കരമന കൊലപാതകം: അഞ്ച്​ പേർ അറസ്​റ്റിൽ

തിരുവനന്തപുരം: കരമന തളിയിൽ നിന്ന് തട്ടിക്കൊണ്ടു പോയ യുവാവിനെ കൊലപ്പെടുത്തിയ സംഭവത്തിൽ അഞ്ച്​ പേർ അറസ്​റ്റിൽ . കിരൺ കൃഷ്​ണൻ, മുഹമ്മദ്​ റോഷൻ, അരുൺ ബാബു, അഭിലാഷ്​, റാം കാർത്തിക്​ എന്നിവരെയാണ്​ പൊലീസ്​ അറസ്​റ്റ്​ ചെയ്​തത്​. സംഭവവുമായി ബന്ധ​പ്പെട്ട്​ എട്ട്​ പേരെ കൂടി പിടികൂടാനുണ്ടെന്ന്​ പൊലീസ് ഉദ്യോഗസ്​ഥർ​ അറിയിച്ചു.

കരമന സ്വദേശി അനന്തു ഗിരീഷിനെയാണ്​ തട്ടിക്കൊണ്ടുപോയി കൊലപ്പെടുത്തിയത്​. കഴിഞ്ഞ ദിവസമാണ്​ അനന്തുവി​​​​െൻറ മൃതദേഹം കരമന ദേശീയപാതക്ക് സമീപത്ത് കാടുപിടിച്ച് കിടക്കുന്ന സ്ഥലത്ത് കണ്ടെത്തിയത്​.

തട്ടികൊണ്ടുപോയ സംഘം അനന്തുവിനെ ക്രൂരമായി മർദിച്ചാണ് കൊലപ്പെടുത്തിയത്​. അനന്തുവിന്‍റെ രണ്ട് കൈത്തണ്ടകളിലെ ​ഞരമ്പുകളും മുറിച്ച നിലയിലായിരുന്നു.