Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightനാലു​ വർഷത്തിനി​െട...

നാലു​ വർഷത്തിനി​െട മൂന്നാം തവണയും കരിപ്പൂരിൽ റൺ​േവ അടക്കുന്നു

text_fields
bookmark_border
നാലു​ വർഷത്തിനി​െട മൂന്നാം തവണയും കരിപ്പൂരിൽ റൺ​േവ അടക്കുന്നു
cancel

കരിപ്പൂർ: അറ്റകുറ്റപ്പണിക്കായി കോഴിക്കോട്​ വിമാനത്താവളത്തിൽ നാലു​ വർഷത്തിനിടെ മൂന്നാം തവണയും റൺവേ അടക്ക ുന്നു. ഇത്തവണ ടാക്​സിവേ നവീകരണത്തിനാണ്​ തിങ്കളാഴ്​ച മുതൽ അഞ്ചു​ മാസത്തേക്ക്​ ഉച്ചക്ക്​ ഒന്നുമുതൽ വൈകീട്ട്​ ആ റുവരെ അടക്കുന്നത്​. വലിയ വിമാനങ്ങളുടെ സർവിസ്​ കൂടുതൽ സുഖപ്രദമാക്കുന്നതിനാണ്​ അടക്കുന്ന​െതന്നാണ്​ വിശദീകരണം ​. ഡയറക്​ടറേറ്റ്​ ജനറൽ ഓഫ്​ സിവിൽ ഏവിയേഷൻ (ഡി.ജി.സി.എ) നിർദേശപ്രകാരമാണ്​ നടപടി. ടെൻഡർ നടപടികൾ പൂർത്തിയായെങ്കിലും പ്രവൃത്തി തുടങ്ങാൻ ഇനിയും ദിവസങ്ങളെടുക്കും. ശീതകാല ഷെഡ്യൂൾ ആരംഭിക്കുന്നതിനാലാണ് തിങ്കളാഴ്ച മുതൽ അടക്കാൻ തീരുമാനിച്ചത്. ഇതിന്​ മുന്നോടിയായി ഈ സമയത്തുണ്ടായിരുന്ന എയർ ഇന്ത്യയുടെ ഡൽഹി, സൗദി എയർലൈൻസി​​​െൻറ ജിദ്ദ, റിയാദ്​ സർവിസുകളുടെ സമയം പുനഃക്രമീകരിച്ചു​.

റൺവേയിൽനിന്ന്​ വിമാനം പാർക്കിങ്​ ബേയിലേക്ക്​ പ്രവേശിക്കുന്ന ഭാഗമാണ്​ ടാക്​സിവേ. കരിപ്പൂരിൽ ടാക്​സിവേ കോഡ്​ സി, ഡി ശ്രേണിയിലുള്ള വിമാനങ്ങൾക്ക്​ (ചെറിയ വിമാനങ്ങൾ) അനുസൃതമായ രീതിയിലാണുള്ളത്​. റൺവേയിൽനിന്ന്​ ടാക്​സിവേയിലേക്ക്​ പ്രവേശിക്കുന്ന ഭാഗത്ത്​ വീതി കുറവാണ്​. ഈ പ്രശ്നം പരിഹരിച്ച്​ വലിയ വിമാനങ്ങൾക്കും സാധാരണ രീതിയിൽ പ്രവേശിക്കുന്നതിനാണ്​ വിപുലീകരണം. സർവിസുകളെ ബാധിക്കാത്ത രീതിയിലായിരിക്കും പ്രവൃത്തി. കരിപ്പൂരിലിപ്പോൾ മൂന്നു​ ടാക്​സിവേകളാണ്​ ഉള്ളത്​. ഒരു സമയം ഒരു ടാക്​സിവേയിൽ മാത്രമായിരിക്കും പ്രവൃത്തി നടക്കുക. ബാക്കിയുള്ളവ സർവിസിനായി ഉപയോഗിക്കും. ഒന്ന്​ പൂർത്തിയായ ശേഷമായിരിക്കും അടുത്തത്​ ആരംഭിക്കുക. ഒരു ടാക്​സിവേയുടെ വീതി വർധിപ്പിക്കുന്നതിന്​ ഒന്നര മാസമെടുക്കുമെന്നാണ്​ വിലയിരുത്തൽ. 71 ലക്ഷം രൂപയാണ്​ പ്രവൃത്തിയുടെ എസ്​റ്റിമേറ്റ്​​. ഇതിനോടൊപ്പം അനുബന്ധ പ്രവൃത്തികളായ ഗ്രേഡിങ്​, ഇലക്​ട്രിക്കൽ എന്നിവയും നടക്കും. പുതിയ ശീതകാല ഷെഡ്യൂൾ നിലവിൽ വന്നെങ്കിലും റിയാദിലേക്കുള്ള ഫ്ലൈനാസ്​ സർവിസ്​ മാത്രമാണ്​ പുതുതായുള്ളത്​.

2015 സെപ്​റ്റംബറിലാണ്​ റൺവേ നവീകരണത്തിനായി പകൽ 12 മുതൽ എട്ടുവരെ അടച്ചിടാൻ തുടങ്ങിയത്​. പ്രവൃത്തി പൂർത്തിയായശേഷം 2017 മാർച്ച്​ ഒന്നിനാണ്​ റൺവേ മുഴുസമയവും പ്രവർത്തനം ​ആരംഭിച്ചത്​. ഇതിനുശേഷം ഈ വർഷം ജനുവരിയിലാണ്​ റൺവേ എൻഡ്​ സേഫ്​റ്റി ഏരിയ (റിസ) 90 മീറ്ററിൽനിന്ന്​ 240 ആയി വർധിപ്പിക്കുന്നതിന്​ വീണ്ടും അടച്ചിട്ടത്​. ജനുവരി 15 മുതൽ ജൂൺ 15 വരെയായിരുന്നു നിയന്ത്രണം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newskarippur airportmalayalam newsKaripur Runway
News Summary - Karippur Airport Runway-Kerala News
Next Story