കനകമല മല ​െഎ.എസ്​ കേസിൽ ഇന്ന്​ വിചാരണ തുടങ്ങും

കൊച്ചി: കനകമല ഐ.എസ് കേസിൽ വിചാരണ ഇന്ന് കൊച്ചി എൻ.​െഎ.എ പ്രത്യേക കോടതിയിൽ ആരംഭിക്കും. കേസിലുൾപ്പെട്ട എട്ട് പ്രതികൾക്കെതിരെ കോടതി നേരത്തെ കുറ്റം ചുമത്തിയിരുന്നു. ഗൂഡാലോചന, രാജ്യത്തിനെതിരെ യുദ്ധം ചെയ്യാൻ ശ്രമിക്കുക, രാജ്യത്തിനെതിരെ യുദ്ധം ചെയ്യുക എന്ന ലക്ഷ്യത്തോടെ ആയുധങ്ങൾ ശേഖരിക്കുക, യു.എ.പി.എയിലെ വിവിധ വകുപ്പുകൾ പ്രകാരമുള്ള കുറ്റങ്ങൾ എന്നിവയാണ്​ പ്രതികൾക്കെതിരെ ചുമത്തിയിരിക്കുന്നത്.

കേരളത്തിലെ പ്രമുഖ കേന്ദ്രങ്ങള്‍, രാഷ്ട്രീയ നേതാക്കള്‍, ഹൈകോടതി ജഡ്ജിമാര്‍, കേരളത്തിൽ സന്ദർശനം നടത്തുന്ന വിദേശികൾ എന്നിവരെ ആക്രമിക്കാൻ പദ്ധതിയിെട്ടന്നാണ് പ്രതികൾക്കെതിരായ ആരോപണം. ഇതുമായി ബന്ധപ്പെട്ട് കണ്ണൂർ കനകമലയിൽ രഹസ്യ യോഗം ചേരവെയാണ് പ്രതികൾ പിടിയിലായതെന്നാണ് പൊലീസ് റിപോർട്ട്.