ബംഗളൂരുവിൽ നിന്ന് വരികയായിരുന്ന കല്ലട ബസ് നിയന്ത്രണംവിട്ട് മീഡിയനിൽ ഇടിച്ചുകയറി

കൊച്ചി: ബംഗളൂരുവിൽ നിന്ന് എറണാകുളത്തേക്ക് വരികയായിരുന്ന കല്ലട ബസ് നിയന്ത്രണം വിട്ട് മീഡിയനിൽ ഇടിച്ചുകയറി. അങ്കമാലി കറുകുറ്റിയാണ് അപകടം. യാത്രക്കാർ പരിക്കുകളില്ലാതെ രക്ഷപ്പെട്ടു. ശനിയാഴ്ച രാവിലെ ഏഴു മണിയോടെയാണ് അപകടം.

ഒരു മാസം മുൻപാണ് കൊച്ചി മാടവനയിൽ ബംഗളൂരു-വർക്കല റൂട്ടിലോടുന്ന കല്ലട ബസ് മറിഞ്ഞത്. അപകടത്തിൽ ഒരാൾ മരിക്കുകയും നിരവധി പേർക്ക് പരിക്കേൽക്കുകയും ചെയ്തിരുന്നു.