ബി.ജെ.പി ഫണ്ട് ശേഖരണം ഉദ്ഘാടനം ചെയ്ത ഖമറുന്നിസ അൻവർ വിവാദത്തിൽ

മലപ്പുറം: ബി.ജെ.പിയുടെ ഫണ്ട്​ ശേഖരണം ഉദ്​ഘാടനം ചെയ്​ത വനിതാ ലീഗ് സംസ്ഥാന അധ്യക്ഷ ഖമറുന്നിസ അൻവറി​​​െൻറ നടപടി വിവാദത്തിൽ. കഴിഞ്ഞ ദിവസം തിരൂരിലാണ് ബി.ജെ.പി തിരൂര്‍ മണ്ഡലം അധ്യക്ഷന്‍ കെ.പി പ്രദീപ്കുമാറിന് തുക കൈമാറി ഇവർ ഫണ്ട് ശേഖരണം ഉദ്ഘാടനം ചെയ്തത്​. ലീഗ് നേതൃത്വത്തി​​​െൻറ  അനുമതിയോടെയാണ്​ താൻ പരിപാടിയിൽ പ​െങ്കടുത്തതെന്ന്​ ഖമറുന്നിസ പറയു​േമ്പാഴും ഇത്തരത്തിൽ ഒരു ചടങ്ങിൽ സംബന്ധിക്കാൻ അനുമതി നൽകിയില്ലെന്ന്​ ലീഗ്​ നേതൃത്വവും പറയുന്നു. 

ബി.ജെ.പി രാജ്യത്ത് വളര്‍ന്നു കൊണ്ടിരിക്കുന്ന പാര്‍ട്ടിയാണ്​. നാടി​​​െൻറ വികസനത്തിനും നന്മക്കും വേണ്ടി അവർ പ്രവര്‍ത്തിക്കുമെന്ന് പ്രതീക്ഷിക്കുന്നതായും അവർക്ക്​ എല്ലാ വിജയങ്ങളുമുണ്ടാകട്ടെ എന്നാശംസിക്കുന്നതായും ഖമറുന്നിസ ചടങ്ങിൽ പ​െങ്കടുത്തുകൊണ്ട്​​ പറഞ്ഞിരുന്നു. ബി.ജെ.പി സംസ്ഥാനകമ്മിറ്റിയംഗം എ.കെ ദേവീദാസന്‍, ഒ.ബി.സി മോര്‍ച്ച ജില്ലാ അധ്യക്ഷന്‍ മനോജ് പാറശേരി എന്നിവരും സംബന്ധിച്ചിരുന്നു. 

ബി.ജെ.പിക്ക്​ ഫണ്ട്​ നൽകിയത്​ ലീഗ്​ നേതൃത്വത്തോട്​ അനുവാദം ചോദിച്ചതിന് ​ശേഷമാണെന്നും ഒരു സാമൂഹ്യപ്രവര്‍ത്തക എന്ന നിലയിലാണ് ​ചടങ്ങിൽ ഭാഗഭാക്കായതെന്നും​ ഖമറുന്നിസ പറഞ്ഞു. എന്നാല്‍ ഫണ്ട് നല്‍കാന്‍ മാത്രമാണ് ലീഗ് നേതൃത്വം അനുമതി നല്‍കിയതെന്നും ഇത്തരത്തില്‍ ഒരു ചടങ്ങ് സംഘടിപ്പിക്കാനോ ബി.ജെപിയെ പ്രശംസിച്ച് സംസാരിക്കാനോ അനുമതി നല്‍കിയിട്ടില്ലെന്നുമാണ് ലീഗ് നേതൃത്വത്തി​​​െൻറ വിശദീകരണം.