കരുണ സംഗീത പരിപാടി സാമ്പത്തികമായി പരാജയമെന്ന്​​ സംഘാടകർ; കണക്കുകൾ പുറത്ത്​ വിട്ടു

കൊച്ചി: കൊച്ചി മ്യൂസിക് ഫൗണ്ടേഷൻ സംഘടിപ്പിച്ച 'കരുണ' സംഗീത പരിപാടി സാമ്പത്തികമായി പരാജയമായിരുന്നുവെന്ന്​ സ ംഘാടകർ. ഫേസ്​ബുക്ക്​ ലൈവിലൂടെയാണ്​ സംഘാടകർ സംഗീതപരിപാടിയുടെ കണക്കുകൾ പുറത്ത്​ വിട്ടത്​. രേഖകൾ കൊച്ചി മ്യൂസി ക്​ ഫൗണ്ടേഷൻെറ വെബ്​സൈറ്റിലും ലഭ്യമാക്കിയിട്ടുണ്ട്​.

4000 പേരാണ്​ സംഗീതപരിപാടിക്കായി എത്തിയതെന്ന്​ സംഘാടകർ വ്യക്​തമാക്കി. ഇതിൽ 3000 പേരും സൗജന്യപാസിലൂടെയാണ്​ പരിപാടിക്ക്​ വന്നത്​​. 908 ടിക്കറ്റുകളാണ്​ പരിപാടിക്ക്​ മുമ്പ്​ വിറ്റു തീർന്നത്​. പരിപാടിയുടെ ദിവസം കൗണ്ടറിലൂടെയും കുറച്ച്​ ടിക്കറ്റുകൾ വിറ്റു. ടിക്കറ്റ്​ വിൽപനയിലൂടെ ജി.എസ്​.ടി കുറച്ച്​ ലഭിച്ചത്​ 6,021,93 രൂപ മാത്രമാണെന്ന്​ സംഘാടകരിലൊരാളായ സംഗീത സംവിധായകൻ ബിജിപാൽ പറഞ്ഞു.

പരിപാടിയിൽ നിന്ന്​ ലഭിക്കുന്ന തുക ദുരിതാശ്വാസ നിധിയിലേക്ക്​ നൽകുമെന്ന്​ പറഞ്ഞിരുന്നു. അതിനാലാണ്​ സ്​റ്റേഡിയം സൗജന്യമായി നൽകിയത്​. പരിപാടിയുമായി ബന്ധപ്പെട്ട ബാധ്യതകൾ തീർത്തതിന്​ ശേഷം മുഖ്യമന്ത്രിയുടെ ദുരിതാശ്വാസനിധിയിലേക്ക്​ സംഭാവന നൽകാമെന്നായിരുന്നു ധാരണയെന്നും കൊച്ചി മ്യൂസിക്​ ഫൗണ്ടേഷൻ അറിയിച്ചു. ബിജിപാലിനൊപ്പം സംവിധായകൻ ആഷിക്​ അബുവും വാർത്താ സമ്മേളനത്തിൽ പ​ങ്കെടുത്തിരുന്നു.