കരിപ്പൂര്‍ റൺവേ വിപുലീകരണം: ഭൂരേഖകള്‍ കൈമാറാനുള്ള സമയപരിധി ഇന്ന് തീരും

കൊ​ണ്ടോ​ട്ടി: ക​രി​പ്പൂ​ർ വി​മാ​ന​ത്താ​വ​ള​ത്തി​ലെ റ​ണ്‍വേ സു​ര​ക്ഷ മേ​ഖ​ല (റെ​സ) വി​പു​ലീ​ക​രി​ക്കാ​നു​ള്ള സ്ഥ​ല​മേ​റ്റെ​ടു​ക്ക​ല്‍ പ്ര​ക്രി​യ​യു​ടെ ഭാ​ഗ​മാ​യി ഭൂ​രേ​ഖ​ക​ള്‍ സ​മ​ര്‍പ്പി​ക്കാ​ന്‍ റ​വ​ന്യൂ വ​കു​പ്പ് അ​നു​വ​ദി​ച്ച സ​മ​യ​പ​രി​ധി ചൊ​വ്വാ​ഴ്ച അ​വ​സാ​നി​ക്കും. ഇ​തു​വ​രെ 25 ഭൂ​വു​ട​മ​ക​ളാ​ണ് ഭൂ​മി​യേ​റ്റെ​ടു​ക്ക​ല്‍ വി​ഭാ​ഗ​ത്തി​ന്റെ ക​രി​പ്പൂ​ർ ഓ​ഫി​സി​ല്‍ രേ​ഖ​ക​ള്‍ ഹാ​ജ​രാ​ക്കി​യ​ത്. ഇ​തി​ല്‍ ഒ​മ്പ​ത് പേ​ര്‍ പ​ള്ളി​ക്ക​ല്‍ വി​ല്ലേ​ജി​ലും 16 പേ​ര്‍ നെ​ടി​യി​രു​പ്പ് വി​ല്ലേ​ജി​ലും ഉ​ള്‍പ്പെ​ടു​ന്ന​വ​രാ​ണ്. തി​ങ്ക​ളാ​ഴ്ച അ​ഞ്ച് ഭൂ​വു​ട​മ​ക​ളാ​ണ് രേ​ഖ​ക​ള്‍ കൈ​മാ​റി​യ​ത്. ഇ​തി​ല്‍ ഒ​രാ​ൾ പ​ള്ളി​ക്ക​ലി​ലും മ​റ്റു​ള്ള​വ​ര്‍ നെ​ടി​യി​രു​പ്പ് വി​ല്ലേ​ജി​ലും ഉ​ള്‍പ്പെ​ടു​ന്ന​വ​രാ​ണ്. ഒ​രു ദി​വ​സ​ത്തി​ന​കം 55 പേ​രാ​ണ് ഇ​നി രേ​ഖ​ക​ള്‍ സ​മ​ര്‍പ്പി​ക്കേ​ണ്ട​ത്. ചു​രു​ങ്ങി​യ സ​മ​യ​ത്തി​ന​കം രേ​ഖ​ക​ള്‍ ല​ഭ്യ​മാ​ക്കാ​നു​ള്ള നെ​ട്ടോ​ട്ട​ത്തി​ലാ​ണ് സ്ഥ​ല​വാ​സി​ക​ള്‍. ക​ഴി​ഞ്ഞ മാ​സം 24ന് ​ആ​രം​ഭി​ച്ച രേ​ഖ സ്വീ​ക​ര​ണം ആ​ദ്യ ര​ണ്ട് ദി​വ​സ​ത്തെ ന​ട​പ​ടി​ക​ള്‍ക്ക് ശേ​ഷം ഓ​ണാ​വ​ധി ക​ഴി​ഞ്ഞ് വെ​ള്ളി​യാ​ഴ്ച​യാ​ണ് പു​ന​രാ​രം​ഭി​ച്ച​ത്. സ​മ​യ പ​രി​ധി തീ​രു​ന്ന​തോ​ടെ നി​ര​വ​ധി പേ​ര്‍ ഭൂ​മി​യേ​റ്റെ​ടു​ക്ക​ല്‍ കാ​ര്യാ​ല​യ​ത്തി​ല്‍ എ​ത്തു​ന്നു​ണ്ട്. രേ​ഖ​ക​ളി​ലെ കു​റ​വു​ക​ള്‍ ഉ​ട​മ​ക​ളെ ബോ​ധ്യ​പ്പെ​ടു​ത്തി ആ​വ​ശ്യ​മാ​യ നി​ർ​ദേ​ശ​ങ്ങ​ൾ ഉ​ദ്യോ​ഗ​സ്ഥ​ര്‍ ന​ല്‍കു​ന്നു​ണ്ട്.

പൂ​ര്‍ണ ഭൂ​രേ​ഖ​ക​ള്‍ സ​മ​ര്‍പ്പി​ച്ച​വ​ര്‍ക്ക് ന​ഷ്ട​പ​രി​ഹാ​രം ന​ല്‍കു​ന്ന ന​ട​പ​ടി​ക​ള്‍ ബു​ധ​നാ​ഴ്ച ആ​രം​ഭി​ക്കും. വീ​ട് ന​ഷ്ട​മാ​കു​ന്ന​വ​ര്‍ക്ക് പ്ര​ത്യേ​ക പു​ന​ര​ധി​വാ​സ പാ​ക്കേ​ജി​ല്‍ 10 ല​ക്ഷം രൂ​പ​യും ഭൂ​മി, കെ​ട്ടി​ട​ങ്ങ​ള്‍, മ​റ്റ് നി​ർ​മി​തി​ക​ള്‍, കാ​ര്‍ഷി​ക വി​ള​ക​ള്‍, വ​നം വ​കു​പ്പി​ന്റെ പ​രി​ധി​യി​ല്‍ വ​രു​ന്ന മ​ര​ങ്ങ​ള്‍ തു​ട​ങ്ങി​യ​വ​ക്ക് നി​ല​വി​ല്‍ വി​വി​ധ വ​കു​പ്പു​ക​ള്‍ ന​ല്‍കു​ന്ന തു​ക​യു​ടെ ഇ​ര​ട്ടി തു​ക​യു​മാ​ണ് സ​ര്‍ക്കാ​ര്‍ പ്ര​ഖ്യാ​പി​ച്ചി​രി​ക്കു​ന്ന​ത്. പ​ള്ളി​ക്ക​ല്‍ വി​ല്ലേ​ജി​ല്‍ നി​ന്ന് 26, നെ​ടി​യി​രു​പ്പ് വി​ല്ലേ​ജി​ല്‍ നി​ന്ന് 54 എ​ന്നി​ങ്ങ​നെ 80 ഭൂ​വു​ട​മ​ക​ളി​ല്‍ നി​ന്നാ​യി 14.5 ഏ​ക്ക​ര്‍ ഭൂ​മി​യാ​ണ് ഏ​റ്റെ​ടു​ക്കു​ന്ന​ത്. ബാ​ങ്ക് വാ​യ്പ ഉ​ള്‍പ്പെ​ടെ​യു​ള്ള സാ​ങ്കേ​തി​ക പ്ര​യാ​സ​ങ്ങ​ളാ​ണ് പ​ല ഭൂ​വു​ട​മ​ക​ള്‍ക്കും വെ​ല്ലു​വി​ളി​യാ​കു​ന്ന​ത്. രേ​ഖ​ക​ള്‍ സ​മ​ര്‍പ്പി​ക്കു​ന്ന​തി​ന് അ​ധി​ക​സ​മ​യം വേ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.