കരിപ്പൂരിൽ വലിയ വിമാനത്തിന്​ കാത്തിരിപ്പ്​ തുടരും, കേന്ദ്രം ഭൂമി ആവശ്യപ്പെട്ടത്​ റെസ നീട്ടാൻ

ക​രി​പ്പൂ​ർ: കോ​ഴി​ക്കോ​ട്​ വി​മാ​ന​ത്താ​വ​ള വി​ക​സ​ന​ത്തി​നാ​യി കേ​ന്ദ്രം ഭൂ​മി ആ​വ​ശ്യ​പ്പെ​ട്ട​ത്​ റ​ൺ​വേ എ​ൻ​ഡ്​ സേ​ഫ്​​റ്റി ഏ​രി​യ (റെ​സ) ദീ​ർ​ഘി​പ്പി​ക്കാ​ൻ. ക​ഴി​ഞ്ഞ​ദി​വ​സം പാ​ർ​ല​മെ​ന്‍റി​ൽ കേ​ന്ദ്ര വ്യോ​മ​യാ​ന മ​ന്ത്രി ജ്യോ​തി​രാ​ദി​ത്യ സി​ന്ധ്യ​യാ​ണ്​ വ​ലി​യ വി​മാ​ന സ​ർ​വി​സ്​ പു​ന​രാ​രം​ഭി​ക്കു​ന്ന​തി​ന്​ റ​ൺ​വേ വി​ക​സി​പ്പി​ക്കാ​ൻ​ 18.5 ഏ​ക്ക​ർ ഭൂ​മി ആ​വ​ശ്യ​പ്പെ​ട്ട​ത്. വ​ലി​യ വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്ക​ണ​മെ​ങ്കി​ൽ ഭൂ​മി ഏ​റ്റെ​ടു​ത്ത്​ പ്ര​വൃ​ത്തി പൂ​ർ​ത്തി​യാ​ക്ക​ണ​മെ​ന്നാ​ണ്​ കേ​ന്ദ്ര നി​ർ​ദേ​ശം. കേ​ന്ദ്ര വ്യോ​മ​യാ​ന മ​ന്ത്രാ​ല​യം നി​യോ​ഗി​ച്ച ഒ​മ്പ​തം​ഗ സ​മി​തി​യു​ടെ നി​ർ​ദേ​ശ പ്ര​കാ​ര​മാ​ണ്​ ന​ട​പ​ടി. ഇ​പ്പോ​ൾ 90 മീ​റ്റ​റാ​ണ്​ ക​രി​പ്പൂ​രി​ൽ ​​റെ​സ നീ​ളം. സു​ര​ക്ഷ ന​ട​പ​ടി​ക​ളു​​ടെ ഭാ​ഗ​മാ​യി 240 മീ​റ്റ​റാ​യി വ​ർ​ധി​പ്പി​ക്കാ​നാ​ണ്​ ഭൂ​മി ഏ​റ്റെ​ടു​ക്കു​ന്ന​ത്.

റെ​സ​യു​മാ​യി ബ​ന്ധ​പ്പെ​ട്ട്​ ര​ണ്ട്​ നി​ർ​ദേ​ശ​ങ്ങ​ളാ​ണ്​ സ​മി​തി ന​ൽ​കി​യി​രി​ക്കു​ന്ന​ത്. നി​ല​വി​ലു​ള്ള 2,860 മീ​റ്റ​ർ റ​ൺ​വേ പൂ​ർ​ണ​മാ​യി ഉ​പ​യോ​ഗി​ക്കു​ന്ന​തി​ന്​ ര​ണ്ട്​ അ​റ്റ​ത്തും 240 മീ​റ്റ​ർ റെ​സ ഒ​രു​ക്കു​ക. ഇ​തി​നാ​വ​ശ്യ​മാ​യ ഭൂ​മി ഏ​റ്റെ​ടു​ത്ത്​ ന​ട​പ​ടി​ക​ൾ സ്വീ​ക​രി​ക്കു​ക. ഇ​ത്​ സാ​ധ്യ​മ​ല്ലെ​ങ്കി​ൽ നി​ല​വി​ലെ റ​ൺ​വേ​യി​ൽ​നി​ന്ന്​ 160 മീ​റ്റ​ർ വീ​തം ര​ണ്ട​റ്റ​ത്തു​നി​ന്നും കു​റ​ച്ച്​ റെ​സ 240 മീ​റ്റ​റാ​യി വ​ർ​ധി​പ്പി​ക്കു​ക. ഇ​തോ​ടെ, റ​ൺ​വേ നീ​ളം 2,540 മീ​റ്റ​റാ​യി ചു​രു​ങ്ങും. റ​ൺ​വേ നീ​ളം കു​റ​ച്ച്​ റെ​സ നീ​ട്ടാ​നു​ള്ള നീ​ക്കം നേ​ര​ത്തേ വി​മാ​ന​ത്താ​വ​ള അ​തോ​റി​റ്റി ആ​രം​ഭി​ച്ചി​രു​ന്നെ​ങ്കി​ലും പ്ര​തി​ഷേ​ധ​ങ്ങ​ൾ​ക്കൊ​ടു​വി​ൽ കേ​ന്ദ്ര മ​ന്ത്രി ഇ​ട​പെ​ട്ട്​ തീ​രു​മാ​നം റ​ദ്ദാ​ക്കു​ക​യാ​യി​രു​ന്നു. ഇ​തോ​ടെ​യാ​ണ്​ റ​ൺ​വേ നി​ല​നി​ർ​ത്തി റെ​സ ദീ​ർ​ഘി​പ്പി​ക്കാ​നു​ള്ള ന​ട​പ​ടി​ക​ൾ ആ​രം​ഭി​ച്ച​ത്.

പ​ടി​ഞ്ഞാ​റ്​ 11 ഏ​ക്ക​റും കി​ഴ​ക്ക്​ ഏ​ഴ​ര ഏ​ക്ക​റും

നി​ല​വി​ലു​ള്ള റ​ൺ​വേ പൂ​ർ​ണ​മാ​യി നി​ല​നി​ർ​ത്തി റെ​സ നീ​ട്ടു​ന്ന​ത്​ സം​ബ​ന്ധി​ച്ച്​ ഈ ​മാ​സം ആ​ദ്യ​മാ​ണ്​ അ​തോ​റി​റ്റി ആ​സ്ഥാ​ന​ത്തു​നി​ന്ന്​ ക​രി​പ്പൂ​രി​ൽ ക​ത്ത്​ ല​ഭി​ച്ച​ത്. ര​ണ്ട്​ ഭാ​ഗ​ത്തും 150 മീ​റ്റ​റാ​ണ്​ ദീ​ർ​ഘി​പ്പി​ക്കേ​ണ്ട​ത്​. പ്ര​വൃ​ത്തി​യു​ടെ എ​സ്റ്റി​മേ​റ്റ്, ഇ​തി​​ന്‍റെ പ്രാ​യോ​ഗി​ക​ത, പ​ദ്ധ​തി​ചെ​ല​വ്, കാ​ല​താ​മ​സം എ​ന്നി​വ സം​ബ​ന്ധി​ച്ച വി​ശ​ദാം​ശ​ങ്ങ​ൾ അ​തോ​റി​റ്റി പ​രി​ശോ​ധി​ച്ചി​രു​ന്നു. തു​ട​ർ​ന്നാ​ണ്​ 18.5 ഏ​ക്ക​ർ ഭൂ​മി ഇ​തി​നാ​വ​ശ്യ​മാ​ണെ​ന്ന്​ ക​ണ്ടെ​ത്തി​യ​ത്.

പ​ടി​ഞ്ഞാ​റ്​ ഭാ​ഗ​ത്തെ റ​ൺ​വേ പ​ത്തി​ൽ 11 ഏ​ക്ക​റും കി​ഴ​ക്ക്​ വ​ശ​ത്തെ റ​ൺ​വേ 28ൽ ​ഏ​ഴ​ര ഏ​ക്ക​ർ ഭൂ​മി​യു​മാ​ണ്​ സം​സ്ഥാ​ന സ​ർ​ക്കാ​ർ അ​തോ​റി​റ്റി​ക്ക്​ ഏ​റ്റെ​ടു​ത്ത്​ ന​ൽ​കേ​ണ്ട​ത്. 18.5 ഏ​ക്ക​ർ നി​ര​പ്പാ​ക്കി​യ ഭൂ​മി ന​ൽ​ക​ണ​മെ​ന്നാ​ണ്​ ക​ഴി​ഞ്ഞ​ദി​വ​സം മ​ന്ത്രി പാ​ർ​ല​മെ​ന്‍റി​ൽ ആ​വ​ശ്യ​പ്പെ​ട്ട​ത്. ഭൂ​മി നി​ല​വി​ലു​ള്ള റ​ൺ​വേ​യു​ടെ ഉ​യ​ര​ത്തി​ലേ​ക്ക്​ മ​ണ്ണി​ട്ട്​ ഉ​യ​ർ​ത്ത​ണ​മെ​ന്നും അ​തോ​റി​റ്റി സ​ർ​ക്കാ​റി​നോ​ട്​ ആ​വ​ശ്യ​പ്പെ​ട്ടേ​ക്കും. ഇ​ത്​ അം​ഗീ​ക​രി​ക്കാ​ൻ സാ​ധ്യ​ത വ​ള​രെ കു​റ​വാ​ണ്.

കി​ഴ​ക്ക്​ വ​ശ​ത്ത്​ ഇ​പ്പോ​ൾ 19.43 ഏ​ക്ക​ർ ഭൂ​മി കൈ​വ​ശ​മു​ണ്ട്. ഇ​തി​ന്​​ ആ​വ​ശ്യ​മാ​യ വീ​തി​യി​ല്ലാ​ത്ത​തി​നാ​ലാ​ണ്​ കൂ​ടു​ത​ൽ ഏ​റ്റെ​ടു​ക്കു​ന്ന​ത്. 18.5 ഏ​ക്ക​റി​ൽ കു​റ​ഞ്ഞ വീ​ടു​ക​ൾ മാ​ത്ര​മാ​ണു​ള്ള​തെ​ന്നാ​ണ്​ സൂ​ച​ന. അ​തേ​സ​മ​യം, പു​തി​യ നി​ർ​ദേ​ശം സം​ബ​ന്ധി​ച്ച്​ സം​സ്ഥാ​ന സ​ർ​ക്കാ​റി​ന്​ ഇ​തു​വ​രെ ഔ​ദ്യോ​ഗി​ക അ​റി​യി​പ്പു​ക​ളൊ​ന്നും ല​ഭി​ച്ചി​ട്ടി​ല്ലെ​ന്ന്​ റ​വ​ന്യൂ വ​കു​പ്പ്​ അ​ധി​കൃ​ത​ർ പ്ര​തി​ക​രി​ച്ചു. 152.5 ഏ​ക്ക​ർ ഭൂ​മി​യാ​ണ്​ ഇ​പ്പോ​ൾ ആ​വ​ശ്യ​പ്പെ​ട്ടി​രി​ക്കു​ന്ന​തെ​ന്നും അ​വ​ർ വ്യ​ക്ത​മാ​ക്കി.

കരിപ്പൂരിൽ വലിയ വിമാനത്തിന്​ കാത്തിരിപ്പ്​ തുടരും

ക​രി​പ്പൂ​ർ: കോ​ഴി​ക്കോ​ട്​ വി​മാ​ന​ത്താ​വ​ള​ത്തി​ൽ​നി​ന്ന്​ വ​ലി​യ വി​മാ​ന സ​ർ​വി​സു​ക​ൾ​ക്കാ​യു​ള്ള കാ​ത്തി​രി​പ്പ്​ തു​ട​രും. റ​ൺ​വേ അ​നു​ബ​ന്ധ വി​ക​സ​നം സാ​ധ്യ​മാ​ക്കാ​തെ വ​ലി​യ സ​ർ​വി​സു​ക​ൾ പു​ന​രാ​രം​ഭി​ക്കാ​നാ​കി​ല്ലെ​ന്നാ​ണ്​ ക​ഴി​ഞ്ഞ​ദി​വ​സം കേ​ന്ദ്ര വ്യോ​മ​യാ​ന മ​ന്ത്രി ജ്യോ​തി​രാ​ദി​ത്യ സി​ന്ധ്യ പാ​ർ​ല​മെ​ന്‍റി​ൽ വ്യ​ക്ത​മാ​ക്കി​യ​ത്. വ​ർ​ഷ​ങ്ങ​ളോ​ളം സ​ർ​വി​സ്​ ന​ട​ത്തി​യ വ​ലി​യ വി​മാ​ന​ങ്ങ​ൾ 2015ൽ ​റ​ൺ​വേ ന​വീ​ക​ര​ണ​ത്തി​ന്‍റെ പേ​രി​ലാ​ണ്​ നി​ർ​ത്തി​യ​ത്.

പി​ന്നീ​ട്​ നി​ര​ന്ത​ര ഇ​ട​പെ​ട​ലു​ക​ൾ​ക്കൊ​ടു​വി​ൽ 2018ലാ​ണ്​ പു​നഃ​സ്ഥാ​പി​ച്ച​ത്. 2020 ആ​ഗ​സ്റ്റി​ലെ അ​പ​ക​ട​ത്തി​ന്‍റെ പേ​രി​ലാ​ണ്​ വീ​ണ്ടും നി​ർ​ത്തി​യ​ത്. ഇ​നി പു​ന​രാ​രം​ഭി​ക്ക​ണ​മെ​ങ്കി​ൽ റെ​സ 240 മീ​റ്റ​റാ​യി വ​ർ​ധി​​പ്പി​ക്കേ​ണ്ടി വ​രും. സ​ർ​ക്കാ​ർ ഭൂ​മി ഏ​റ്റെ​ടു​ത്ത്​ ന​ൽ​കി​യാ​ലും ന​ട​പ​ടി​ക​ൾ പൂ​ർ​ത്തി​യാ​കാ​ൻ സ​മ​യം എ​ടു​ക്കും. ഇ​തു​വ​രെ വി​ഷ​യം ഔ​ദ്യോ​ഗി​ക​മാ​യി വി​മാ​ന​ത്താ​വ​ള അ​തോ​റി​റ്റി സ​ർ​ക്കാ​റി​നെ അ​റി​യി​ച്ചി​ട്ടി​ല്ല. സം​സ്ഥാ​ന സ​ർ​ക്കാ​റി​നോ​ട്​ ത​ന്നെ ഏ​റ്റെ​ടു​ത്ത്​ ന​ൽ​കാ​നാ​ണ്​ കേ​ന്ദ്രം ആ​വ​ശ്യ​പ്പെ​ട്ട​ത്. അ​നു​കൂ​ല തീ​രു​മാ​ന​മു​ണ്ടാ​യാ​ൽ ഭൂ​മി ഏ​റ്റെ​ടു​ക്കു​ന്ന​തി​ന്​ ഉ​ത്ത​ര​വ്​ ഇ​റ​ക്ക​ണം. തു​ട​ർ​ന്ന്​ സാ​മൂ​ഹി​കാ​ഘാ​ത പ​ഠ​നം ന​ട​ത്ത​ണം.

തു​ട​ർ​ച്ച​യാ​യി വി​ജ്ഞാ​പ​നം ഇ​റ​ക്കി ഭൂ​മി ന​ഷ്ട​പ്പെ​ടു​ന്ന​വ​രി​ൽ​നി​ന്ന്​ ഹി​യ​റി​ങ്​ ന​ട​ത്തി​യ​ ശേ​ഷ​മാ​ണ്​ ന​ഷ്ട​പ​രി​ഹാ​ര തു​ക നി​ശ്ച​യി​ക്കു​ക. ഈ ​ന​ട​പ​ടി​ക​ളെ​ല്ലാം പൂ​ർ​ത്തി​യാ​ക്കി​യ​ ശേ​ഷ​മേ നി​ർ​മാ​ണ പ്ര​വൃ​ത്തി ആ​രം​ഭി​ക്കാ​ൻ സാ​ധി​ക്കൂ. വ​ലി​യ ഉ​യ​ര​ത്തി​ൽ മ​ണ്ണി​ടേ​ണ്ട​തി​നാ​ൽ ഇ​തി​നും കാ​ല​താ​മ​സം എ​ടു​ക്കും. ഭൂ​മി ഏ​റ്റെ​ടു​ക്ക​ൽ ന​ട​പ​ടി​ക​ളും നി​ർ​മാ​ണ പ്ര​വൃ​ത്തി​യും വൈ​കു​ന്ന​തി​ന്​ അ​നു​സ​രി​ച്ച്​ ക​രി​പ്പൂ​രി​ൽ വ​ലി​യ വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്കു​ന്ന​തും നീ​ളും.