കണ്ണൂർ സ​ർ​വ​ക​ലാ​ശാ​ല പ​ഠ​ന ബോ​ർ​ഡ്; തീർപ്പായത് അക്കാദമിക് പ്രതിസന്ധി

ക​ണ്ണൂ​ർ: സ​ർ​വ​ക​ലാ​ശാ​ല പ​ഠ​ന ബോ​ർ​ഡു​ക​ൾ​ക്ക് ചാ​ൻ​സ​ല​റാ​യ ഗ​വ​ർ​ണ​ർ അം​ഗീ​കാ​രം ന​ൽ​കി​യ​തോ​ടെ തീ​ർ​പ്പാ​യ​ത് ക​ണ്ണൂ​ർ സ​ർ​വ​ക​ലാ​ശാ​ല​യി​ലെ അ​ക്കാ​ദ​മി​ക് പ്ര​തി​സ​ന്ധി. രാ​ഷ്ട്രീ​യ​ക്ക​ളി​യി​ൽ കു​ടു​ങ്ങി ര​ണ്ട​ര​വ​ർ​ഷ​മാ​യി മു​ട​ങ്ങി​ക്കി​ട​ന്ന പ​ഠ​ന ബോ​ർ​ഡു​ക​ളാ​ണ് പു​തു​താ​യി എ​ത്തി​യ വി.​സി ഡോ. ​എ​സ്. ​ബി​ജോ​യ് ന​ന്ദ​ന്റെ പ​രി​ശ്ര​മ​ത്തി​ൽ പു​നഃ​സം​ഘ​ടി​പ്പി​ച്ച് അം​ഗീ​കാ​രം നേ​ടി​യെ​ടു​ക്കാ​നാ​യ​ത്.

ഡോ. ​ഗോ​പി​നാ​ഥ് ര​വീ​ന്ദ്ര​ന്റെ കാ​ല​ത്ത് പു​നഃ​സം​ഘ​ടി​പ്പി​ച്ച പ​ഠ​ന ബോ​ർ​ഡ് പ​ട്ടി​ക ഹൈ​കോ​ട​തി​യാ​ണ് റ​ദ്ദാ​ക്കി​യ​ത്. ഇ​തോ​ടെ, പ​ഠ​ന ബോ​ർ​ഡു​ക​ളി​ല്ലാ​ത്ത സ​ർ​വ​ക​ലാ​ശാ​ല​യാ​യി ക​ണ്ണൂ​രി​ലേ​ത് മാ​റി. സി​ല​ബ​സ് രൂ​പ​വ​ത്ക​ര​ണം തു​ട​ങ്ങി അ​ക്കാ​ദ​മി​ക് കാ​ര്യ​ങ്ങ​ൾ തീ​രു​മാ​നി​ക്കു​ന്ന പ്ര​ധാ​ന സ​മി​തി​ക​ൾ ഇ​ല്ലാ​താ​യ​തോ​ടെ സ​ർ​വ​ക​ലാ​ശാ​ല അ​ഡ്ഹോ​ക്ക് ക​മ്മി​റ്റി​യു​ണ്ടാ​ക്കി. സ​ർ​വ​ക​ലാ​ശാ​ല ച​ട്ട​പ്ര​കാ​രം അ​ഡ്ഹോ​ക്ക് ക​മ്മി​റ്റി​ക​ൾ​ക്ക് നി​യ​മ​സാ​ധു​ത​യു​മി​ല്ല. ഇ​ട​ത് അ​ധ്യാ​പ​ക​രെ കു​ത്തി​നി​റ​ച്ചു​ണ്ടാ​ക്കി​യ പ​ട്ടി​ക​ക്കെ​തി​രെ കെ.​പി.​സി.​ടി.​എ മേ​ഖ​ല പ്ര​സി​ഡ​ന്റും അ​ക്കാ​ദ​മി​ക് കൗ​ൺ​സി​ൽ അം​ഗ​വു​മാ​യ ഡോ. ​ഷി​നോ പി. ​​​ജോ​സ് ആ​ണ് ഹൈ​കോ​ട​തി​യെ സ​മീ​പി​ച്ച​ത്. ചാ​ൻ​സ​ല​റു​ടെ ശി​പാ​ർ​ശ​യി​ല്ലാ​തെ വി.​സി സ്വ​ന്തം നി​ല​ക്കു​ണ്ടാ​ക്കി​യ​താ​ണ് പ​ട്ടി​ക​യെ​ന്ന് ക​ണ്ട​തോ​ടെ 2021 സെ​പ്റ്റം​ബ​ർ ഒ​മ്പ​തി​ന് ഹൈ​കോ​ട​തി റ​ദ്ദാ​ക്കി.

പു​തി​യ വി.​സി​യു​ടെ നേ​തൃ​ത്വ​ത്തി​ലാ​ണ് പ​ഠ​ന ബോ​ർ​ഡ് പ​ട്ടി​ക ത​യാ​റാ​ക്കി അം​ഗീ​കാ​ര​ത്തി​നാ​യി സ​മ​ർ​പ്പി​ച്ച​ത്. വി​വി​ധ വി​ഷ​യ​ങ്ങ​ളി​ലെ 72 ബോ​ർ​ഡു​ക​ളി​ലാ​യി 850ഓ​ളം അം​ഗ​ങ്ങ​ളു​ണ്ട്. വ്യ​വ​സാ​യ സ്ഥാ​പ​ന​ങ്ങ​ളു​ടെ പ്ര​തി​നി​ധി​ക​ളും പ​ട്ടി​ക​യി​ൽ ഇ​ടം​പി​ടി​ച്ച​താ​യും സി​ൻ​ഡി​ക്കേ​റ്റം​ഗ​ങ്ങ​ൾ, അ​ക്കാ​ദ​മി​ക് ഡീ​നു​മാ​ർ, വി​വി​ധ അ​ധ്യാ​പ​ക സം​ഘ​ട​ന​ക​ൾ എ​ന്നി​വ​രു​മാ​യി ച​ർ​ച്ച ചെ​യ്താ​ണ് പ​ട്ടി​ക ത​യാ​റാ​ക്കി​യ​തെ​ന്നും വി.​സി ‘മാ​ധ്യ​മ’​ത്തോ​ട് പ​റ​ഞ്ഞു.

അ​ടു​ത്ത അ​ധ്യ​യ​ന വ​ർ​ഷം സ​ർ​വ​ക​ലാ​ശാ​ല​യി​ൽ ആ​രം​ഭി​ക്കു​ന്ന നാ​ലു വ​ർ​ഷ ബി​രു​ദ പ്രോ​ഗ്രാ​മി​ന്റെ പ്ര​വ​ർ​ത്ത​ന​ങ്ങ​ൾ ത്വ​രി​ത​പ്പെ​ടു​ത്തു​ന്ന​തി​നും പ​ഠ​ന ബോ​ർ​ഡു​ക​ളു​ടെ പു​നഃ​സം​ഘ​ട​ന കാ​ര​ണ​മാ​കും. പ​ഠ​ന ബോ​ർ​ഡു​ക​ൾ സം​ബ​ന്ധി​ച്ച് കൂ​ടു​ത​ൽ വി​വ​ര​ങ്ങ​ൾ ഉ​ൾ​പ്പെ​ടു​ന്ന വി​ജ്ഞാ​പ​നം സ​ർ​വ​ക​ലാ​ശാ​ല ഉ​ട​ൻ പു​റ​ത്തി​റ​ക്കും.