ക​രി​ഞ്ചോ​ല ഉ​രു​ള്‍പൊ​ട്ട​ല്‍: സർവകക്ഷി യോഗത്തില്‍ കൈയാങ്കളി

താ​മ​ര​ശ്ശേ​രി: ക​രി​ഞ്ചോ​ല ഉ​രു​ള്‍പൊ​ട്ട​ല്‍ ദു​ര​ന്ത​വു​മാ​യി ബ​ന്ധ​പ്പെ​ട്ട്​ ക​ട്ടി​പ്പാ​റ ഗ്രാ​മ​പ​ഞ്ചാ​യ​ത്ത് ഓ​ഫി​സി​ല്‍ ന​ട​ന്ന സ​ർ​വ​ക​ക്ഷി യോ​ഗം സം​ഘ​ര്‍ഷ​ത്തി​ൽ ക​ലാ​ശി​ച്ചു. തി​ങ്ക​ളാ​ഴ്ച ഉ​ച്ച ര​ണ്ട​ര​യോ​ടെ ഗ്രാ​മ​പ​ഞ്ചാ​യ​ത്ത് കോ​ൺ​ഫ​റ​ന്‍സ് ഹാ​ളി​ല്‍ ന​ട​ന്ന യോ​ഗ​ത്തി​ല്‍ സം​സാ​രി​ക്കാ​ന്‍ അ​വ​സ​രം ന​ൽ​കി​യി​ല്ലെ​ന്നാ​രോ​പി​ച്ച് ഒ​രു​വി​ഭാ​ഗം യു​വാ​ക്ക​ള്‍ രം​ഗ​ത്തെ​ത്തി​യ​താ​ണ് സം​ഘ​ര്‍ഷ​ത്തി​ന്​ കാ​ര​ണ​മാ​യ​ത്. ത​ന്നെ കൈ​യേ​റ്റം ചെ​യ്‌​തെ​ന്ന് ആ​​രോ​പി​ച്ച്​ കാ​രാ​ട്ട് റ​സാ​ഖ് എം.​എ​ല്‍.​എ ആ​ശു​പ​ത്രി​യി​ൽ ചി​കി​ത്സ തേ​ടി.

ഉ​ച്ച​ക്ക്​ യോ​ഗം ആ​രം​ഭി​ച്ച​ശേ​ഷം വി​വി​ധ രാ​ഷ്​​ട്രീ​യ ക​ക്ഷി പ്ര​തി​നി​ധി​ക​ള്‍ സം​സാ​രി​ച്ചു. തു​ട​ര്‍ന്ന് പ​ഞ്ചാ​യ​ത്ത് പ്ര​സി​ഡ​ൻ​റി​​​െൻറ ഓ​ഫി​സി​ല്‍  ക​ക്ഷി നേ​താ​ക്ക​ളും ഉ​ദ്യോ​ഗ​സ്ഥ​രും മാ​ത്രം പ്ര​ത്യേ​ക യോ​ഗം ചേ​രാ​ന്‍ തീ​രു​മാ​നി​ച്ചു. ഈ ​സ​മ​യം ത​ങ്ങ​ളു​ടെ പ്ര​തി​നി​ധി​ക​ള്‍ക്ക് സം​സാ​രി​ക്കാ​ന്‍ അ​വ​സ​രം ല​ഭി​ച്ചി​ല്ലെ​ന്നാ​രോ​പി​ച്ച് ഒ​രു​വി​ഭാ​ഗം യു​വാ​ക്ക​ള്‍ ബ​ഹ​ളം വെ​ക്കു​ക​യും ഇ​വ​രു​ടെ അ​ഭ്യ​ർ​ഥ​ന മാ​നി​ച്ച്, പു​ന​ര​ധി​വാ​സ പ്ര​വ​ര്‍ത്ത​ന​ങ്ങ​ളി​ല്‍ പ​ങ്കാ​ളി​യും നാ​ട്ടു​കാ​ര​നു​മാ​യ അ​ന്‍വ​ര്‍ സ​ഖാ​ഫി​ക്ക് അ​വ​സ​രം ന​ല്‍കു​ക​യും ചെ​യ്തു. 

ത​ങ്ങ​ളു​ടെ പ്ര​തി​നി​ധി​ക​ള്‍ക്ക് വീ​ണ്ടും അ​വ​സ​രം ന​ല്‍ക​ണ​മെ​ന്ന് യു​വാ​ക്ക​ളി​ല്‍ ചി​ല​ര്‍ ശാ​ഠ്യം പി​ടി​ച്ചു. തു​ട​ര്‍ന്ന് വേ​ദി​യി​ലു​ണ്ടാ​യി​രു​ന്ന പ​ഞ്ചാ​യ​ത്ത് വൈ​സ് പ്ര​സി​ഡ​ൻ​റ്​ നി​തീ​ഷ് ക​ല്ലു​ള്ള​തോ​ട് ഇ​വ​രെ സം​സാ​രി​ക്കാ​ന്‍ ക്ഷ​ണി​ച്ചു. ഇ​തോ​ടെ, അ​ധ്യ​ക്ഷ​നാ​യ എം.​എ​ല്‍.​എ​ത​ന്നെ ത​ങ്ങ​ളെ സം​സാ​രി​ക്കാ​ന്‍ ക്ഷ​ണി​ക്ക​ണ​മെ​ന്നാ​യി പ്ര​തി​ഷേ​ധ​ക്കാ​രു​ടെ ആ​വ​ശ്യം. ഇ​ത്​ നി​ര​സി​ച്ച എം.​എ​ല്‍.​എ യോ​ഗം അ​വ​സാ​നി​ച്ച​താ​യി അ​റി​യി​ച്ച്​ വേ​ദി​വി​ട്ടി​റ​ങ്ങി. 

ഈ ​സ​മ​യം സ​ദ​സ്സി​ലു​ണ്ടാ​യി​രു​ന്ന ഒ​രു​കൂ​ട്ടം യു​വാ​ക്ക​ള്‍ ബ​ഹ​ളം വെ​ക്കു​ക​യും എം.​എ​ൽ.​എ​യെ പോ​കാ​ന്‍ അ​നു​വ​ദി​ക്കി​ല്ലെ​ന്നും പ​റ​ഞ്ഞ് ത​ട​ഞ്ഞു​വെ​ക്കു​ക​യു​മാ​യി​രു​ന്നു. പി​ന്നീ​ട്​ യു​വാ​ക്ക​ള്‍ ത​ന്നെ കൈ​യേ​റ്റം ചെ​യ്‌​തെ​ന്നാ​രോ​പി​ച്ച് എം.​എ​ല്‍.​എ താ​മ​ര​ശ്ശേ​രി താ​ലൂ​ക്ക് ആ​ശു​പ​ത്രി​യി​ല്‍ ചി​കി​ത്സ തേ​ടി.