കാരുണ്യ ആരോഗ്യ സുരക്ഷാപദ്ധതി; രണ്ട് വര്‍ഷത്തിൽ നൽകിയത്​ 3030 കോടിയുടെ സൗജന്യ ചികിത്സ

തി​രു​വ​ന​ന്ത​പു​രം: കാ​രു​ണ്യ ആ​രോ​ഗ്യ സു​ര​ക്ഷാ പ​ദ്ധ​തി വ​ഴി ക​ഴി​ഞ്ഞ ര​ണ്ട് വ​ര്‍ഷ​ങ്ങ​ളി​ലാ​യി ന​ൽ​കി​യ​ത്​ 3030 കോ​ടി രൂ​പ​യു​ടെ സൗ​ജ​ന്യ ചി​കി​ത്സ. 12,22,241 ഗു​ണ​ഭോ​ക്താ​ക്ക​ള്‍ക്കാ​യി 28,75,455 ക്ലൈ​മു​ക​ളി​ലൂ​ടെ​യാ​ണ്​ ഈ ​തു​ക വി​നി​യോ​ഗി​ച്ച​ത്. മ​ണി​ക്കൂ​റി​ൽ 180 രോ​ഗി​ക​ൾ​ക്കും മി​നി​റ്റി​ൽ മൂ​ന്ന്​ രോ​ഗി​ക​ൾ എ​ന്ന ക്ര​മ​ത്തി​ലും സൗ​ജ​ന്യ​ചി​കി​ത്സ ല​ഭ്യ​മാ​വു​ന്നു​ണ്ടെ​ന്നാ​ണ്​ സ​ർ​ക്കാ​ർ ക​ണ​ക്ക്.

2021-2022 സാ​മ്പ​ത്തി​ക വ​ർ​ഷ​ത്തി​ൽ 5,76,955 ഗു​ണ​ഭോ​ക്താ​ക്ക​ള്‍ക്കും ഈ ​സാ​മ്പ​ത്തി​ക വ​ര്‍ഷം (2022-2023) 6,45,286 ഗു​ണ​ഭോ​ക്താ​ക്ക​ള്‍ക്കും സൗ​ജ​ന്യ ചി​കി​ത്സാ​സ​ഹാ​യം ന​ല്‍കി​യി​ട്ടു​ണ്ട്. 2021-2022 സാ​മ്പ​ത്തി​ക വ​ര്‍ഷം 1400 കോ​ടി​യു​െ​ട​യും ഈ ​സാ​മ്പ​ത്തി​ക വ​ര്‍ഷം 1630 കോ​ടി രൂ​പ​യു​ടെ​യും സൗ​ജ​ന്യ ചി​കി​ത്സ​യാ​ണ്​ ല​ഭ്യ​മാ​ക്കി​യ​ത്.

പ​ദ്ധ​തി​യി​ല്‍ ആ​കെ 42 ല​ക്ഷം കു​ടും​ബ​ങ്ങ​ളാ​ണ് ര​ജി​സ്റ്റ​ര്‍ ചെ​യ്തി​ട്ടു​ള്ള​ത്. ഇ​തി​ല്‍ 21.5 ല​ക്ഷം കു​ടും​ബ​ങ്ങ​ള്‍ക്ക് മാ​ത്ര​മാ​ണ് 60:40 അ​നു​പാ​ത​ത്തി​ല്‍ കേ​ന്ദ്ര സ​ഹാ​യം ല​ഭ്യ​മാ​കു​ന്ന​ത്. ഇ​തി​ല്‍ത​ന്നെ ഒ​രു കു​ടും​ബ​ത്തി​ന് 1052 രൂ​പ പ്രീ​മി​യം എ​ന്ന രീ​തി​യി​ല്‍ ക​ണ​ക്കാ​ക്കി അ​തി​ന്റെ 60 ശ​ത​മാ​ന​മാ​യ 631.2 രൂ​പ നി​ര​ക്കി​ല്‍ ആ​കെ 138 കോ​ടി രൂ​പ​യാ​ണ്​ കേ​ന്ദ്ര വി​ഹി​തം.