Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസി.പി.എം കൊടിയുമായി...

സി.പി.എം കൊടിയുമായി മിനി കൂപ്പറിൽ കാരാട്ട് ഫൈസലിൻെറ ആഹ്ലാദ പ്രകടനം

text_fields
bookmark_border
സി.പി.എം കൊടിയുമായി മിനി കൂപ്പറിൽ കാരാട്ട് ഫൈസലിൻെറ ആഹ്ലാദ പ്രകടനം
cancel

കോഴിക്കോട്: കൊടുവള്ളി നഗരസഭയില്‍ സ്വതന്ത്രനായി മത്സരിച്ച് വിജയിച്ച കാരാട്ട് ഫൈസല്‍ സി.പി.എം കൊടിയുമായി മിനി കൂപ്പറിൽ ആഹ്ലാദപ്രകടനം നടത്തി. കൊടുവള്ളി ചുണ്ടപ്പുറം വാര്‍ഡിലാണ്​ ഫൈസൽ വിജയിച്ചത്​. ഇവിടെ എല്‍ഡിഎഫ് സ്ഥാനാര്‍ഥിയായ ഐ.എന്‍.എല്ലിൻെറ അബ്ദുൽ റഷീദിന് പൂജ്യം വോട്ടാണ്​ ലഭിച്ചത്​. അതേസമയം, കാരാട്ട് ഫൈസലിൻെറ അപരന് ഏഴ് വോട്ട് ലഭിച്ചിട്ടുണ്ട്.

2017ൽ നടന്ന ജനജാഗ്രതാ യാത്രക്കിടെ കാരാട്ട്​ ഫൈസലി​െൻറ മിനികൂപ്പറിൽ അന്നത്തെ സി.പി.എം സംസ്ഥാന സെക്രട്ടറി കോടിയേരി ബാലകൃഷ്​ണൻ കയറിയത്​ വിവാദമായിരുന്നു.

ഫൈസലിനെ സ്ഥാനാര്‍ഥിയാക്കാനായിരുന്നു സി.പി.എം ആദ്യം തീരുമാനിച്ചത്​്​. സ്വര്‍ണക്കടത്ത് കേസില്‍ കസ്റ്റംസി​ൻെറ ചോദ്യം ചെയ്യലിന് വിധേയനായ കാരാട്ട് ഫൈസലിനെ എല്‍.ഡി.എഫ്. സ്ഥാനാര്‍ഥിയായി കൊടുവള്ളിയിലെ പ്രാദേശിക നേതൃത്വം പ്രഖ്യാപിക്കുകയും ചെയ്തിരുന്നു. പിന്നീട് ഇത് വിവാദമായതോടെയാണ്​ സംസ്​ഥാന നേതൃത്വം ഇടപെട്ട്​ അബ്ദുള്‍ റഷീദിനെ സ്ഥാനാര്‍ഥിയാക്കിയത്​.

എന്നാൽ, പിൻമാറാൻ തയാറാകാതിരുന്ന കാരാട്ട് ഫൈസല്‍ സ്വതന്ത്ര സ്ഥാനാര്‍ഥിയായി മത്സരരംഗത്ത്​ നിലയുറപ്പിച്ചു. കഴിഞ്ഞ തവണ പറമ്പത്തുകാവില്‍നിന്ന് കാരാട്ട് ഫൈസൽ എല്‍ഡിഎഫ് ടിക്കറ്റില്‍ വിജയിച്ചിരുന്നു.

Show Full Article
TAGS:Karat Faisal Mini Cooper CPM 
Next Story