കൽപറ്റയിൽ തുണിക്കടയിൽ വൻ അഗ്​നിബാധ

കൽപറ്റ: നഗരമധ്യത്തിലെ തുണിക്കടയിൽ വൻ അഗ്നിബാധ. ‘സിന്ദൂർ ടെക്​സ്​റ്റൈൽസി​’​​െൻറ അഞ്ചുനില കെട്ടിടത്തി​​െൻറ മ ുകൾ നിലയിൽ ബുധനാഴ്ച രാത്രി എട്ടോടെ തീ പടരുകയായിരുന്നു. ആളപായമോ പരിക്കുകളോ റിപ്പോർട്ട് ചെയ്തിട്ടില്ല. കോടികള ുടെ നഷ്​ടമുണ്ടെന്നാണ്​ പ്രാഥമിക കണക്ക്​.

ഈ സമയം കെട്ടിടത്തിനുള്ളിൽ നൂറോളം ജീവനക്കാരുണ്ടായിരുന്നു. ഉടനെ ഇവരെയെല്ലാം ഒഴിപ്പിച്ചതിനാൽ വൻ ദുരന്തം ഒഴിവായി. ഷോർട്ട് സർക്യൂട്ടാണ് അപകട കാരണമെന്നാണ് പ്രാഥമിക നിഗമനം. ജില്ലയുടെ വിവിധ ഭാഗങ്ങളിൽനിന്ന്​ എത്തിയ അഗ്നിശമന സേനയുടെ ഏഴു​ യൂനിറ്റുകൾ തീ അണക്കാനുള്ള ശ്രമങ്ങൾ ഏറെ വൈകിയും തുടർന്നു. ദേശീയപാതയോട് ചേർന്നുള്ള കെട്ടിടമായതിനാൽ ഇതുവഴിയുള്ള ഗതാഗതം മണിക്കൂറുകൾ തടസ്സപ്പെട്ടു. മുൻകരുതലി​​​െൻറ ഭാഗമായി സമീപത്തെ ഹോട്ടൽ ഉൾപ്പെടെയുള്ള ​കെട്ടിടങ്ങളിൽനിന്ന് ആളുകളെ ഒഴിപ്പിച്ചു.​