കണ്ണൂരിൽ നിരീക്ഷണത്തിലായിരുന്ന യുവാവ്​ മരിച്ചു

കണ്ണൂർ: ചെന്നൈയിൽ നിന്നെത്തിയ ശേഷം മാടായിയിൽ ക്വാറൻറീൻ കേന്ദ്രത്തിൽ നിരീക്ഷണത്തിലായിരുന്ന വാടിക്കൽ സ്വദേശി റിബിൻ ബാബു മരിച്ചു. 18 വയസായിരുന്നു. മരണകാരണം ഹൃദയാഘാതമാണെന്നാണ്​ പ്രാഥമികവിവരം. 

പഞ്ചായത്ത്​ ക്വാറൻീനിൽ നിരീക്ഷണത്തിലായിരുന്നു റിബിൻ. തുടർന്ന്​ പനിയും ഛർദ്ദിയും ഉണ്ടായതിനെ തുടർന്ന്​ പരിയാരം മെഡിക്കൽ കോളജിൽ പ്രവേശിപ്പിക്കുകയായിരുന്നു. നേരത്തേ ചെയ്​ത കോവിഡ്​ പരിശോധന നെഗറ്റീവായിരുന്നു. മരണശേഷവും സ്രവം പരിശോധനക്ക്​ എടുത്തിട്ടുണ്ട്​.