കേരളത്തിലേക്ക്​ കർണാടക ആർ.ടി.സിയുടെ സ്​പെഷൽ സർവിസ്​

ബംഗളൂരു: ലോക്​ഡൗണിൽ കർണാടകയിൽ കുടുങ്ങിയ മലയാളികൾ അടക്കമുള്ളവർക്കായി കർണാടക ആർ.ടി.സി സ്​പെഷൽ സർവിസ്​ നടത്തും. കേരളം, തമിഴ്​നാട്​, പോണ്ടിച്ചേരി, ആന്ധ്ര,തെലങ്കാന സംസ്​ഥാനങ്ങളിലേക്കാണ്​ സർവിസ്​. ഇതിനായി തത്​ക്കാൽ നിരക്കിൽ ബുക്കിങ്​ ആരംഭിച്ചു. കേരളത്തി​​െൻറ അനുമതി ലഭിച്ചാൽ ചൊവ്വാഴ്​ച മുതൽ സർവിസ്​ ആരംഭിച്ചേക്കും. ഇതുസംബന്ധിച്ച ചർച്ചക്കായി കർണാടക ആർ.ടി.സി നോഡൽ ഒാഫിസറെ നിയമിച്ചു.  

യാത്രാസേവനം ലഭിക്കാൻ കർണാടകയുടെ സേവന പോർട്ടലായ സേവാസിന്ധുവിൽ രജിസ്​റ്റർ ചെയ്യുന്നതിനുപുറമെ അതത്​ സംസ്​ഥാനങ്ങളിൽനിന്നുള്ള യാത്ര അനുമതിയും വേണം. കേരളത്തിലേക്ക്​ യാത്ര ചെയ്യുന്നവർക്ക്​ സേവാ സിന്ധു പാസിന്​ പുറമെ നോർക്ക നൽകുന്ന പാസും വേണം. കോവിഡ്​ 19 സുരക്ഷാ മാനദണ്ഡങ്ങൾ പാലിച്ചാണ്​ സർവിസ്​ നടത്തുകയെന്ന്​ കർണാടക ആർ.ടി.സി അധികൃതർ അറിയിച്ചു. ഒരു ബസിൽ 25 പേരെ മാത്രമേ യാത്ര ചെയ്യാൻ അനുവദിക്കൂ. തത്​ക്കാൽ നിരക്കായതിനാൽ ഇരട്ടി ചാർജ്​ നൽകേണ്ടിവരും. 

എ.​െഎ.കെ.എം.സി.സി  നേതൃത്വത്തിൽ കർണാടക ആർ.ടി.സി ബസുകൾ വാടകക്കെടുത്ത്​ മലയാളികളെ കേരളത്തി​​െൻറ വിവിധ ഭാഗങ്ങളിലേക്ക്​ എത്തിക്കാനുള്ള ശ്രമങ്ങളും ആരംഭിച്ചിട്ടുണ്ട്​.  ഇതിനായി 9036162645, 9886300573 നമ്പറുകളിൽ ഹെൽപ്​ലൈൻ എ.​െഎ.കെ.എം.സി.സി  ആരംഭിച്ചു.