കാപ്പില്‍ വി. ഉമര്‍ മുസ്ലിയാര് നിര്യാതനായി
text_fields
മലപ്പുറം: പ്രമുഖ മതപണ്ഡിതനും സമസ്ത കേരള ജംഇയ്യതുല്‍ ഉലമ കേന്ദ്ര മുശാവറ അംഗവുമായ കാപ്പില്‍ വി. ഉമര്‍ മുസ്ലിയാര് (80) നിര്യാതനായി. ദീര്‍ഘകാലം മുദരിസായി സേവനമനുഷ്ഠിച്ച ഇദ്ദേഹം പൊട്ടച്ചിറ അന്‍വരിയ്യ അറബിക് കോളജ് പ്രിന്‍സിപ്പലുമായിരുന്നു.
കാപ്പ്, കരുവാരകുണ്ട്, പയ്യനാട്, ചാലിയം എന്നിവിടങ്ങളിലെ ദര്‍സ് പഠനശേഷം തമിഴ്‌നാട്ടിലെ വെല്ലൂര്‍ ബാഖിയാത്തില്‍നിന്ന് ബാഖവി ബിരുദം നേടി. ചെമ്പ്രശ്ശേരി, എ.ആര്‍ നഗര്‍, കോടങ്ങാട്, ദേശമംഗലം, പൊടിയാട്, പൊട്ടച്ചിറ അന്‍വരിയ്യ അറബിക് കോളജ്, വാണിയംകുളം മാനു മുസ്ലിയാര് ഇസ്ലാമിക് കോംപ്ലക്സ് എന്നിവിടങ്ങളിൽ സേവനം ചെയ്്തു. പെരിന്തല്‍മണ്ണ താലൂക്ക് ജംഇയ്യതുല്‍ ഉലമ ട്രഷററുമായിരുന്നു. മലപ്പുറം, പാലക്കാട് ജില്ല മുശാവറ അംഗമായിരുന്നു.
കുഞ്ഞിമുഹമ്മദ് ഹാജി-ഫാത്തിമ ദമ്പതികളുടെ മകനായി 1937 ജൂെലെ നാലിനാണ് ജനനം. ഭാര്യ: ഫാത്തിമ. മക്കള്‍: ഖദീജ (മണ്ണാര്‍മല), അബൂബക്കര്‍ സിദ്ദീഖ് ഫൈസി, മൈമൂന (മോളൂര്‍), മുഹമ്മദ് ഹുദവി. മരുമക്കള്‍: ഹംസ ഫൈസി (മണ്ണാര്‍മല), ഹംസ അന്‍വരി (മോളൂര്‍), നജ്മ, ആരിഫ. ഖബറടക്കം ചൊവ്വാഴ്ച ഉച്ചക്ക് 12ന് കാപ്പില്‍ ജുമാമസ്ജിദ് ഖബര്‍സ്ഥാനില്‍.