'രാഷ്ട്രീയ കൊലപാതകമല്ല, വർഗീയ ശക്തികൾ നടത്തിയ കൊലപാതകം'; സർക്കാറിനെതിരെ ആയുധമാക്കരുത് -കാനം

എ.​ഐ.​എ​സ്.​എ​ഫ്​ സം​സ്ഥാ​ന സ​മ്മേ​ള​നം ആ​ല​പ്പു​ഴ​യി​ൽ സി.​പി.​ഐ സം​സ്ഥാ​ന സെ​​ക്ര​ട്ട​റി കാ​നം രാ​ജേ​ന്ദ്ര​ൻ ഉ​ദ്​​ഘാ​ട​നം ചെ​യ്യു​ന്നുആലപ്പുഴ: പാലക്കാട്ടെ കൊലപാതകങ്ങൾ വർഗീയ ശക്തികൾ നടത്തുന്ന കൊലപാതകങ്ങളാണെന്നും രാഷ്ട്രീയ കൊലപാതകമെന്ന് വിളിക്കരുതെന്നും സി.പി.ഐ സംസ്ഥാന സെക്രട്ടറി കാനം രാജേന്ദ്രൻ. രാജ്യത്ത് സമാധാനം നിലനിർത്തണമെങ്കിൽ ഇത്തരം വർഗീയ ശക്തികൾക്കെതിരെ ശക്തമായ നിലപാട് സ്വീകരിക്കാൻ മാധ്യമങ്ങൾക്കും പൊതുസമൂഹത്തിനും കഴിയണം. അതല്ലാതെ പ്രതിപക്ഷം ചെയ്യുന്നതുപോലെ സർക്കാറിനെ കുറ്റപ്പെടുത്താനുള്ള ആയുധമാക്കി മാറ്റരുത്.

വർഗീയ ശക്തികളാണ് കൊലപാതകം ചെയ്യുന്നത് എന്ന് മാധ്യമങ്ങൾ തുറന്നുപറയണം. രാഷ്ട്രീയ കൊലപാതകമല്ല. വർഗീയ കൊലപാതകമാണെന്ന് തന്നെ പറയണം.

ഈ സംഘടനകൾ ആരാണ് എന്ന് നമുക്ക് അറിയാം. അത് വർഗീയ സംഘടനകളാണ് എന്ന് എന്തുകൊണ്ട് ശക്തമായി മാധ്യമങ്ങൾക്ക് പറഞ്ഞുകൂടാ. ഇത്തരം സംഘടനകൾക്ക് കേരളത്തിന്‍റെ മതനിരപേക്ഷ മനസ്സിൽ യാതൊരു സ്ഥാനവുമില്ല. ഇത്തരം കൊലപാതകങ്ങളിലൂടെ അവർ കൂടുതൽ ഒറ്റപ്പെടും. എല്ലാവരും ചേർന്ന് ഒറ്റപ്പെടുത്തണം -കാനം രാജേന്ദ്രൻ പറഞ്ഞു.

കെ.എസ്.ഇ.ബിയിലെയും കെ.എസ്.ആർ.ടി.സിയിലേയും സമരങ്ങളെയൊന്നും രാഷ്ട്രീയമായി കാണേണ്ടതില്ലെന്നും കാനം വ്യക്തമാക്കി. എൽ.ഡി.എഫ് വന്നാലും യു.ഡി.എഫ് വന്നാലും തൊഴിലാളി അവകാശങ്ങൾക്കായി സമരം ചെയ്യുമെന്നും കാനം രാജേന്ദ്രൻ പറഞ്ഞു.

മോദി ഭരണത്തിൽ യുക്​തിചിന്ത അസ്തമിച്ചു -കാനം

ആ​ല​പ്പു​ഴ: മോ​ദി ഭ​ര​ണ​ത്തി​ൽ വി​ദ്യാ​ഭ്യാ​സ രം​ഗ​ത്തെ യു​ക്തി​ചി​ന്ത​യും ശാ​സ്ത്ര​ബോ​ധ​വും അ​സ്ത​മി​ച്ചെ​ന്നും ആ​ശ​യ സം​വാ​ദ​ത്തി​ന്റെ വേ​ദി​ക​ളാ​യി​രു​ന്ന സ​ർ​വ​ക​ലാ​ശാ​ല​ക​ളെ ഹി​ന്ദു​ത്വ​വാ​ദം അ​ടി​ച്ചേ​ൽ​പ്പി​ക്കു​ന്ന കേ​ന്ദ്ര​ങ്ങ​ളാ​ക്കി മാ​റ്റു​ക​യാ​ണെ​ന്നും സി.​പി.​​ഐ സം​സ്ഥാ​ന സെ​​ക്ര​ട്ട​റി കാ​നം രാ​ജേ​ന്ദ്ര​ൻ. ആ​ഗോ​ള​വ​ത്​​ക​ര​ണ കാ​ല​ത്ത് ക്ഷേ​മ​രാ​ഷ്‌​ട്ര സ​ങ്ക​ൽ​പം മാ​റ്റി​വെ​ച്ച്​ കേ​ന്ദ്ര സ​ർ​ക്കാ​ർ മ​ത​രാ​ഷ്‌​ട്ര സ​ങ്ക​ൽ​പ​മാ​ണ് പി​ന്തു​ട​രു​ന്ന​ത്. പാ​ർ​ല​മെ​ന്റും നി​യ​മ​സ​ഭ​യും ഇ​നി എ​ത്ര​നാ​ൾ തു​ട​രു​മെ​ന്ന് സം​ശ​യി​ക്കേ​ണ്ടി​യി​രി​ക്കു​ന്നു​​വെ​ന്നും കാ​നം പ​റ​ഞ്ഞു. എ.​ഐ.​എ​സ്.​എ​ഫ് സം​സ്ഥാ​ന സ​മ്മേ​ള​നം ഉ​ദ്‌​ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം.

സ്വാ​ഗ​ത സം​ഘം ചെ​യ​ർ​മാ​ൻ ടി.​ജെ. ആ​ഞ്ച​ലോ​സ് സ്വാ​ഗ​തം പ​റ​ഞ്ഞു. സി.​പി.​ഐ ദേ​ശീ​യ എ​ക്സി​ക്യൂ​ട്ടി​വ് അം​ഗം കെ.​ഇ. ഇ​സ്‌​മാ​യി​ൽ, മ​ന്ത്രി​മാ​രാ​യ കെ.​രാ​ജ​ൻ, ജി.​ആ​ർ. അ​നി​ൽ, എ.​ഐ.​വൈ.​എ​ഫ് സം​സ്ഥാ​ന പ്ര​സി​ഡ​ന്റ് എ​ൻ. അ​രു​ൺ, സെ​ക്ര​ട്ട​റി ടി.​ടി. ജി​സ്‌​മോ​ൻ, എ​ൻ. ശ്രീ​കു​മാ​ർ, ഡോ. ​സി. ഉ​ദ​യ​ക​ല, പി.​വി. സ​ത്യ​നേ​ശ​ൻ, ജി. ​കൃ​ഷ്ണ​പ്ര​സാ​ദ്‌ തു​ട​ങ്ങി​യ​വ​ർ സം​സാ​രി​ച്ചു. നാ​ദി​റ ബ​ഹ്​​റി​ൻ ര​ക്ത​സാ​ക്ഷി പ്ര​മേ​യ​വും ആ​ർ.​എ​സ്. രാ​ഹു​ൽ​രാ​ജ് അ​നു​ശോ​ച​ന പ്ര​മേ​യ​വും അ​വ​ത​രി​പ്പി​ച്ചു. സം​സ്ഥാ​ന സെ​ക്ര​ട്ട​റി ജെ. ​അ​രു​ൺ​ബാ​ബു റി​പ്പോ​ർ​ട്ട് അ​വ​ത​രി​പ്പി​ച്ചു. അ​സ്‌​ലം ഷാ ​ന​ന്ദി പ​റ​ഞ്ഞു. പി. ​ക​ബീ​ർ, ബി​ബി​ൻ എ​ബ്ര​ഹാം, സി.​കെ. ബി​ജി​ത്ത് ലാ​ൽ, അ​മ​ൽ അ​ശോ​ക​ൻ, പ്രി​ജി ശ​ശി​ധ​ര​ൻ, ചി​ന്നു ച​ന്ദ്ര​ൻ എ​ന്നി​വ​ര​ട​ങ്ങി​യ പ്ര​സീ​ഡി​യ​മാ​ണ് സ​മ്മേ​ള​നം നി​യ​ന്ത്രി​ക്കു​ന്ന​ത്. സ​മ്മേ​ള​നം ചൊ​വ്വാ​ഴ്ച സ​മാ​പി​ക്കും.