Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകരിപ്പൂർ വിമാനാപകടം:...

കരിപ്പൂർ വിമാനാപകടം: വേദനകൾ തീരാതെ ഷരീഫ, മതിയായ ഇൻഷുറൻസ്​ തുക നൽകാതിരിക്കാനും ശ്രമം

text_fields
bookmark_border
karippur
cancel
camera_alt

വിമാനാപകടത്തിൽ പരിക്കേറ്റ ഷരീഫ നാസർ (ഫയൽ ചിത്രം)

കൊടിയത്തൂർ (കോഴിക്കോട്​): കരിപ്പൂർ വിമാനാപകടത്തിന് ഒരാണ്ട് തികയുമ്പോഴും അപകടത്തിൽ പരിക്കേറ്റ തോട്ടുമുക്കം സ്വദേശി കാക്കീരി ഷരീഫ നാസറിന് വേദനകളും അസ്വസ്ഥതകളും മാത്രം ബാക്കി. ശരീര വേദന, സമനില നഷ്​ടപ്പെടുക, മാനസിക അസ്വസ്ഥത എന്നിവ കാരണം ഇപ്പോഴും ആശുപത്രികൾ കയറിയിറങ്ങുകയാണ് ഇവർ.

വിമാന യാത്ര ഇൻഷുറൻസ് പ്രകാരം ഒരു കോടി രൂപയെങ്കിലും ലഭിക്കുന്നതിന് പകരമായി എയർ ഇന്ത്യ ഏജന്‍റ്​ വഴി പത്തും പതിനഞ്ചും ലക്ഷം തന്ന് ഒഴിവാക്കാൻ ശ്രമിക്കുകയാണെന്നും ഭാര്യ മാനസിക അസ്വസ്ഥതതകൾ കാണിക്കുന്നുണ്ടെന്നും ശരീരം നേരെ നിൽക്കുന്നിലെന്നും നാലിലധികം ആശുപത്രികളിൽ വ്യത്യസ്ത രോഗത്തിന് ചികിത്സിക്കുകയാണെന്നും ഭർത്താവ് നാസർ പറഞ്ഞു.

വിമാനാപകടത്തിൽ പാസ്പോർട്ടും പണവുമടങ്ങുന്ന സാധനങ്ങൾ നഷ്​ടപെട്ട വകയിൽ രണ്ടര ലക്ഷത്തിലധികം രൂപയുടെ നഷ്​ടമുണ്ടായി. അപകടത്തെ തുടർന്ന് കൊണ്ടോട്ടി ആശുപത്രിയിലും പിന്നീട് ബീച്ച് ആശുപത്രിയിലും പ്രവേശിപ്പിച്ചെങ്കിലും ഇതുവരെ അസുഖം ഭേദമായിട്ടില്ല. ശരിയായ നഷ്​ടപരിഹാരം ലഭിക്കാൻ നിയമവഴി സ്വീകരിക്കുകയാണ്​ ഈ കുടുംബം.

Show Full Article
TAGS:Karipur plane crash 
News Summary - Karipur plane crash: Sharifa in pain, trying not to pay adequate insurance
Next Story