Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമദ്യപിച്ച്...

മദ്യപിച്ച് വാഹനമോടിച്ച കല്ലട ബസ് ഡ്രൈവർ അറസ്​റ്റിൽ

text_fields
bookmark_border
മദ്യപിച്ച് വാഹനമോടിച്ച കല്ലട ബസ് ഡ്രൈവർ അറസ്​റ്റിൽ
cancel

കഴക്കൂട്ടം: അന്തർസംസ്ഥാന സർവിസ് നടത്തുന്ന കല്ലട ബസ് ഓടിച്ച ഡ്രൈവർ ടെക്നോപാർക്കിന് സമീപം വെച്ച് രണ്ട് കാറുകൾ ഇടിച്ചുതകർത്തു. തിങ്കളാഴ്​ച വൈകുന്നേരം 6.30ന്​ ടെക്നോപാർക്കിന് സമീപമാണ് സംഭവം. തിരുവനന്തപുരത്തുനിന്ന്​ ബംഗളൂരുവിലേക്ക് പോയ കല്ലട ബസാണ് ടെക്നോപാർക്കി​​െൻറ പ്രധാന കവാടത്തിന് സമീപം അപകടമുണ്ടാക്കിയത്. ആശുപത്രിയിൽ പോയ കാറിനെയാണ് ആദ്യം ഇടിച്ചത്. കാറിലുള്ള രോഗിയെ അടിയന്തരമായി ആശുപത്രിയിലെത്തിക്കേണ്ടതിനാൽ പൊലീസിൽ പരാതി കൊടുക്കാതെ അവർ പോയി.

തുടർന്ന് നിയന്ത്രണം വിട്ട ബസ് ടെക്നോപാർക്കിന് സമീപം പാസ്പോർട്ട് ഓഫിസിൽ പോയി മടങ്ങിയ ഓയൂർ സ്വദേശി നജീബി​​െൻറ കാറി​​െൻറ പിൻഭാഗം ഇടിച്ചുതകർക്കുകയായിരുന്നു. കാറിൽ നജീബി​​െൻറ ഭാര്യയും ഒന്നും രണ്ടും വയസ്സുള്ള കുട്ടികളുമുണ്ടായിരുന്നു. കാറി​​െൻറ പിൻഭാഗം ഇടിച്ച് തകർത്തെങ്കിലും ആർക്കും പരിക്കില്ല.

സംഭവം കണ്ട യാത്രക്കാർ ബസ് തടഞ്ഞിട്ടു. തുടർന്ന് കഴക്കൂട്ടം പൊലീസ് ബസും ഡ്രൈവറിനെയും സ്​റ്റേഷനിലെത്തിച്ചു. പരിശോധനയിൽ പാലക്കാട് സ്വദേശിയായ ഡ്രൈവർ കൃഷ്ണൻകുട്ടി (48) മദ്യപിച്ചതായി കണ്ടെത്തി. തുടർന്ന് ഡ്രൈവർക്കെതിരെ കേസെടുത്തതായി കഴക്കൂട്ടം പൊലീസ് അറിയിച്ചു. പിന്നീട് മറ്റൊരു ഡ്രൈവർ എത്തിയതിനുശേഷമാണ് ബസ് യാത്ര തുടർന്നത്.

Show Full Article
TAGS:kallada travels Bus Driver drunken driving 
News Summary - Kallada travels bus driver held for drunken driving
Next Story