ദു​ര​ന്തം ഹം​സയുടെ ജീ​വി​തം വ​ഴി​യാ​ധാ​ര​മാ​ക്കി

കു​റ്റി​പ്പു​റം: മൂ​ത്ത മ​ക​ളു​ടെ ക​ല്യാ​ണ​ത്തി​നാ​യി നാ​ട്ടി​ലേ​ക്ക് പു​റ​പ്പെ​ട്ട​താ​യി​രു​ന്നു കു​റ്റി​പ്പു​റം മ​ല്ലൂ​ർ​ക​ട​വ് സ്വ​ദേ​ശി ചോ​ഴി​മ​ഠ​ത്തി​ൽ ഹം​സ (51). 15 ദി​വ​സ​ത്തി​ന് ശേ​ഷം ബോ​ധം തെ​ളി​യു​മ്പോ​ൾ ആ​ശു​പ​ത്രി കി​ട​ക്ക​യി​ലാ​ണ്. പ​രി​ക്കേ​റ്റ യാ​ത്ര​ക്കാ​രെ​യെ​ല്ലാം ആ​ശു​പ​ത്രി​യി​ലെ​ത്തി​ച്ച​പ്പോ​ഴും വി​മാ​ന​ത്തി​ലെ ഏ​ഴാം ന​മ്പ​ർ സീ​റ്റി​ൽ യാ​ത്ര ചെ​യ്ത​യാ​ളെ മാ​ത്രം ക​ണ്ടെ​ത്താ​നാ​യി​രു​ന്നി​ല്ല. ഹം​സ​യെ മാ​ത്രം ദു​ര​ന്ത സ്ഥ​ല​ത്ത് ക​ണ്ടെ​ത്താ​നാ​കാ​തെ വി​ഷ​മി​ച്ച ബ​ന്ധു​ക്ക​ൾ​ക്കും ക​രി​പ്പൂ​ർ അ​പ​ക​ടം വി​ങ്ങു​ന്ന ഓ​ർ​മ​യാ​ണ്. സ​ഹോ​ദ​ര​ൻ സൈ​ത​ല​വി​യും മ​രു​മ​ക​നും ചേ​ർ​ന്ന് പ​ല ആ​ശു​പ​ത്രി​ക​ളി​ലും തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല.

Also Read:കരിപ്പൂർ വിമാനാപകടം: നാട്​ നടുങ്ങിയ ദുരന്തത്തിന് ഒരാണ്ട്

പി​റ്റേ ദി​വ​സം രാ​വി​ലെ 10 മ​ണി​യോ​ടെ മ​ല​പ്പു​റം ക​ല​ക്ട​ർ ഇ​ട​പെ​ട്ട് കോ​ഴി​ക്കോ​ട് മിം​സ് ആ​ശു​പ​ത്രി​യി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ക​ഴി​യു​ന്ന ഹം​സ​യെ ക​ണ്ടെ​ത്തു​ക​യാ​യി​രു​ന്നു. അ​പ​ക​ട​ത്തി​ൽ ന​ട്ടെ​ല്ലി​നും കൈ​ക്കും കാ​ലി​നും തോ​ളി​നും ഗു​രു​ത​ര പ​രി​ക്കേ​റ്റു. ഇ​വി​ട​ങ്ങ​ളി​ലെ​ല്ലാം ക​മ്പി​യി​ട്ടു. പ​ര​സ​ഹാ​യ​മി​ല്ലാ​തെ ന​ട​ക്കാ​ൻ പോ​ലും ക​ഴി​യി​ല്ല. 13 വ​ർ​ഷ​ത്തോ​ളം ഗ​ൾ​ഫി​ൽ ജോ​ലി ചെ​യ്ത ഹം​സ അ​വ​സാ​ന​കാ​ല​ത്ത് ദു​ബൈ​യി​ൽ ഗ​സ​ൽ മ​ദീ​ന​യി​ൽ ഹോ​ട്ട​ൽ ജീ​വ​ന​ക്കാ​രാ​നാ​യി​രു​ന്നു.

Also Read:ക​രി​പ്പൂ​ർ വി​മാ​നാ​പ​ക​ടം ഒരാണ്ട്​ പിന്നിട്ടിട്ടും ചി​റ​ക​ടി​ക്കാ​നാ​വാ​തെ ആ മനുഷ്യർ

ഭാ​ര്യ​യും നാ​ല് പെ​ൺ​മ​ക്ക​ളും അ​ട​ങ്ങു​ന്ന​താ​ണ് കു​ടും​ബം. മൂ​ത്ത മ​ക​ൾ വി​വാ​ഹി​ത​യാ​യി. മ​റ്റു മൂ​ന്ന് മ​ക്ക​ളും വി​ദ്യാ​ർ​ഥി​ക​ളാ​ണ്. ഏ​ക അ​ത്താ​ണി​യാ​യ ഹം​സ​ക്കി​നി​യൊ​രു ജോ​ലി​ക്കും പോ​കാ​ൻ ക​ഴി​യി​ല്ല. ആ​ദ്യ​ഘ​ട്ട​ത്തി​ൽ എ​യ​ർ ഇ​ന്ത്യ സൗ​ജ​ന്യ ചി​കി​ത്സ ചെ​ല​വ് വ​ഹി​ച്ചെ​ങ്കി​ലും പി​ന്നീ​ട് ഒ​രു ആ​നു​കു​ല്യ​വും ല​ഭ്യ​മാ​യി​ട്ടി​ല്ല.

ആ​ധി മാ​റാ​തെ ശ്രീ​ജി​ത്തും കു​ടും​ബ​വും

പൊ​ന്നാ​നി: വെ​ള്ളീ​രി സ്വ​ദേ​ശി പു​തു​പ​റ​മ്പി​ൽ ശ്രീ​ജി​ത്ത് യു.​എ.​ഇ​യി​ൽ അ​ക്കൗ​ണ്ട​ൻ​റാ​യി ജോ​ലി ചെ​യ്യു​ന്ന​തി​നി​ടെ ഭാ​ര്യ​ക്കും മ​ക​ൾ​ക്കു​മൊ​പ്പ​മാ​ണ് അ​പ​ക​ട​മു​ണ്ടാ​യ വി​മാ​ന​ത്തി​ൽ നാ​ട്ടി​ലേ​ക്ക് എ​ത്തു​ന്ന​ത്. അ​പ​ക​ട​ത്തി​ൽ ശ്രീ​ജി​ത്തി​െൻറ ന​ട്ടെ​ല്ലി​ന് ത​ക​രാ​ർ സം​ഭ​വി​ക്കു​ക​യും മാ​സ​ങ്ങ​ളോ​ളം കി​ട​പ്പി​ലാ​വു​ക​യും ചെ​യ്തു. ഭാ​ര്യ രേ​ഷ്മ​യു​ടെ കൈ​കാ​ലു​ക​ൾ പൊ​ട്ടു​ക​യും മ​ക​ളു​ടെ തു​ട​യെ​ല്ലി​ന് പ​രി​ക്കേ​ൽ​ക്കു​ക​യും ചെ​യ്തു. ഇ​വ​രു​ടെ​യെ​ല്ലാം ചി​കി​ത്സ ചെ​ല​വ്​ എ​യ​ർ ഇ​ന്ത്യ​യാ​ണ്​ വ​ഹി​ക്കു​ന്ന​ത്.