കത്തിക്കരിഞ്ഞ മൃതദേഹം ജസ്​നയുടേതല്ല, കൊല്ലപ്പെട്ടത്​ ചെന്നൈ സ്വദേശിനി

ചെന്നൈ: കാഞ്ചീപുരം ജില്ലയിലെ ചെങ്കൽപട്ട്​ പഴവേലിക്ക്​ സമീപം കത്തിക്കരിഞ്ഞ നിലയിൽ കണ്ടെത്തിയ മൃതദേഹം, കാണാതായ പത്തനംതിട്ട സ്വദേശിനി ജസ്​ന മറിയ ജെയിംസി​േൻറതല്ല. കൊല്ലപ്പെട്ടത്​ ചെന്നൈ അണ്ണാനഗർ പൊക്കിഷം (28) ആണെന്ന്​ സ്​ഥിരീകരിച്ചു. ജസ്​നയുടെ സഹോദരനായ ജെയിംസ്​ ജോണും ബന്ധുവുമാണ്​ കേരള പൊലീസ്​ സംഘ​േത്താടൊപ്പം കാഞ്ചീപുരത്ത്​ എത്തിയത്​. രാവിലെ ചെങ്കൽപട്ട്​ ഗവ. ജനറൽ ആശുപത്രി മോർച്ചറിയിൽ സൂക്ഷിച്ച മൃതദേഹം പരിശോധിച്ച സംഘം ജസ്​നയുടേതല്ലെന്ന്​ അറിയിച്ചു. 

മൃതദേഹത്തിൽ മുഖത്തി​​​​െൻറ ഭാഗം മുഴുവനായും കത്തിക്കരിഞ്ഞിരുന്നില്ല. മരിച്ച യുവതിയുടെ പല്ലിന്​ ക്ലിപ്പിട്ടിട്ടുണ്ട്​. ജസ്​നക്കും ക്ലിപ്പിട്ടിരുന്നു. എന്നാൽ, മൃതദേഹത്തിലെ പല്ലുകളുടെ ഘടനയിൽ വ്യത്യാസമുണ്ടെന്ന്​ സഹോദരൻ ജെയിസ്​ അറിയിച്ചു. ക്ലിപ്പി​​​​െൻറ കമ്പികളും ​ ജസ്​നയുടേതു പോലെയല്ല. മൃതദേഹത്തി​​​​െൻറ ഉയരത്തിനും പ്രായത്തിലും വ്യത്യാസമുണ്ട്​. മൂക്കുത്തി കാണപ്പെട്ടതും ആശയക്കുഴപ്പം സൃഷ്​ടിച്ചു. ജസ്​ന മൂക്കുത്തി ധരിക്കാറില്ല. സാധാരണനിലയിൽ തമിഴ്​ സ്​ത്രീകളാണ്​ മൂക്കുത്തി ധരിക്കാറുള്ളത്​. 

വെച്ചുച്ചിറ സബ്​ ഇൻസ്​പെക്​ടർ എ. അശ്​റഫി​​​​െൻറ നേതൃത്വത്തിലുള്ള പൊലീസ്​ സംഘം വെള്ളിയാഴ്​ച വൈകീട്ടാണ്​ കാഞ്ചീപുരത്ത്​ എത്തിയത്​. ജസ്​നയുടേതല്ലെന്ന്​ പ്രാഥമിക പരിശോധനയിൽ വ്യക്തമായെങ്കിലും ഡി.എൻ.എ ടെസ്​റ്റ്​ ഉൾപ്പെടെ ശാസ്​ത്രീയ പരിശോധനകൾ നടത്താനായിരുന്നു കേരള^ തമിഴ്​നാട്​ പൊലീസി​​​​െൻറ തീരുമാനം. അതിനിടെയാണ്​ ചെന്നൈ അണ്ണാനഗറിലെ പൊക്കിഷ​ത്തി​​​​െൻറ ബന്ധുക്കൾ ആശുപത്രിയിലെത്തി തിരിച്ചറിഞ്ഞത്​. ശനിയാഴ്​ച വീട്ടിൽനിന്ന്​ ഇരുചക്ര വാഹനത്തിൽ ജോലിക്കുപോയ പൊക്കിഷം തിരിച്ചെത്തിയിരുന്നില്ല. ബന്ധുക്കൾ ഞായറാഴ്​ച അണ്ണാനഗർ പൊലീസിൽ പരാതി നൽകിയിരുന്നു. വെള്ളിയാഴ്​ച വൈകീട്ട്​ മാധ്യമങ്ങളിൽ വാർത്ത കണ്ടതോടെയാണ്​ ബന്ധുക്കൾ ചെങ്കൽപട്ടിലെത്തിയത്​. സംഭവത്തെക്കുറിച്ച്​ അണ്ണാനഗർ പൊലീസ്​ അന്വേഷണമാരംഭിച്ചു. 

തിരുച്ചിറപള്ളി-ചെന്നൈ ദേശീയപാതക്ക്​ സമീപം ചെങ്കൽപട്ടിലെ പഴവേലിയിലാണ്​ ഭാഗികമായി കത്തിക്കരിഞ്ഞ മൃതദേഹം  കണ്ടെത്തിയത്​. കൊലപ്പെടുത്തിയ ശേഷം  മൃതദേഹം ചാക്കിൽകെട്ടി വാഹനത്തിൽകൊണ്ടുവന്ന്​ തീകൊളുത്തിയതാവാമെന്ന്​ കരുതുന്നു. സ്​ഥലത്തുനിന്ന്​ കോയമ്പത്തൂരിൽ പാക്ക്​ ചെയ്​ത വാട്ടർ​േബാട്ടിലും ലെതർബാഗി​​​​െൻറ അവശിഷ്​ടങ്ങളും കണ്ടെടുത്തു.കാഞ്ഞിരപ്പള്ളി സ​​​െൻറ്​ തോമസ്​ കോളജിലെ രണ്ടാം വർഷ വിദ്യാർഥിനിയാണ് കാണാതായ ജസ്​ന​. മാർച്ച്​ 21ന്​ ബന്ധുവീട്ടിലേക്ക്​ പോയ ജസ്​നയെ മുക്കൂട്ടുതറ ബസ്​സ്​റ്റോപ്പിൽവെച്ചാണ്​ അവസാനമായി കണ്ടത്​. പിന്നീട്​ എന്ത്​ സംഭവിച്ചുവെന്ന്​ ആർക്കുമറിയില്ല. എട്ടുമാസം മുമ്പാണ്​ ജസ്​നയുടെ മാതാവ്​ സാൻസി മരിച്ചത്​. ജസ്​നയെക്കുറിച്ച്​ വിവരം നൽകുന്നവർക്ക്​ കേരള പൊലീസ്​ പാരിതോഷികവും പ്രഖ്യാപിച്ചിരുന്നു.