പ്രതികൂല കാലാവസ്ഥ: കരിപ്പൂരിൽ മൂന്ന്​ വിമാനങ്ങൾ തിരിച്ചുവിട്ടു

കരിപ്പൂർ: പ്രതികൂല കാലാവസ്ഥയെ തുടർന്ന്​ കോഴിക്കോട്​ വിമാനത്താവളത്തിൽ മൂന്ന്​ വിമാനങ്ങൾ നെടുമ്പാശ്ശേരിയിലേക്ക്​​ തിരിച്ചുവിട്ടു. പുലർച്ച 4.30ന്​ ബഹ്​റൈനിൽ നിന്നുള്ള ഗൾഫ്​ എയർ, 5.35ന്​ അബൂദബിയിൽ നിന്നുള്ള എയർ ഇന്ത്യ എക്​സ്​പ്രസ്​, 6.10ന്​ ഷാർജയിൽ നിന്നുള്ള എയർ ഇന്ത്യ എന്നിവയാണ്​ തിരിച്ചുവിട്ടത്​. വിമാനങ്ങൾ പിന്നീട്​ തിര​ിച്ചെത്തിയാണ്​ തുടർസർവിസുകൾ നടത്തിയത്​.