് ചെ​യ്​​തി​രു​ന്നു. എ​ന്നാ​ൽ, കോ​ട​തി​യെ​യോ അ​ന്വേ​ഷ​ണ ഏ​ജ​ൻ​സി​യെ​യോ അ​റി​യി​ക്കാ​തെ ഇ​രു​വ​രെ​യും ജി​ല്ല ജ​യി​ലി​ലേ​ക്ക് മാ​റ്റു​ക​യാ​യി​രു​ന്നു. ചൊ​വ്വാ​ഴ്ച കേ​സ് പ​രി​ഗ​ണി​ക്കു​മ്പോ​ഴാ​ണ് ഇ.​ഡി സ്‌​പെ​ഷ​ൽ പ്രോ​സി​ക്യൂ​ട്ട​ർ ഇ​ക്കാ​ര്യം കോ​ട​തി​യി​ൽ ഉ​ന്ന​യി​ച്ച​ത്.

അ​ര​വി​ന്ദാ​ക്ഷ​നെ ഒ​ന്നാം പ്ര​തി സ​തീ​ഷ്‌​കു​മാ​റി​നൊ​പ്പം പാ​ർ​പ്പി​ച്ച​തി​ൽ ആ​ശ​ങ്ക​യു​ണ്ടെ​ന്ന് ഇ.​ഡി ബോ​ധി​പ്പി​ച്ചു. സ​തീ​ഷു​മാ​യി അ​ര​വി​ന്ദാ​ക്ഷ​ന് അ​ടു​ത്ത ബ​ന്ധ​മു​ള്ള​തി​നാ​ൽ അ​ന്വേ​ഷ​ണ​ത്തെ ഇ​ത് ബാ​ധി​ക്കു​മെ​ന്നും ചൂ​ണ്ടി​ക്കാ​ട്ടി. അ​തി​നി​ടെ, അ​ര​വി​ന്ദാ​ക്ഷ​നെ വീ​ണ്ടും ക​സ്റ്റ​ഡി​യി​ൽ ആ​വ​ശ്യ​പ്പെ​ട്ട് ഇ.​ഡി കോ​ട​തി​യി​ൽ അ​പേ​ക്ഷ ന​ൽ​കും. ഇ​യാ​ളെ നേ​ര​ത്തേ ഒ​രു​ദി​വ​സ​ത്തേ​ക്ക് ക​സ്റ്റ​ഡി​യി​ൽ ചോ​ദ്യം ചെ​യ്​​തി​രു​ന്നു. മു​ഖ്യ​പ്ര​തി​ക​ളാ​യ സ​തീ​ഷ്​​കു​മാ​ർ, പി.​പി. കി​ര​ൺ എ​ന്നി​വ​രു​ടെ റി​മാ​ൻ​ഡ് കാ​ലാ​വ​ധി ഒ​ക്ടോ​ബ​ർ 17 വ​രെ കോ​ട​തി നീ​ട്ടി.