ബ്രൂവറി പ്ലാന്‍റിനെതിരെ പ്ര​തി​ഷേ​ധം ശക്തം; അടിയന്തര യോഗം വിളിച്ച് എ​ല​പ്പു​ള്ളി പഞ്ചായത്ത്; പ്രമേയം പാസാക്കും

പാ​ല​ക്കാ​ട്: കു​ടി​വെ​ള്ള​ക്ഷാ​മം രൂ​ക്ഷ​മാ​യ എ​ല​പ്പു​ള്ളി​യി​ൽ സ്വകാര്യ കമ്പനിക്ക് മ​ദ്യ​നി​ർ​മാ​ണ​ശാ​ല അ​നു​വ​ദി​ച്ച​തി​നെ​തി​രെ പ്ര​തി​ഷേ​ധം ശക്തമാക്കി നാട്ടുകാരും എ​ല​പ്പു​ള്ളി ഗ്രാമപഞ്ചായത്തും. വിവാദ വിഷയം ചർച്ച ചെയ്യാൻ ഗ്രാമപഞ്ചായത്ത് ഭരണസമിതിയുടെ അടിയന്തര യോഗം വിളിച്ചു. നാളെയാണ് യോഗം നടക്കുക. സംസ്ഥാന സർക്കാർ നടപടിയിൽ പ്രതിഷേധിച്ച് ഭരണസമിതി പ്രത്യേക പ്രമേയം പാസാക്കുമെന്നും പ്രമേയം സർക്കാറിന് കൈമാറുമെന്ന് പ്രസിഡന്‍റ് കെ. രേവതി ബാബു മാധ്യമങ്ങളെ അറിയിച്ചു.

ഭൂ​ഗ​ർ​ഭ ജ​ല​മൂ​റ്റു​ന്ന മ​ദ്യ​നി​ർ​മാ​ണ​ശാ​ല അ​നു​വ​ദി​ക്കി​ല്ലെ​ന്നും ഇ​തി​നെ​തി​രെ പ്ര​മേ​യം അ​വ​ത​രി​പ്പി​ക്കു​മെ​ന്നും എ​ല​പ്പു​ള്ളി പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് എ​സ്. സു​നി​ൽ​കു​മാ​ർ പ​റ​ഞ്ഞു. പ​ഞ്ചാ​യ​ത്തി​ൽ അ​പേ​ക്ഷ ല​ഭി​ച്ചി​ട്ടി​ല്ല. മാ​ധ്യ​മ​വാ​ർ​ത്ത​ക​ളി​ലൂ​ടെ​യാ​ണ് വി​വ​രം അ​റി​ഞ്ഞ​തെന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

എ​ല​പ്പു​ള്ളി പ​ഞ്ചാ​യ​ത്ത് ആ​റാം വാ​ർ​ഡ് മ​ണ്ണൂ​ക്കാ​ട്ട് 26 ഏ​ക്ക​റി​ലാ​ണ് ഫാ​ക്ട​റി ആ​രം​ഭി​ക്കാ​ൻ നീ​ക്കം ന​ട​ക്കു​ന്ന​ത്. ബ്രൂ​വ​റി-​ഡി​സ്റ്റ​ല​റി യൂ​നി​റ്റ് ആ​രം​ഭി​ക്കാ​ൻ കെ-​സ്വി​ഫ്റ്റ് മു​ഖേ​ന​യാ​ണ് ഒ​യാ​സി​സ് ഡി​സ്റ്റ​ല​റീ​സ് അ​പേ​ക്ഷി​ച്ച​ത്. അ​തി​നാ​ലാ​ണ് അ​റി​യാ​ഞ്ഞ​തെ​ന്ന് എ​ല​പ്പു​ള്ളി പ​ഞ്ചാ​യ​ത്ത് സെ​ക്ര​ട്ട​റി പ​റ​ഞ്ഞു.

വേ​ന​ലി​ൽ എ​ല​പ്പു​ള്ളി​യി​ൽ വെ​ള്ളം കി​ട്ടാ​തെ ഏ​ക്ക​റു​ക​ണ​ക്കി​ന് നെ​ൽ​കൃ​ഷി ഉ​ണ​ങ്ങിയി​രു​ന്നു. മ​ദ്യ ഉ​ൽ​പാ​ദ​ന​ത്തി​ന് ദി​നം​പ്ര​തി ര​ണ്ട് ല​ക്ഷം ലി​റ്റ​ർ വെ​ള്ളം വേ​ണം. വ​ര​ൾ​ച്ച നേ​രി​ടു​ന്ന പ​ഞ്ചാ​യ​ത്തി​ൽ ഇ​ത്ര വെ​ള്ളം എ​ങ്ങ​നെ ക​ണ്ടെ​ത്തു​മെ​ന്ന് നാ​ട്ടു​കാ​ർ ചോ​ദി​ക്കു​ന്നു.

അ​പേ​ക്ഷ ല​ഭി​ച്ചാ​ലേ ഫീ​ൽ​ഡ് സ​ന്ദ​ർ​ശ​നം ഉ​ൾ​പ്പെ​ടെ ന​ട​ക്കൂ. ഓ​യി​ൽ ക​മ്പ​നി​ക​ൾ​ക്കു​ള്ള എ​ഥ​നോ​ൾ ഉ​ൽ​പാ​ദ​ന​ത്തി​നു​ള്ള അ​പേ​ക്ഷ മാ​ത്ര​മാ​ണ് ചി​റ്റൂ​ർ വാ​ട്ട​ർ അ​തോ​റി​റ്റി​ക്ക് ന​ൽ​കി​യതെ​ന്നാ​ണ് വി​വ​രം. ക​ഴി​ഞ്ഞ വേ​ന​ലി​ൽ 12 ല​ക്ഷം രൂ​പ ചെ​ല​വി​ട്ടാ​ണ് പ​ഞ്ചാ​യ​ത്തി​ൽ കു​ടി​വെ​ള്ളം എ​ത്തി​ച്ച​ത്. 150ഓ​ളം മി​നി കു​ടി​വെ​ള്ള പ​ദ്ധ​തി​ക​ളു​ണ്ടെ​ങ്കി​ലും ഇ​രു​മ്പി​ന്‍റെ അം​ശം ഉ​ള്ള​തി​നാ​ൽ വെ​ള്ള​ത്തി​ന് രു​ചി​ വ്യ​ത്യാ​സ​മു​ണ്ട്. ഇ​തി​ന് പ​രി​ഹാ​ര​മാ​യി ചി​റ്റൂ​ർ പു​ഴ​യി​ലെ കു​ന്ന​ങ്കാ​ട്ടു​പ​തി ത​ട​യ​ണ​യി​ൽ ​നി​ന്നു പൈ​പ്പി​ടു​ന്ന ജോ​ലി​ക​ൾ പു​രോ​ഗ​മി​ക്കു​ക​യാ​ണ്.

ഈ ​പ​ദ്ധ​തി​യു​ടെ 50 ശ​ത​മാ​ന​മേ പൂ​ർ​ത്തി​യാ​യി​ട്ടു​ള്ളൂ. വാ​ള​യാ​ർ ഡാ​മി​ൽ​ നി​ന്ന് ക​നാ​ൽ​വ​ഴി​യു​ള്ള ജ​ല​സേ​ച​ന​വും കു​ഴ​ൽ​കി​ണ​റു​ക​ളു​മാ​ണ് കൃ​ഷി​ക്ക് പ്ര​യോ​ജ​ന​പ്പെ​ടു​ത്തു​ന്ന​ത്. കു​റ​ച്ച് വാ​ർ​ഡു​ക​ളി​ൽ കു​ന്ന​ങ്കാ​ട്ടു​പ​തി ക​നാ​ൽ വ​ഴി ആ​ളി​യാ​ർ-​പ​റ​മ്പി​ക്കു​ളം വെ​ള്ളം ല​ഭി​ക്കു​ന്നു​ണ്ട്. ക​ഞ്ചി​ക്കോ​ട് വേ​റെ​യും മ​ദ്യ​നി​ർ​മാ​ണ​ശാ​ല​ക​ൾ ഉ​ണ്ടെ​ന്നി​രി​ക്കെ സ​മീ​പ പ​ഞ്ചാ​യ​ത്തി​ൽ പു​തു​താ​യൊ​ന്നു​കൂ​ടി വ​രു​ന്ന​ത് ഭൂ​ഗ​ർ​ഭ ജ​ല​ത്തെ ഗു​രു​ത​ര​മാ​യി ബാ​ധി​ക്കു​മെ​ന്നാ​ണ് ആ​ശ​ങ്ക.