Top
Begin typing your search above and press return to search.
keyboard_arrow_down
Login
exit_to_app
exit_to_app
കരിപ്പൂരിൽ ലഗേജ് മോഷണം പോ​െയന്ന്​ പ്രചരണം; വ്യാജ പോസ്​റ്റിനെതിരെ പരാതി നൽകി
cancel
Homechevron_rightNewschevron_rightKeralachevron_rightകരിപ്പൂരിൽ ലഗേജ് മോഷണം ...

കരിപ്പൂരിൽ ലഗേജ് മോഷണം പോ​െയന്ന്​ പ്രചരണം; വ്യാജ പോസ്​റ്റിനെതിരെ പരാതി നൽകി

text_fields
bookmark_border

തേഞ്ഞിപ്പലം: കരിപ്പൂർ വിമാനത്താവളത്തിൽ അപകടത്തിൽപ്പെട്ട വിമാനത്തിലുണ്ടായിരുന്ന യാത്രക്കാരുടെ ലഗേജുകൾ മോഷ്​ടിച്ചുവെന്ന് കാട്ടി ചേലേമ്പ്ര സ്വദേശിയായ യുവാവി​െൻറ പേരിൽ സമൂഹ മാധ്യമങ്ങളിൽ വ്യാജ പോസ്​റ്റിട്ട സംഭവത്തിൽ പൊലീസിന്​ പരാതി നൽകി.

ചേലേമ്പ്ര പാറയിൽ സ്വദേശി കുഴിമ്പിൽ പി.കെ. അബ്​ദുൽ സലാമാണ് പരാതി നൽകിയത്.

കരിപ്പൂര്‍ വിമാന ദുരന്തത്തിൽ കോവിഡ് വ്യാപന ഭീതി വകവെക്കാതെ രക്ഷാപ്രവര്‍ത്തനത്തിനിറങ്ങിയവരെ അവഹേളിക്കുന്ന വിധത്തിൽ സലാമിനെ മോഷ്​ടാവാക്കി ചിത്രീകരിച്ചതിനെതിരെയാണ്​ പരാതി. സലാമി​െൻറ ചിത്രം ഉപയോഗിച്ചായിരുന്നു പ്രചാരണം.

'കരിപ്പൂര്‍ വിമാനത്താവളത്തിൽ രക്ഷാപ്രവര്‍ത്തനത്തിനിടെ വിമാന യാത്രക്കാരുടെ ബാഗേജ് മോഷ്‌ടിക്കാന്‍ ശ്രമിച്ച ചേലേമ്പ്ര സ്വദശി സലാമിനെ എയര്‍പോര്‍ട്ട് പൊലീസ് അറസ്റ്റ് ചെയ്തു. വിലപിടിപ്പുള്ള നിരവധി സാധനങ്ങള്‍ ഇയാളില്‍ നിന്നും പൊലീസ് പിടിച്ചെടുത്തു' എന്നായിരുന്നു പോസ്​റ്റ്​. ജില്ലാ പൊലീസ് സൂപ്രണ്ട്, തേഞ്ഞിപ്പലം, കരിപ്പൂർ പൊലീസ് എന്നിവർക്കാണ് പരാതി നൽകിയത്.

ഫോട്ടോ എഡിറ്റ് ചെയ്ത് ഫേസ് ബുക്ക്, വാട്സ് ആപ്പ് വഴി പ്രചരിപ്പിച്ച്​ മാനഹാനിയുണ്ടാക്കിയെന്നും പരാതിയിൽ പറയുന്നു. വ്യാജ പ്രചാരണം നടത്തിയവരുടെ പേരും മൊബൈൽ നമ്പർ സഹിതമാണ് സലാം പൊലീസിൽ പരാതി നൽകിയത്.

Show Full Article
TAGS:Aircrash kerala Flight Accident Fake Post 
Web Title - Karippur Flight Accident Complained against fake post
Next Story