ക​ണ്ണൂ​ർ സ​ർ​വ​ക​ലാ​ശാ​ല ചോദ്യപേപ്പർ ആവർത്തനം; അന്വേഷണ സമിതി റിപ്പോർട്ട്​ നൽകി

ക​ണ്ണൂ​ർ: സ​ർ​വ​ക​ലാ​ശാ​ല ബി​രു​ദ പ​രീ​ക്ഷ മൂ​ന്നാം സെ​മ​സ്റ്റ​ർ ചോ​ദ്യ​പേ​പ്പ​റു​ക​ൾ ആ​വ​ർ​ത്തി​ച്ച സം​ഭ​വ​ത്തി​ൽ ര​ണ്ടം​ഗ സ​മി​തി അ​ന്വേ​ഷ​ണ റി​പ്പോ​ർ​ട്ട് വൈ​സ് ചാ​ൻ​സ​ല​ർ​ക്ക് കൈ​മാ​റി. സ​ർ​വ​ക​ലാ​ശാ​ല ഫി​നാ​ൻ​സ് ഓ​ഫി​സ​ർ പി. ​ശി​വ​പ്പു, സി​ൻ​ഡി​ക്കേ​റ്റ് അം​ഗം ഡോ. ​പി. മ​ഹേ​ഷ് കു​മാ​ർ എ​ന്നി​വ​രാ​ണ് റി​പ്പോ​ർ​ട്ട് ന​ൽ​കി​യ​ത്. ക​ഴി​ഞ്ഞ വ​ർ​ഷ​ത്തെ അ​തേ ചോ​ദ്യ​പേ​പ്പ​ർ ഉ​പ​യോ​ഗി​ച്ച് പ​രീ​ക്ഷ ന​ട​ത്തി​യ സം​ഭ​വ​ത്തി​ലാ​ണ്​ വി.​സി അ​ന്വേ​ഷ​ണ​ത്തി​ന് ര​ണ്ടം​ഗ സ​മി​തി​യെ നി​യോ​ഗി​ച്ച​ത്. ചോ​ദ്യ​ങ്ങ​ൾ ത​യാ​റാ​ക്കാ​ൻ ചു​മ​ത​ല​പ്പെ​ടു​ത്തി​യ അ​ധ്യാ​പ​ക​ർ ക​ഴി​ഞ്ഞ വ​ർ​ഷ​ത്തെ ചോ​ദ്യ​പേ​പ്പ​ർ അ​തേ​പ​ടി പു​തി​യ ക​വ​റി​ലി​ട്ട് ന​ൽ​കു​ക​യാ​യി​രു​ന്നു​വെ​ന്ന്​ റി​പ്പോ​ർ​ട്ടി​ൽ സൂ​ചി​പ്പി​ക്കു​ന്നു.

സ​ർ​വ​ക​ലാ​ശാ​ല പ​ഠ​ന ബോ​ർ​ഡ് ചെ​യ​ർ​മാ​ന്മാ​ർ ന​ൽ​കു​ന്ന പാ​ന​ലി​ൽ​നി​ന്നാ​ണ് പ​രീ​ക്ഷാ ക​ൺ​ട്രോ​ള​ർ ചോ​ദ്യ​പേ​പ്പ​ർ ത​യാ​റാ​ക്കാ​ൻ അ​ധ്യാ​പ​ക​രെ നി​യ​മി​ക്കു​ന്ന​ത്. ചോ​ദ്യ​ക​ർ​ത്താ​ക്ക​ൾ ത​യാ​റാ​ക്കു​ന്ന മൂ​ന്ന് സെ​റ്റ് ചോ​ദ്യ പേ​പ്പ​ർ, ബോ​ർ​ഡ് ഓ​ഫ് സ്റ്റ​ഡീ​സ് ചെ​യ​ർ​മാ​നും അം​ഗ​ങ്ങ​ളും പ​രി​ശോ​ധി​ച്ച് വീ​ഴ്ച​ക​ൾ ഇ​ല്ലെ​ന്ന് ഉ​റ​പ്പു​വ​രു​ത്തി​യ​തി​നു​ശേ​ഷം അ​തി​ൽ ഒ​രു ചോ​ദ്യ​പേ​പ്പ​ർ ആ​ണ് പ​രീ​ക്ഷ ക​ൺ​ട്രോ​ള​ർ പ​രീ​ക്ഷ​ക്ക് ഉ​പ​യോ​ഗി​ക്കു​ന്ന​ത്.

ഉ​ത്ത​ര​വാ​ദി​ത്തം പ​രീ​ക്ഷാ ക​ൺ​ട്രോ​ള​ർ​ക്കു മാ​ത്ര​മ​ല്ല, ചോ​ദ്യ​പേ​പ്പ​ർ ത​യാ​റാ​ക്കി​യ അ​ധ്യാ​പ​ക​ർ​ക്കു​മു​ണ്ട്. അ​വ​രു​ടെ ഭാ​ഗ​ത്തു​നി​ന്നു​ണ്ടാ​യ വീ​ഴ്ച​യും ജാ​ഗ്ര​ത​ക്കു​റ​വും പ​രീ​ക്ഷാ ക​ൺ​ട്രോ​ള​ർ ഗൗ​ര​വ​ത്തോ​ടെ ക​ണ്ടി​ല്ലെ​ന്നും റി​പ്പോ​ർ​ട്ടി​ൽ പ​റ​യു​ന്നു. ഈ ​ചോ​ദ്യ​ങ്ങ​ൾ ത​യാ​റാ​ക്കി ന​ൽ​കി​യ അ​ധ്യാ​പ​ക​രെ ക​രി​മ്പ​ട്ടി​ക​യി​ൽ ഉ​ൾ​പ്പെ​ടു​ത്തും. മേ​യ് അ​ഞ്ചി​ന് ചേ​രു​ന്ന സി​ൻ​ഡി​ക്കേ​റ്റ് യോ​ഗം റി​പ്പോ​ർ​ട്ടി​ൽ തു​ട​ർ ന​ട​പ​ടി സ്വീ​ക​രി​ക്കും.

ഏ​പ്രി​ൽ 21, 22 തീ​യ​തി​ക​ളി​ൽ ന​ട​ന്ന സൈ​ക്കോ​ള​ജി മൂ​ന്നാം സെ​മ​സ്റ്റ​ർ പ​രീ​ക്ഷ​ക​ൾ, 21ന് ​ന​ട​ന്ന ബോ​ട്ട​ണി പ​രീ​ക്ഷ, ഫി​ലോ​സ​ഫി കോം​പ്ലി​മെ​ന്റ​റി പേ​പ്പ​ർ ഇ​വ​യു​ടെ​യെ​ല്ലാം ചോ​ദ്യ​ങ്ങ​ൾ ക​ഴി​ഞ്ഞ വ​ർ​ഷ​ത്തെ ചോ​ദ്യ​പേ​പ്പ​റി​ന് സ​മാ​ന​മെ​ന്നാ​ണ് അ​ന്വേ​ഷ​ണ സ​മി​തി​യു​ടെ ക​ണ്ടെ​ത്ത​ൽ. വി​വാ​ദ​മാ​യ​തോ​ടെ സ​ർ​വ​ക​ലാ​ശാ​ല പ​രീ​ക്ഷ​ക​ൾ റ​ദ്ദാ​ക്കു​ക​യാ​യി​രു​ന്നു. ചോ​ദ്യ​പേ​പ്പ​ർ ത​യാ​റാ​ക്കു​ന്ന​തി​ൽ ഏ​കോ​പ​നം ഉ​റ​പ്പു​വ​രു​ത്തി പ​രീ​ക്ഷാ ന​ട​ത്തി​പ്പ് സു​താ​ര്യ​മാ​ക്കാ​നും പ​രീ​ക്ഷാ വി​ഭാ​ഗ​ത്തി​നു ക​ഴി​ഞ്ഞി​ട്ടി​ല്ല. വി​ദ്യാ​ർ​ഥി​ക​ളു​ടെ ഭാ​വി​ക്ക്​ പു​റ​മെ സ​ർ​വ​ക​ലാ​ശാ​ല​യു​ടെ സ​ൽ​പ്പേ​രു ക​ള​ങ്ക​പ്പെ​ടു​ത്താ​നും ഇ​വ​രു​ടെ പ്ര​വ​ർ​ത്ത​ന​ങ്ങ​ൾ കാ​ര​ണ​മാ​യ​താ​യി റി​പ്പോ​ർ​ട്ടി​ൽ പ​രാ​മ​ർ​ശ​മു​ണ്ട്.

വി​വാ​ദ​വു​മാ​യി ബ​ന്ധ​പ്പെ​ട്ട് പ​രീ​ക്ഷാ ക​ൺ​ട്രോ​ള​ർ പി.​ജെ. വി​ൻ​സ​ന്റ് അ​വ​ധി​യി​ൽ പോ​യി​രു​ന്നു. ഗു​രു​ത​ര പി​ഴ​വി​ന്റെ ധാ​ർ​മി​ക ഉ​ത്ത​ര​വാ​ദി​ത്തം ഏ​റ്റെ​ടു​ത്താ​ണ് തീ​രു​മാ​നം. തി​ങ്ക​ളാ​ഴ്ച രാ​ജി സ​ന്ന​ദ്ധ​ത അ​റി​യി​ച്ചെ​ങ്കി​ലും വി.​സി ഇ​ട​പെ​ട്ട് ക​ൺ​ട്രോ​ള​റെ പി​ന്തി​രി​പ്പി​ക്കു​ക​യാ​യി​രു​ന്നു. അതേസമയം, സ​ർ​വ​ക​ലാ​ശാ​ല മൂ​ന്നാം സെ​മ​സ്റ്റ​ർ ചോ​ദ്യ​പേ​പ്പ​ർ ആ​വ​ർ​ത്തി​ച്ച​തു​മാ​യി ബ​ന്ധ​പ്പെ​ട്ട് ഗ​വ​ർ​ണ​ർ, വൈ​സ് ചാ​ൻ​സ​ല​റോ​ട് വി​ശ​ദീ​ക​ര​ണം തേ​ടി​യെ​ന്ന വാ​ർ​ത്ത അ​ടി​സ്ഥാ​ന​ര​ഹി​ത​മാ​ണെ​ന്ന്​ സ​ർ​വ​ക​ലാ​ശാ​ല അ​ധി​കൃ​ത​ർ അ​റി​യി​ച്ചു. ഇ​ക്കാ​ര്യ​ത്തി​ൽ ഇ​തു​വ​രെ ഗ​വ​ർ​ണ​റു​ടെ ഓ​ഫി​സി​ൽ​നി​ന്ന് ത​ന്നോ​ട്​ വി​ശ​ദീ​ക​ര​ണം തേ​ടി​യി​ട്ടി​ല്ലെ​ന്ന് വി.​സി പ്ര​ഫ. ഗോ​പി​നാ​ഥ്​ ര​വീ​ന്ദ്ര​ൻ അ​റി​യി​ച്ചു.

ഉത്തരവാദികൾ അധ്യാപകർ -മന്ത്രി ആർ. ബിന്ദു

തി​രു​വ​ന​ന്ത​പു​രം: പ​രീ​ക്ഷ ന​ട​ത്തി​പ്പി​ലെ ഏ​തെ​ങ്കി​ലും ഒ​രു പി​ഴ​വി​നെ പ​ർ​വ​തീ​ക​രി​ച്ച്​ അ​ഖി​ലേ​ന്ത്യ അ​ടി​സ്ഥാ​ന​ത്തി​ൽ കേ​ര​ള​ത്തി​ലെ ഉ​ന്ന​ത വി​ദ്യാ​ഭ്യാ​സ​ത്തെ അ​പ​കീ​ർ​ത്തി​പ്പെ​ടു​ത്തു​ന്ന​ത്​ ശ​രി​യ​ല്ലെ​ന്ന്​ ഉ​ന്ന​ത വി​ദ്യാ​ഭ്യാ​സ മ​ന്ത്രി ഡോ. ​ആ​ർ. ബി​ന്ദു. കേ​ര​ള, ക​ണ്ണൂ​ർ സ​ർ​വ​ക​ലാ​ശാ​ല ചോ​ദ്യ​പേ​പ്പ​റു​ക​ളി​ലു​ണ്ടാ​യ പ്ര​ശ്​​നം ഗൗ​ര​വ​മാ​യാ​ണ്​ കാ​ണു​ന്ന​ത്. ഇ​ക്കാ​ര്യ​ത്തി​ൽ അ​ന്വേ​ഷി​ച്ച്​ ന​ട​പ​ടി​യെ​ടു​ക്കും. ​ചോ​ദ്യം ത​യാ​റാ​ക്കി അ​യ​ക്കു​ന്ന അ​ധ്യാ​പ​ക​ർ ത​ന്നെ​യാ​ണ്​ പി​ഴ​വി​ന്​ ഉ​ത്ത​ര​വാ​ദി​ക​ൾ.

ര​ഹ​സ്യ​സ്വ​ഭാ​വം സൂ​ക്ഷി​ക്കു​ന്ന​തി​നാ​ൽ ഉ​ദ്യോ​ഗ​സ്ഥ​ർ​ക്ക്​ പ​രി​ശോ​ധി​ക്കാ​ൻ ക​ഴി​യി​ല്ല. കേ​ര​ള സ​ർ​വ​ക​ലാ​ശാ​ല​യി​ൽ ചോ​ദ്യ​പേ​പ്പ​റി​നു പ​ക​രം ഉ​ത്ത​ര സൂ​ചി​ക അ​യ​ച്ചു​കൊ​ടു​ത്ത സം​ഭ​വം ഗൗ​ര​വ​മു​ള്ള​താ​ണ്. പ​തി​നാ​യി​ര​ക്ക​ണ​ക്കി​ന്​ വി​ദ്യാ​ർ​ഥി​ക​ൾ​ക്കാ​യി നി​ര​വ​ധി പ​രീ​ക്ഷ​ക​ളാ​ണ്​ സ​ർ​വ​ക​ലാ​ശാ​ല​ക​ൾ ന​ട​ത്തു​ന്ന​ത്. ഇ​തി​ൽ ഏ​തെ​ങ്കി​ലും ഒ​ന്നി​ലെ പി​ഴ​വ്​ പ​ർ​വ​തീ​ക​രി​ക്കു​ന്ന​ത്​​ ശ​രി​യ​ല്ല. പ​രീ​ക്ഷ ന​ട​ത്തി​പ്പി​ലെ പി​ഴ​വു​ക​ൾ തി​രു​ത്താ​വു​ന്ന രീ​തി​യി​ലു​ള്ള നി​ർ​​ദേ​ശ​ങ്ങ​ൾ​ പ​രീ​ക്ഷ പ​രി​ഷ്​​ക​ര​ണം സം​ബ​ന്ധി​ച്ച ക​മീ​ഷ​ൻ റി​പ്പോ​ർ​ട്ടി​ലു​ണ്ട്. ഇ​വ ന​ട​പ്പാ​ക്കും -മ​ന്ത്രി പ​റ​ഞ്ഞു.