കാൽ പോയിട്ടും കുറയാത്ത കരുത്ത്!

തി​രു​വ​ന​ന്ത​പു​രം: ഏ​താ​നും ആ​ഴ്ച​ക​ൾ​ക്ക് മു​മ്പാ​ണ് കാ​ന​ത്തി​ന്‍റെ കാ​ൽ വി​ര​ലി​ന് പ​ഴു​പ്പ് ബാ​ധി​ച്ച​ത്. അ​തി​ന്റെ ചി​കി​ത്സ​ക്ക് വേ​ണ്ടി​യാ​ണ് അ​ദ്ദേ​ഹ​ത്തെ ക​ഴി​ഞ്ഞ​മാ​സം കൊ​ച്ചി​യി​ൽ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. വ​ർ​ഷ​ങ്ങ​ളാ​യി ക​ടു​ത്ത പ്ര​മേ​ഹ​രോ​ഗി​യാ​യി​രു​ന്നു കാ​നം. അ​തു​കൊ​ണ്ടാ​കാം അ​പ​ക​ട​ത്തെ തു​ട​ർ​ന്നു​ണ്ടാ​യ മു​റി​വ് ഉ​ണ​ങ്ങി​യി​ല്ല.

വി​ര​ലി​ലെ പ​ഴു​പ്പ് മു​ക​ളി​ലോ​ട്ട് ക​യ​റി ഗു​രു​ത​ര​മാ​കു​മെ​ന്ന ഘ​ട്ട​ത്തി​ലാ​ണ് കാ​ൽ​പാ​ദം മു​റി​ച്ചു​നീ​ക്കാ​തെ വ​ഴി​യി​ല്ലെ​ന്ന് ഡോ​ക്ട​ർ​മാ​ർ നി​ർ​ദേ​ശി​ച്ച​ത്. ജ​ന​ങ്ങ​ൾ​ക്കൊ​പ്പം ന​ട​ന്ന തു​ട​ർ​ന്നും ന​ട​ക്കാ​ൻ ആ​ഗ്ര​ഹി​ച്ച നേ​താ​വി​ന് കാ​ൽ ഇ​ല്ലാ​താ​കു​ന്ന​തി​ന​പ്പു​റം വ​ലി​യ​ന​ഷ്ടം ഒ​ന്നു​മി​ല്ല. കാ​നം പ​ക്ഷേ, ത​ള​ർ​ന്നി​ല്ല. ശ​സ്ത്ര​ക്രി​യ ക​ഴി​ഞ്ഞ​തി​നു​ശേ​ഷ​മാ​ണ് പാ​ർ​ട്ടി​യി​ലെ അ​ടു​ത്ത ആ​ളു​ക​ൾ​പോ​ലും അ​റി​ഞ്ഞ​ത്. വി​വ​ര​മ​റി​ഞ്ഞ് വി​ളി​ച്ച​വ​ർ​ക്ക് ആ​ശു​പ​ത്രി കി​ട​ക്ക​യി​ൽ​നി​ന്ന് അ​ദ്ദേ​ഹം ന​ൽ​കി​യ മ​റു​പ​ടി ആ​രെ​യും വി​സ്മ​യി​പ്പി​ക്കു​ന്ന​താ​യി​രു​ന്നു.

‘സു​ഖ​മാ​യി​രി​ക്കു​ന്നു. ഞാ​ൻ തി​രി​ച്ചു​വ​രും. ഏ​താ​നും ആ​ഴ്ച​ക​ളു​ടെ മാ​ത്രം കാ​ര്യ​മേ​യു​ള്ളൂ’ -ഉ​റ​ച്ച ആ​ത്മ​വി​ശ്വാ​സ​ത്തി​ന്‍റെ സ്വ​ര​മാ​യി​രു​ന്നു കാ​ന​ത്തി​ന്റേ​ത്. കാ​ൽ ന​ഷ്ട​പ്പെ​ട്ട​തി​ന്റെ വേ​ദ​ന​യ​ല്ല, ആ​ൾ​ക്കൂ​ട്ട​ത്തി​ന്റെ ആ​രോ​ഗ്യ​ത്തി​ലേ​ക്ക് തി​രി​കെ​യെ​ത്താ​ൻ വെ​മ്പു​ന്ന നേ​താ​വി​ന്‍റെ ആ​വേ​ശം പ്ര​ക​ട​മാ​യ വാ​ക്കു​ക​ൾ... കൃ​ത്രി​മ​കാ​ലി​ന്‍റെ സ​ഹാ​യ​ത്താ​ൽ പ​ഴ​യ​പോ​ലെ പൊ​തു​പ്ര​വ​ർ​ത്ത​ന​ത്തി​ൽ സ​ജീ​വ​മാ​കാ​ൻ ക​ഴി​യു​മെ​ന്ന് അ​ദ്ദേ​ഹം ഉ​റ​ച്ചു​വി​ശ്വ​സി​ച്ചി​രു​ന്നു.

കാ​നം ആ​ശു​പ​ത്രി​യി​ലാ​യ ആ​ദ്യ ദി​വ​സ​ങ്ങ​ളി​ൽ അ​ദ്ദേ​ഹം സം​സ്ഥാ​ന സെ​ക്ര​ട്ട​റി സ്ഥാ​നം ഒ​ഴി​ഞ്ഞേ​ക്കു​മെ​ന്ന അ​ഭ്യൂ​ഹ​മു​ണ്ടാ​യി​രു​ന്നു. ചി​കി​ത്സ​ക്കാ​യി മൂ​ന്ന് മാ​സ​ത്തെ അ​വ​ധി​യാ​ണ് പാ​ർ​ട്ടി​യോ​ട് ആ​വ​ശ്യ​പ്പെ​ട്ട​ത്. തി​രി​ച്ചു​വ​രാ​ൻ ആ​കു​മെ​ന്ന് അ​ത്ര​യേ​റെ ഉ​റ​ച്ചു​വി​ശ്വ​സി​ച്ചി​രു​ന്ന​തി​നാ​ലാ​കാം സെ​ക്ര​ട്ട​റി സ്ഥാ​നം ഒ​ഴി​യേ​ണ്ട​തി​ല്ലെ​ന്ന് തീ​രു​മാ​നി​ച്ച​ത്. കാ​ന​ത്തി​ന്റെ ആ ​വി​ശ്വാ​സം പാ​ർ​ട്ടി​യും അ​തു​പോ​ലെ ഏ​റ്റെ​ടു​ക്കു​ന്ന​താ​ണ് ക​ണ്ട​ത്.

ന​വം​ബ​ർ അ​വ​സാ​ന​വാ​രം ചേ​ർ​ന്ന സി.​പി.​ഐ സം​സ്ഥാ​ന നി​ർ​വാ​ഹ​ക​സ​മി​തി യോ​ഗ​ത്തി​ൽ വി​ഷ​യം ച​ർ​ച്ച​ക്ക്​ വ​ന്ന​പ്പോ​ൾ കാ​നം മാ​റി​നി​ൽ​ക്കേ​ണ്ടി​വ​രു​ന്ന സ​മ​യ​ത്തേ​ക്ക് താ​ൽ​ക്കാ​ലി​ക​മാ​യെ​ങ്കി​ലും മ​റ്റൊ​രാ​ളെ ഏ​ൽ​പി​ക്കു​ക എ​ന്ന ച​ർ​ച്ച​പോ​ലും ഉ​ണ്ടാ​യി​ല്ല. പൂ​ർ​വാ​ധി​കം ആ​രോ​ഗ്യ​ത്തോ​ടെ തി​രി​ച്ചു​വ​രാ​നാ​കു​മെ​ന്ന് കാ​ന​ത്തി​ന്റെ വി​ശ്വാ​സം പാ​ർ​ട്ടി​യി​ലെ നേ​തൃ​ത്വം ഒ​ന്നാ​കെ ഒ​രു​പോ​ലെ വി​ശ്വ​സി​ച്ചി​രു​ന്നു​വെ​ന്ന​ത് ഉ​റ​പ്പ്. അ​താ​ണ് പൊ​ടു​ന്ന​നെ പൊ​ലി​ഞ്ഞ​ത്. അ​തു​കൊ​ണ്ടു​ത​ന്നെ കാ​നം എ​ന്ന ക​രു​ത്ത​ന്റെ വി​യോ​ഗം സി.​പി.​ഐ​യി​ൽ ഉ​ണ്ടാ​ക്കു​ന്ന ശൂ​ന്യ​ത ചെ​റു​ത​ല്ല.