കർക്കടകവാവ്​ ഇന്ന്​; പൊതുസ്ഥലത്ത്​ ബലിതർപ്പണമില്ല

തിരുവനന്തപുരം: കോവിഡ്​ വ്യാപനം കണക്കിലെടുത്ത്​ ഇത്തവണയും കർക്കടകവാവിന്​ പൊതുസ്ഥലത്ത്​ ബലിതർപ്പണം അനുവദിക്കില്ല. ചടങ്ങുകൾ വീടുകളിൽ തന്നെ നടത്തണമെന്ന്​ സർക്കാർ നിർദേശിച്ചു. ആയിരക്കണക്കിന്​ ഭക്​തരെത്തുന്ന ആലുവ മണപ്പുറത്തും ഇത്തവണ ബലിതർപ്പണത്തിനുള്ള അനുമതിയില്ല.

പക്ഷേ ഭക്​തർക്ക്​ ക്ഷേത്രത്തിൽ ദർശനത്തിനും മറ്റ്​ പൂജകൾ നടത്താനുള്ള ക്രമീരണങ്ങൾ ഏർപ്പെടുത്തും. കോവിഡ്​ മാനദണ്ഡങ്ങൾ അനുസരിച്ചുള്ള നിയന്ത്രണങ്ങൾ ക്ഷേത്രത്തിലുണ്ടാവും. തെക്കൻ കേരളത്തിൽ കൂടുതൽ ആളുകളെത്തുന്ന വിവിധ ക്ഷേത്രങ്ങളിലും ഇത്തവണ ബലതർപ്പണമുണ്ടാവില്ല. ക്ഷേത്രങ്ങളിൽ പൂജകൾക്കുള്ള സൗകര്യങ്ങൾ ഏർപ്പെടുത്താൻ നിർദേശിച്ചിട്ടുണ്ട്​.