അടിസ്ഥാന സൗകര്യങ്ങളില്ല; രാമന്തളി പുനരധിവാസ കോളനിയിലെ കുടുംബങ്ങൾ ദുരിതത്തിൽ

പ​യ്യ​ന്നൂ​ർ: ഏ​ഴി​മ​ല നാ​വി​ക അ​ക്കാ​ദ​മി​ക്ക്​ വീ​ടും സ്ഥ​ല​വും ഒ​ഴി​ഞ്ഞു​കൊ​ടു​ത്ത കു​ടും​ബ​ങ്ങ​ളെ മാ​റ്റി താ​മ​സി​പ്പി​ച്ച കോ​ള​നി​യി​ൽ മൂ​ന്ന​ര പ​തി​റ്റാ​ണ്ടി​നു ശേ​ഷ​വും അ​ടി​സ്ഥാ​ന സൗ​ക​ര്യ​ങ്ങ​ളി​ല്ല. ടാ​റി​ട്ട റോ​ഡ് ഉ​ൾ​പ്പെ​ടെ സൗ​ക​ര്യ​ങ്ങ​ളു​ടെ അ​ഭാ​വം കാ​ര​ണം 25ഓ​ളം കു​ടും​ബ​ങ്ങ​ളു​ടെ ജീ​വി​തം ദു​രി​ത​പൂ​ർ​ണം. രാ​മ​ന്ത​ളി ഗ്രാ​മ​പ​ഞ്ചാ​യ​ത്തി​ലെ 13ാം വാ​ർ​ഡി​ലെ വ​ട്ട​പ്പ​റ​മ്പ് ചാ​ൽ, ഹ​രി​പു​രം 10 സ​െൻറ്​ നാ​വി​ക അ​ക്കാ​ദ​മി പു​ന​ര​ധി​വാ​സ കോ​ള​നി​യി​ലെ കു​ടും​ബ​ങ്ങ​ളാ​ണ് യാ​ത്രാ സൗ​ക​ര്യ​ങ്ങ​ളും മ​റ്റു​മി​ല്ലാ​തെ ദു​രി​ത​ത്തി​ലാ​യ​ത്.

ടാ​റി​ങ്​ ന​ട​ത്താ​ത്ത ചെ​റി​യ പാ​ത​യു​ണ്ടെ​ങ്കി​ലും കു​ഴി​യും ച​ളി​യും നി​റ​ഞ്ഞ​തി​നാ​ൽ യാ​ത്ര ദു​ഷ്​​ക​ര​മാ​ണ്. നാ​വി​ക അ​ക്കാ​ദ​മി​ക്കാ​യി കു​ടി​യൊ​ഴി​പ്പി​ക്ക​പ്പെ​ട്ട കു​ടും​ബ​ങ്ങ​ളെ ഈ ​സ്ഥ​ല​ത്ത് പു​ന​ര​ധി​വ​സി​പ്പി​ക്കു​മ്പോ​ൾ സ​ർ​ക്കാ​റു​ക​ൾ ന​ൽ​കി​യ പ്ര​ധാ​ന വാ​ഗ്ദാ​ന​ങ്ങ​ളി​ലൊ​ന്നാ​യി​രു​ന്നു ഗ​താ​ഗ​ത സൗ​ക​ര്യം.
എ​ന്നാ​ൽ, കു​ടി​യൊ​ഴി​പ്പി​ക്ക​പ്പെ​ട്ട് 35 വ​ർ​ഷം പി​ന്നി​ടു​മ്പോ​ഴും ഗ​താ​ഗ​ത യോ​ഗ്യ​മാ​യ ഒ​രു റോ​ഡെ​ന്ന ഇ​വ​രു​ടെ സ്വ​പ്നം നീ​ളു​ക​യാ​ണ്. ഓ​ണ​പ്പ​റ​മ്പ ഹ​രി​പു​ര​ത്തു​നി​ന്നും 300 മീ​റ്റ​ർ റോ​ഡാ​ണ് ടാ​ർ ചെ​യ്യേ​ണ്ട​ത്.

തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി അ​ഞ്ചു ല​ക്ഷം രൂ​പ ചെ​ല​വി​ൽ റോ​ഡി​ന് അ​രി​ക് കെ​ട്ടി മ​ണ്ണി​ട്ടി​രു​ന്നു. എ​ന്നാ​ൽ, മ​ഴ​ക്കാ​ല​മാ​യ​തോ​ടെ ച​ളി നി​റ​ഞ്ഞ് കാ​ൽ​ന​ട​യാ​ത്ര പോ​ലും ദു​രി​ത​മാ​യി​രി​ക്കു​ക​യാ​ണ്.
വാ​ർ​ഡ് അം​ഗം പ​ല​ത​വ​ണ സ​ർ​ക്കാ​ർ ഫ​ണ്ടു​ക​ൾ​ക്കാ​യി ശ്ര​മി​ച്ചെ​ങ്കി​ലും അ​നു​കൂ​ല തീ​രു​മാ​നം ഉ​ണ്ടാ​യി​ട്ടി​ല്ലെ​ന്നു പ​റ​യു​ന്നു.

റോ​ഡ് നി​ർ​മാ​ണ​ത്തി​ന് തു​ക ക​ണ്ടെ​ത്താ​ൻ ഹാ​ർ​ബ​ർ എ​ൻ​ജി​നീ​യ​റി​ങ്​ വ​കു​പ്പി​ന്​ വി​ടാ​ൻ പ​ഞ്ചാ​യ​ത്ത് ഭ​ര​ണ സ​മി​തി തീ​രു​മാ​ന​മെ​ടു​ത്തി​രു​െ​ന്ന​ങ്കി​ലും പാ​തി​വ​ഴി​യി​ൽ നി​ൽ​ക്കു​ക​യാ​ണ്. 
അ​നു​കൂ​ല ന​ട​പ​ടി ഉ​ണ്ടാ​യി​ല്ലെ​ങ്കി​ൽ പ്ര​ക്ഷോ​ഭ​ത്തി​നൊ​രു​ങ്ങു​ക​യാ​ണ് പ്ര​ദേ​ശ​വാ​സി​ക​ൾ.