കണ്ടോത്ത്​ ഗോപി പറയുന്നു; പിണറായി വിജയ​ന്‍റെ വെട്ടുകൊണ്ട ഓർമ

wകണ്ണൂർ: മുഖ്യമന്ത്രി പിണറായി വിജയനും കെ.പി.സി.സി പ്രസിഡൻറ്​ ​െക. സുധാകരനും തമ്മിലുള്ള ചവിട്ടിവീഴ്​ത്തൽ - തട്ടിക്കൊണ്ടുപോകൽ ചർച്ച ചൂടുപിടിക്കവെ, പിണറായി വിജയ​നിൽ നിന്ന്​ വടിവാൾ വെ​ട്ടേറ്റതി​െൻറ ഓർമ പറഞ്ഞ്​ ​മുതിർന്ന കോൺഗ്രസ്​ നേതാവ്​ പിണറായിയിലെ കണ്ടോത്ത്​ ഗോപി. 73കാരനായ നിലവിൽ കണ്ണൂർ ഡി.സി.സി മെമ്പർ കൂടിയായ കണ്ടോത്ത്​ ഗോപി സംഭവം വിവരിക്കുന്നത്​ ഇങ്ങനെ:

അടിയന്തിരാവസ്​ഥക്ക്​ ശേഷം 1977ലാണ്​ സംഭവം. തീയതി കൃത്യമായി ഓർക്കുന്നില്ല. പിണറായി ദിനേശ്​ ബീഡി സൊ​ൈസറ്റിയിൽ അടിയന്തിരാവസ്​ഥ കാലഘട്ടത്തിൽ 26 ലേബൽ തൊഴിലാളികളെ ജോലിക്ക്​ എടുത്തിരുന്നു. അവർ എല്ലാവരും കോൺഗ്രസി​ന്‍റെ ആളുകളായിരുന്നു. ഇവരെ അടിയന്തിരാവസ്​ഥക്ക്​ ശേഷം ഇവരെ പിരിച്ചുവിട്ടു. പിരിച്ചുവിട്ട തൊഴിലാളികളെ തിരിച്ചെടുക്കണമെന്ന് ആവശ്യപ്പെട്ട്​ കോൺഗ്രസ്​ നേതൃത്വത്തിൽ തൊഴിലാളികളെയും കൂട്ടി കാൽനട പ്രചാരണ ജാഥ നടത്താൻ തീരുമാനിച്ചു. ഞാനായിരുന്നു ജാഥാ ലീഡർ. അതി​െൻറ ഉദ്​ഘാടനം പിണറായി ടൗണി​ൽ ഓലയമ്പലം ബസാറിലായിരുന്നു തീരുമാനിച്ചത്​.

സമയം രാവിലെ 10 മണിക്ക്​ കഴിഞ്ഞ്​ ഉദ്​ഘാടനം തുടങ്ങാനിരിക്കെ ഞാനു​ം സുരേന്ദ്രബാബു എന്ന ബാബു മാഷും ഉൾപ്പെടെയുള്ളവർ ഓലയമ്പലം ബസാറിൽ നിൽക്കുകയായിരുന്നു. ആ സമയത്ത്​ പെ​ട്ടെന്ന്​ പിണറായി വിജയൻ, അച്ചൂട്ടി, പപ്പടം വാസു, വേലായുധൻ നമ്പ്യാർ തുടങ്ങി 10ലധികം ആളുകൾ ആയുധധാരികളായി ഞങ്ങളുടെ നേർക്ക്​ വന്നു. 'നീയാണോ ജാഥാ ലീഡർ' എന്ന്​ പറഞ്ഞ്​ പിണറായി വിജയൻ എ​​െൻറ നേരെ വാൾ വീശി. സുരേന്ദ്രബാബു പിടിച്ചുവെക്കാൻ നോക്കി. എങ്കിലും വെട്ട്​ തടുക്കാൻ ശ്രമിച്ച എന്‍റെ​ വലതു കൈക്ക്​ മുറിവേറ്റു. അന്ന്​ പിണറായിയിൽ സി.ആർ.പി.എഫ്​ ക്യാമ്പ്​ ഉണ്ടായിരുന്നു.

സംഭവം അറിഞ്ഞ്​ സി.ആർ.പി.എഫുകാർ എത്തിയപ്പോൾ പിണറായി വിജയനും കൂടെയുണ്ടായിരുന്നവരും ​പലഭാഗത്തായി പിരിഞ്ഞു പോയി. ഞാൻ അപ്പോൾ തന്നെ എം.പി കൃഷ്​ണൻ നായരെയും മറ്റും കൂട്ടി പിണറായി ഹെൽത്ത്​ സെൻററിൽ ചെന്ന്​ മുറിവ്​ തുന്നിക്കെട്ടി. ഭീഷണിക്ക്​ വഴങ്ങേ​െണ്ടന്ന്​ തീരുമാനിച്ച്​ ജാഥ തുടർന്നു. മൂന്നു ദിവസത്തെ ജാഥ പൂർത്തിയാക്കിയാലാണ്​ കേസെടുക്കാൻ പൊലീസിനെ സമീപിച്ചത്​. വൈകിയെന്ന്​ പറഞ്ഞ്​ കേസെടുക്കാൻ പൊലീസ്​ കൂട്ടാക്കിയില്ല. പിന്നീട്​ തലശ്ശേരിയിലെ പ്രമുഖ ഡോക്​ടർ ഉമ്മർകുട്ടിയുടെ അടുത്ത്​ ചികിൽസിച്ചാണ്​ മുറിവ്​ ഉണക്കിയതെന്നും കണ്ടോത്ത്​ ഗോപി പറയുന്നു.