ചരിത്ര സ്​മാരക പദവി പ്രതീക്ഷയിൽ കരുമാടി മുസാവരി ബംഗ്​ളാവ്​

ആലപ്പുഴ:വീണ്ടുമൊരു ഗാന്ധി ജയന്തി കടന്ന്​ വരു​േമ്പാഴും രാഷ്ട്രപിതാവ് മഹാത്മാഗാന്ധി താമസിച്ച കരുമാടിയിലെ മുസാവരി ബംഗ്ലാവ് ചരിത്ര സ്​മാരകമാക്കണമെന്ന ആവശ്യം യാഥാർത്ഥ്യമായില്ല. വൈക്കം സത്യാഗ്രഹത്തിൽ പ​െങ്കടുക്കാനായി 1937ല്‍ തിരുവനന്തപുരത്ത്​ നിന്നുള്ള യാത്രാമധ്യേയാണ് ഗാന്ധിജി കരുമാടിയിലെത്തിയത്. ബ്രിട്ടീഷ് ഭരണകാലത്ത് പാതയോരങ്ങളിലും ജലപാതയ്ക്കരികിലും പണിതീര്‍ത്ത വിശ്രമകേന്ദ്രങ്ങളാണ്​ മുസാവരി ബംഗ്ലാവുകൾ.അറബിയിലും പേർഷ്യനിലും യാത്രക്കാരൻ എന്ന്​ അർത്ഥം വരുന്ന മുസാഫിറിൽ നിന്നാണ്​ യാത്രക്കാർക്കായുള്ള വിശ്രമാലയം എന്ന അർത്ഥത്തിൽ മുസാവരി ബംഗ്ലാവ്​ ഉണ്ടായത്. ഉറുദുവിലും ഹിന്ദിയിലും മുസാഫിറിന്​ യാത്രക്കാരൻ എന്ന്​ തന്നെയാണ്​ പറയുന്നത്​.

കൊല്ലം - കോട്ടപ്പുറം ദേശീയ ജലപാതയിലെ കരുമാടി കനാല്‍ തീരത്തെ മുസാവരി ബംഗ്ലാവ്​ ബ്രിട്ടീഷുകാര്‍ പോയതോടെ പൊതുമരാമത്ത് വകുപ്പി​​​െൻറ അധീനതയിലായി. നിലവിൽ അമ്പലപ്പുഴ റോഡ്സ് സെക്ഷനും തകഴി ബ്രിഡ്ജസ് ഡിവിഷനും ബംഗ്ളാവി​​​െൻറ ഒരുവശത്തും കരുമാടി സർക്കാർ ആയുര്‍വേദ ആശുപത്രി മറുവശത്തും പ്രവര്‍ത്തിക്കുകയാണ്​. ജില്ലാ ടാര്‍ സ്റ്റോറും ക്വാളിറ്റി കണ്‍ട്രോള്‍ ലാബും ഇവിടെ പ്രവര്‍ത്തനം തുടങ്ങി.നിറച്ചതും ഒഴിഞ്ഞതുമായ ടാർവീപ്പകൾ അവിടെ സൂക്ഷിക്കുന്നത്​ അഭംഗിയാണെന്ന ബോധം ദൗർഭാഗ്യവശാൽ അധികാരികൾക്ക്​ ഇത്​ ​വരെ തോന്നിയിട്ടില്ല. ചുരുങ്ങിയത്​ ഒന്നര നൂറ്റാണ്ടെങ്കിലും പഴക്കമുള്ള നാട്ടുമാവുകളും നിരവധി ഒൗഷധ വൃക്ഷങ്ങളും മുസാവരി ബംഗ്ലാവിൽ തണൽ വിരിച്ച്​ നിൽക്കുന്നുണ്ട്​. വളരെ വലിയൊരു അടുക്കള ഇതിനോടകം പൊളിച്ചു മാറ്റപ്പെട്ടു.ബംഗ്​ളാവി​​​െൻറ ഭാഗമായുള്ള വലിയ ശൗചാലയ സമുച്ചയം റോഡ്​ വികസനത്തി​​​െൻറ ഭാഗമായി പൊളിച്ച്​ കളഞ്ഞിരുന്നു.കാലപ്പഴക്കത്താല്‍ ബംഗ്​ളാവ്​ നാശത്തി​​​െൻറ വക്കിലാണ്​.മരത്തി​​​െൻറ ഭാഗങ്ങൾ പലപ്പോഴായി അറ്റകുറ്റപ്പണികൾ നടത്തിയെങ്കിലും ജീര്‍ണ്ണാവസ്ഥയിൽ തന്നെയാണ്​.

അമ്പലപ്പുഴ തെക്ക് പഞ്ചായത്ത് അഞ്ചാം വാർ‌ഡിലെ റെയിൽവേ ട്രാക്ക്-പൂത്തറ റോഡിന്റെ നിർമാണം ഉദ്ഘാടനം നിർവഹിക്കവെ മുസാവരി ബംഗ്ലാവ് മൂന്നു കോടി ചെലവഴിച്ചു പൈതൃക സ്​മാരകമാക്കുമെന്ന്​ പൊത്​മരാമത്ത്​ മന്ത്രി ജി.സുധാകരൻ നടത്തിയ പ്രസ്​താവനയെ ബംഗ്ളാവ് ചരിത്ര സ്മാരകമായി സംരക്ഷിക്കണമെന്നാണ് ആവശ്യം ഉന്നയിക്കുന്ന ന്ധിജിയെ സ്നേഹിക്കുന്നവരിലെല്ലാം പ്രതീക്ഷ സമ്മാനിച്ചിരുന്നു. ഇതിന്​ പുറമെ സ്മാരകത്തിന് സമീപം ആറുകോടി മുടക്കി മറ്റൊരു ആധുനിക അതിഥി മന്ദിരം നിര്‍മിക്കുകയും അവിടെ ഗാന്ധിജിയുടെ പ്രതിമ സ്ഥാപിക്കുകയും ചെയ്യുമെന്നുമുള്ള മറ്റൊരു പ്രസ്​താവനയും വരികയുണ്ടായി.ആലപ്പുഴയിലെ ഗാന്ധിയൻ ദർശന വേദി കഴിഞ്ഞ കുറേ നാളുകളായി ഇൗ ആവശ്യം ഉന്നയിച്ച്​ വരുന്നുണ്ട്​.കരുമാടിയിലെ സാമൂഹിക പ്രസ്​ഥാനമായ കരുമാടിക്കുട്ടൻസ് ഗാന്ധിജയന്തി ദിനത്തിൽ വിദ്യാർത്ഥികളെ പ​െങ്കടുപ്പിച്ച്​ കൊണ്ട്​ പദയാത്രയും മത്സരങ്ങളും നടത്തിവരുന്നുണ്ട്​.