കാട്ടാന ആക്രമണത്തിൽ മരണം; വയനാട് കല്ലൂരിൽ നാട്ടുകാരുടെ പ്രതിഷേധം

സു​ൽ​ത്താ​ൻ ബ​ത്തേ​രി: കാട്ടാന ആക്രമണത്തിൽ പരിക്കേറ്റ് മധ്യവയസ്കൻ മരിച്ചതിന് പിന്നാലെ വയനാട് കല്ലൂരിൽ നാട്ടുകാരുടെ വ്യാപക പ്രതിഷേധം. കല്ലൂർ ടൗണിൽ നാട്ടുകാർ ദേശീയപാത ഉപരോധിക്കുകയാണ്. ക​ല്ലൂ​ർ ക​ല്ലു​മു​ക്ക് മാ​റോ​ട് കോ​ള​നി​യി​ലെ രാ​ജുവാണ് (48) കാട്ടാന ആക്രമണത്തിൽ ഇന്നലെ മ​രി​ച്ചത്.

കുടുംബത്തിന് 50 ലക്ഷം രൂപ നഷ്ടപരിഹാരം നൽകണം, കുടുംബാംഗത്തിന് സ്ഥിരജോലി നൽകണം എന്നീ ആവശ്യങ്ങളാണ് സമരക്കാർ ഉന്നയിക്കുന്നത്. രാജുവിന്‍റെ സഹോദരന്‍റെ മകൻ ബിജു അഞ്ച് വർഷം മുമ്പ് കാട്ടാന ആക്രമണത്തിൽ പരിക്കേറ്റ് തളർന്നുകിടക്കുകയാണെന്നും പ്രതിഷേധക്കാർ ചൂണ്ടിക്കാട്ടി.

അതിനിടെ, രാജുവിന്‍റെ വീട്ടിലേക്കെത്തിയ മന്ത്രി ഒ.ആർ. കേളുവിന് നേരെയും പ്രതിഷേധമുണ്ടായി. മന്ത്രിയുടെ വാഹനം തടയാൻ ശ്രമമുണ്ടായി. സർവകക്ഷി യോഗത്തിൽ എല്ലാ കാര്യങ്ങളും ചർച്ചചെയ്യുമെന്നും തീരുമാനമുണ്ടാകുമെന്നും മന്ത്രി ഉറപ്പുനൽകി.

ഞാ​യ​റാ​ഴ്ച രാ​ത്രി വീ​ടി​ന് സ​മീ​പ​ത്തുവെച്ചാണ് രാജുവിനെ കാ​ട്ടാ​ന ആ​ക്ര​മി​ച്ച​ത്. കോ​ഴി​ക്കോ​ട്ടെ സ്വ​കാ​ര്യ ആ​ശു​പ​ത്രി​യി​യിൽ ചികിത്സയിലിരിക്കെ ചൊ​വ്വാ​ഴ്ച ഉ​ച്ച​ക്ക് ശേ​ഷമാ​യി​രു​ന്നു മ​ര​ണം.