കരിപ്പൂർ വിമാനദുരന്തം; രാഷ്​ട്രപതി, പ്രധാനമന്ത്രി തുടങ്ങിയവർ അനുശോചിച്ചു

കോഴി​േക്കാട്​: കരിപ്പൂർ രാജ്യാന്തര വിമാനത്താവളത്തിലുണ്ടായ എയർ ഇന്ത്യ എക്​സ്​പ്രസ്​ വിമാന ദുരന്തത്തിൽ അനുശോചന പ്രവാഹം. രാഷ്​ട്രപതി രാംനാഥ്​ കോവിന്ദ്​, പ്രാധാനമന്ത്രി നരേന്ദ്രമോദി, ആഭ്യന്തരമന്ത്രി അമിത്​ ഷാ, കോൺഗ്രസ്​ നേതാക്കളായ രാഹുൽ ഗാന്ധി, ​പ്രിയങ്ക ഗാന്ധി തുടങ്ങിയവർ അനുശോചിച്ചു.

ദുരന്തത്തിൽ അതീവ ദുഖം രേഖപ്പെടുത്തുന്നതായി രാഷ്​ട്രപതി രാംനാഥ്​ കോവിന്ദ്​ അറിയിച്ചു. സ്​ഥിതിഗതികൾ വിലയിരുത്തുന്നതിനായി ഗവർണർ ആരിഫ്​ മുഹമ്മദ്​ ഖാനുമായി സംസാരിച്ചെന്നും രാഷ്​ട്രപതി അറിയിച്ചു.

അപകടത്തിൽ മരിച്ചവരുടെ കുടുംബാംഗങ്ങളുടെ ദുഖത്തിൽ പങ്കുചേരുന്നതായി പ്രധാനമന്ത്രി നരേന്ദ്രമോദി അറിയിച്ചു. പരിക്കേറ്റവർ എത്രയും പെട്ടന്ന്​ സുഖം പ്രാപിക്ക​ട്ടെയെന്നും ​അദ്ദേഹം ആശംസിച്ചു.

അപകട വാർത്ത ഏറെ വേദനയുളവാക്കുന്ന വാർത്തയാണെന്ന്​ കേന്ദ്ര ആഭ്യന്തരമ​​ന്ത്രി അമിത്​ ഷാ ട്വീറ്റ്​ ചെയ്​തു. രക്ഷാപ്രവർത്തനങ്ങളിൽ പങ്കുചേരാൻ എൻ.ഡി.ആർ.എഫിനോട്​ നിർദേശം നൽകിയതായും അദ്ദേഹം ട്വീറ്റ്​ ചെയ്​തു.

'കോഴിക്കോട്​ എയർപോർട്ടിലുണ്ടായ വിമാന ദുരന്തത്തി​െൻറ അങ്ങേയറ്റം ദുഃഖകരമായ വാർത്ത ഞെട്ടലുളവാക്കുന്നതാണ്​. അപകടത്തിൽ മരിച്ചവരുടെ ബന്ധുമിത്രാദികളെ എ​െൻറ അഗാധമായ അനുശോചനം അറിയിക്കുന്നു. പരി​േക്കറ്റവർ എത്രയും വേഗം സ​ുഖം പ്രാപിക്ക​ട്ടെ എന്ന്​ പ്രാർഥിക്കുന്നു.' -രാഹുൽ ട്വിറ്ററിൽ കുറിച്ചു.

കോഴിക്കോട്​ അപകടത്തിലുണ്ടായ അപ്രതീക്ഷിത അപകടത്തിൽ നടുക്കം രേഖപ്പെടുത്തുന്നതായി സി.പി.എം ദേശീയ സെ​ക്രട്ടറി സീതാറാം ​യെച്ചൂരി പറഞ്ഞു.

വിമാനദുരന്തത്തിൽ മരിച്ച എയർ ഇന്ത്യ ജീവനക്കാരുടെയും യാത്രക്കാരുടെയും കുടുംബങ്ങളെ അനുശോചനം അറിയിക്കുന്നതായി കോൺഗ്രസ്​ നേതാവ്​ പ്രിയങ്ക ഗാന്ധി ട്വിറ്ററിൽ കുറിച്ചു.