കണ്ണൂർ കോർപറേഷനിൽ സി.പി.എം വീഴുമോ...? എല്ലാ കണ്ണുകളും രാഗേഷിൽ

കണ്ണൂര്‍: കണ്ണൂര്‍ കോര്‍പറേഷനിൽ ഇടത്​ ഭണസമിതിക്കെതിരെ യു.ഡി.എഫി​​െൻറ അവിശ്വാസ​പ്രമേയം ശനിയാഴ്​ച ചർച്ചക്ക്​. സി.പി.എമ്മിലെ മേയര്‍ ഇ.പി. ലതക്കെതിരായ പ്രമേയത്തിന്മേലുള്ള ചർച്ച രാവിലെ തുടങ്ങി ഉച്ചയോടെ വോ​ട്ടെടുപ്പ്​ നടക ്കും. 55 സീറ്റുള്ള കോർപറേഷനിൽ യു.ഡി.എഫിനും എൽ.ഡി.എഫിനും 27 വീതം സീറ്റുകൾ ലഭിച്ചതിനെ തുടർന്ന്​ കോൺഗ്രസ്​ വിമതൻ പി. കെ. രാഗേഷി​ന്​ ​െഡപ്യൂട്ടി മേയർ സ്ഥാനം നൽകിയാണ്​ സി.പി.എം ഭരണം പിടിച്ചത്​. പി.കെ. രാഗേഷുമായുള്ള ധാരണയുടെ അടിസ്ഥാ നത്തിലാണ്​ അവിശ്വാസപ്രമേയം കൊണ്ടുവന്നതെന്നാണ്​ യു.ഡി.എഫ്​ പറയുന്നത്​.

പി.കെ. രാഗേഷ്​ ഇതുവരെ മനസ്സുതുറന ്നിട്ടില്ല. അതുകൊണ്ടുതന്നെ അവിശ്വാസപ്രമേയത്തിൽ വിധി എന്താ​കുമെന്ന ആകാംക്ഷയിൽ എല്ലാ കണ്ണുകളും രാഗേഷിലാണ്​. സി.പി.എമ്മി​​െൻറ 27 അംഗങ്ങളിൽ ഒര​ു കൗൺസിലർ ഈയിടെ മരിച്ചു. ഇപ്പോൾ എൽ.ഡി.എഫിന്​ 26ഉം യു.ഡി.എഫിന്​ 27ഉം ആണ്​ അംഗബലം. അവി ശ്വാസം പാസാ​കണമെങ്കിൽ 28 നേടണം. അതിനാൽ യു.ഡി.എഫിന്​ പി.കെ. ​രാഗേഷി​​െൻറ പിന്തുണ അനിവാര്യമാണ്​. അദ്ദേഹം വിട്ടുനിന ്നാൽപോലും അവിശ്വാസം പരാജയപ്പെടും.

കോൺഗ്രസിലെ ജില്ലയിലെ പ്രമുഖനായ കെ. സുധാകരനുമായി ഉടക്കിയാണ്​ പി.കെ. ​രാഗേഷ്​ കഴിഞ്ഞ കോർപറേഷൻ തെരഞ്ഞെടുപ്പിൽ വിമതനായി മത്സരിച്ച്​ ജയിച്ചത്​. കഴിഞ്ഞ ലോക്​സഭ തെരഞ്ഞെടുപ്പിൽ ​പി. കെ. രാഗേഷ്​ കോൺ​ഗ്രസുമായി സഹകരിക്കാൻ തയാറായതി​​െൻറ തുടർച്ചയായാണ്​ സുധാകരൻ മുൻകൈയെടുത്ത്​ കോർപറേഷനി​ൽ അവി ​ശ്വാസം കൊണ്ടുന്നത്​. ഭരണം പിടിച്ചെടുത്താൽ മേയർപദവി അവശേഷിക്കുന്ന കാലാവധിയുടെ ആദ്യപകുതി കോൺഗ്രസിനും ​രണ്ടാം പകുതി മുസ്​ലിം ലീഗിനും എന്നതാണ്​ യു.ഡി.എഫിലെ ധാരണ. ​െഡപ്യൂട്ടി മേയറായി തുടരാമെന്ന ധാരണയിലാണ്​ പി.കെ. രാഗേഷ്​ യു.ഡി.എഫ്​ പക്ഷത്തേക്ക്​ വരുന്നത്​.

മനസ്സുതുറക്കാതെ ​െഡപ്യൂട്ടി മേയർ
കണ്ണൂർ: കണ്ണൂർ കോർപറേഷനിൽ സി.പി.എം വീഴുമോ, വാഴുമോ...? ഉത്തരം പറയാൻ കഴിയുക ​െഡപ്യൂട്ടി മേയർ പി.കെ. രാഗേഷിന്​ മാത്രം. യു.ഡി.എഫി​​െൻറ അവിശ്വാസപ്രമേയത്തെ കോൺഗ്രസ്​ വിമതൻ രാഗേഷ്​ പിന്തുണച്ചാൽ സി.പി.എം വീഴും. എതിർത്താൽ അല്ലെങ്കിൽ, വോ​ട്ടെടുപ്പിൽനിന്ന്​ വിട്ടുനിന്നാൽപോലും ഭരണം ഇടതി​​െൻറ കൈകളിൽതന്നെ തുടരും. താൻ ആർക്കൊപ്പമാണെന്ന്​ ​രാഗേഷ്​ ഇതുവരെ പറഞ്ഞിട്ടില്ല. ​െഡപ്യൂട്ടി മേയർ തങ്ങൾക്കൊപ്പം തന്നെയെന്ന ഉറച്ചവിശ്വാസമാണ്​ യു.ഡി.എഫ്​​ നേതൃത്വം പ്രകടിപ്പിക്കുന്നത്​.

രാഗേഷുമായുള്ള ചർച്ച നയിക്കുന്നത്​ കെ. സുധാകരനാണ്​. ഇതുസംബന്ധിച്ച്​ കെ. സുധാകരൻ നൽകിയ വിവരത്തിനപ്പുറം ഒന്നും​ കോൺഗ്രസിലെയും മുസ്​ലിം ലീഗിലെയും നേതാക്കൾക്ക്​ അറിയുകയുമില്ല. സുധാകരനുമായി പിണങ്ങിയാണ്​ ​രാഗേഷ്​ കഴിഞ്ഞ കോർപറേഷൻ തെരഞ്ഞെടുപ്പിൽ കോൺഗ്രസ്​ വിമതനായത്​. അതേ സുധാകരൻതന്നെ ഇടപെടു​േമ്പാൾ കാര്യങ്ങൾ തങ്ങൾക്കനുകൂലമാകുമെന്നാണ്​​ യു.ഡി.എഫ്​ നേതൃത്വത്തി​​െൻറ വിശ്വാസം.

ലോക്​സഭ തെരഞ്ഞെടുപ്പിൽ സുധാകരനും രാഗേഷും തമ്മിൽ ​മുഖാമുഖം കണ്ടതും മഞ്ഞുരുകിയതുമാണ്​ അവരുടെ പ്രതീക്ഷയുടെ അടിസ്ഥാനം. എന്നാൽ, നേരത്തേ ഉമ്മൻ ചാണ്ടി ഉൾപ്പെടെ നേതാക്കൾ ഇടപെട്ട്​ പലകുറി ചർച്ച നടത്തിയിട്ടും രാഗേഷി​നെ കോൺഗ്രസിൽ തി​രിച്ചെത്തിക്കാനുള്ള ധാരണയുണ്ടാക്കാൻ കഴിഞ്ഞിരുന്നില്ല എന്ന അനുഭവം മുന്നിലുണ്ട്​. അതാണ്​ ഇടതുപക്ഷത്തെ അവസാന പ്രതീക്ഷ. കോൺഗ്രസിലേക്ക്​ ചായുന്നത്​ സംബന്ധിച്ച സൂചന നൽകുന്ന ഒരു വാചകംപോലും ​െഡപ്യൂട്ടി മേയർ ​ ഇതുവരെ പറഞ്ഞിട്ടുമില്ല. രാഗേഷ്​ തങ്ങൾക്കൊപ്പം തന്നെയെന്ന്​ സി.പി.എം നേതാക്കൾ ആവർത്തിച്ച്​ പറയുന്നത്​ ആ പ്രതീക്ഷയുടെ ബലത്തിലാണ്​.

കണ്ണൂർ കോർപറേഷൻ അവിശ്വാസപ്രമേയചർച്ച ജില്ലാ കലക്ടർ ടി.വി സുഭാഷിന്റെ നേതൃതത്വത്തിൽ നടക്കുന്നു

രാഗേഷ്​ തുണച്ചാലും യു.ഡി.എഫ്;​ പേടിക്കണം അസാധു എന്ന വില്ലനെ
കണ്ണൂർ: അവി​ശ്വാസപ്രമേയം പാസാകാൻ വേണ്ടത്​ 28 വോട്ട്​. ഇപ്പോൾ എൽ.ഡി.എഫിന്​ 26ഉം യു.ഡി.എഫിന്​ 27ഉം ആണ്​ അംഗബലം. സി.പി.എമ്മി​​െൻറ 27 അംഗങ്ങളിൽ ഒര​ു കൗൺസിലർ ഈയിടെ മരിച്ചു. പി.കെ. രാഗേഷ്​ അനുകൂലിച്ചാൽ മാത്രം പോര, യു.ഡി.എഫി​​െൻറ ഒരു വോട്ടുപോലും അസാധുവാകാതെ അവിശ്വാസത്തിന്​ അനുകൂലമായി വീഴണം. എങ്കിൽമാത്രമേ യു.ഡി.എഫിന്​ ഭരണം പിടിക്കാനാകൂ. ഏതെങ്കിലും യു.ഡി.എഫ്​ കൗൺസിലറുടെ വോട്ട്​ അസാധുവായാൽ യു.ഡി.എഫ്​ പ്രതീക്ഷ ജലരേഖയാകും. പരാജയപ്പെട്ടാൽ ആറു മാസത്തിനുശേഷം മാത്രമേ വീണ്ടും അവിശ്വാസം കൊണ്ടുവരാൻ കഴിയുകയുള്ളൂ. അവിശ്വാസം പാസായാൽ മൂന്നാഴ്​ചക്കകം പുതിയ മേയറെ തെരഞ്ഞെടുക്കണം.

തമ്മിൽതല്ലി നഷ്​ടപ്പെടുത്തിയത്​ അവസാനനിമിഷം തിരിച്ചുപിടിക്കാൻ യു.ഡി.എഫ്​
കണ്ണൂർ: സി.പി.എമ്മി​​െൻറ ശക്തികേന്ദ്രമായ ജില്ലയാണെങ്കിലും കണ്ണൂർ നഗരഭരണം സി.പി.എമ്മിന്​ ബാലികേറാമലയായിരുന്നു. എന്നാൽ, കണ്ണൂർ നഗരസഭ കോർപറേഷനായി പദവി ഉയർന്നപ്പോൾ ആദ്യ അങ്കത്തിൽ യു.ഡി.എഫിന്​ അടിതെറ്റുന്നതാണ്​ കണ്ടത്​. തങ്ങളുടെ ശക്തികേന്ദ്രങ്ങളായ സമീപ പഞ്ചായത്തുകളെ കോർപറേഷനോട്​ ചേർത്ത സി.പി.എം യു.ഡി.എഫിന്​ ഒപ്പത്തിനൊപ്പമെത്തി.
കോൺഗ്രസിലെ ആഭ്യന്തരകലഹത്തിൽ വിമതനായി ജയിച്ചയാളെ ​​െഡപ്യൂട്ടി മേയർ സ്ഥാനം നൽകി കൂടെനിർത്താനായതോടെ കണ്ണൂർ കോർപറേഷ​​െൻറ പ്രഥമ മേയറായി സി.പി.എമ്മിലെ ഇ.പി. ലത അവരോധിക്ക​െപ്പടുകയായിരുന്നു. കോർപറേഷൻ ഭരണസമിതിയുടെ കാലാവധി അവസാനിക്കാൻ ഇനി എട്ടുമാസം മാത്രമാണ്​. തമ്മിൽതല്ലിൽ നഷ്​ടപ്പെട്ട നഗരഭരണം ​​അഞ്ചാം വർഷത്തിലെങ്കിലും തിരിച്ചുപിടിക്കാനാണ്​ യു.ഡി.എഫ്​ ഇപ്പോൾ ശ്രമിക്കുന്നത്​. ഏറെനാളായി വിദേശത്തായിരുന്ന മുസ്​ലിം ലീഗ്​ ചാലാട്​ വാർഡ്​ കൗൺസിലർ നസ്​റത്ത്​ ചാത്തോത്ത്​ വെള്ളിയാഴ്​ച രാവിലെ നാട്ടിൽ മടങ്ങിയെത്തിയിട്ടുണ്ട്​. ഇരുവിഭാഗങ്ങളും കൗൺസിലർമാരുടെ പ്രത്യേക യോഗം വിളിച്ച്​ ഒരുക്കങ്ങൾ നടത്തി. വോട്ടുചെയ്യേണ്ട വിധമൊക്കെ കൗൺസിലർമാർക്ക്​ വിശദീകരിച്ചുനൽകി. യു.ഡി.എഫും എൽ.ഡി.എഫും തങ്ങളുടെ കൗൺസിലർമാർക്ക്​ വിപ്പ്​ നൽകിയിട്ടുണ്ട്​. സ്വ​തന്ത്രനായതിനാൽ ​െഡപ്യൂട്ടി മേയർ പി.കെ. രാഗേഷിന്​ വിപ്പ്​ ബാധകമല്ല.

കോർപറേഷൻ​ ഓഫിസിന്​ കനത്തസുരക്ഷ​
കണ്ണൂർ: യു.ഡി.എഫ്​ അവിശ്വാസം പരിഗണിക്കുന്ന കോർപറേഷൻ കൗൺസിൽയോഗം കനത്ത പൊലീസ്​ സുരക്ഷയിലായിരിക്കും. ഹൈകോടതി നിർദേശപ്രകാരമാണ്​ കോർപറേഷനിലും പരിസരത്തും പൊലീസ്​ സുരക്ഷ ഒരുക്കുന്നത്​. കൗൺസിലർമാരായ അഡ്വ. ടി.ഒ. മോഹനൻ, സി. സമീർ എന്നിവർ ജില്ല കലക്​ടർ, ജില്ല പൊലീസ്​ ചീഫ്​, കണ്ണൂർ ടൗൺ സ്​റ്റേഷൻ ഹൗസ്​ ഒാഫിസർ, കൗൺസിലർ എൻ. ബാലകൃഷ്​ണൻ എന്നിവരെ പ്രതിചേർത്ത്​ നൽകിയ ഹരജിയിലാണ്​ ഹൈകോടതി നിർദേശം. കോർപറേഷ​​െൻറ പ്രത്യേക യോഗത്തിൽ പ​െങ്കടുക്കാനെത്തുന്ന യു.ഡി.എഫ്​ അംഗങ്ങൾക്ക്​​ മതിയായസുരക്ഷ നൽകണമെന്നും​ ഇടക്കാല ഉത്തരവിൽ വ്യക്തമാക്കിയിട്ടുണ്ട്​.