ഷൊർണൂർ-കണ്ണൂർ മെമു സർവിസ് മാർച്ച് 16 മുതൽ
text_fieldsകണ്ണൂർ: മെമു ട്രെയിൻ മലബാറിലേക്കും. മാർച്ച് 16 മുതൽ ഷൊർണൂർ - കണ്ണൂർ മെമു ട്രെയിൻ സർവിസ് തുടങ്ങും.
ചെന്നൈ സോണലിൽ 20 മെമു സർവിസിനാണ് റെയിൽവേ പച്ചക്കൊടി വീശിയത്. 06023 ഷൊർണൂർ-കണ്ണൂർ മെമു രാവിലെ 4.30ന് ഷൊർണൂരിൽനിന്ന് പുറപ്പെട്ട് 9.10ന് കണ്ണൂരിലെത്തും. 06024 കണ്ണൂർ-ഷൊർണൂർ മെമു വൈകീട്ട് 5.20ന് കണ്ണൂരിൽ നിന്ന് പുറപ്പെട്ട് 10.55ന് ഷൊർണൂരിലെത്തും.
കൊല്ലം-ആലപ്പുഴ, ആലപ്പുഴ-കൊല്ലം, ആലപ്പുഴ-എറണാകുളം, എറണാകുളം-ആലപ്പുഴ, എറണാകുളം-ഷൊർണൂർ, ഷൊർണൂർ-എറണാകുളം എന്നീ ട്രെയിനുകളും കേരളത്തിന് അനുവദിച്ചിട്ടുണ്ട്.
സീസൺ ടിക്കറ്റ് യാത്രക്കാർക്ക് പ്രാമുഖ്യം നൽകുന്ന ട്രെയിനുകൾ ഞായറാഴ്ച സർവിസ് നടത്തില്ല. യാത്രക്കാരുടെ വർഷങ്ങളായുള്ള ആവശ്യമാണ് മലബാറിൽ മെമു ട്രെയിൻ ആരംഭിക്കണമെന്നുള്ളത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.