നരഭോജി കടുവയുടെ കാൽപാടുകൾ കണ്ടെത്തി, കടുവ ആക്രമിച്ച സ്ഥലത്തും അരുവിക്കടുത്തും കൂടുകൾ സ്ഥാപിക്കുമെന്ന് സി.സി.എഫ്

കാ​ളി​കാ​വ്: ടാ​പ്പി​ങ് തൊ​ഴി​ലാ​ളി​യെ കൊ​ന്ന നരഭോജി കടുവയുടെ കാൽപാടുകൾ കണ്ടെത്തിയെന്ന് സി.സി.എഫ് ഒ.​ ഉമ. കാമറകളിൽ കടുവയുടെ ദൃശ്യങ്ങൾ പതിഞ്ഞിട്ടില്ല. കടുവ ആക്രമിച്ച സ്ഥലത്തും സമീപത്തെ അരുവിക്കടുത്തും കൂടുകൾ സ്ഥാപിക്കും. 20 പേരടങ്ങുന്ന മൂന്ന് സംഘങ്ങൾ തിരിച്ചിൽ നടത്തുന്നുണ്ടെന്നും സി.സി.എഫ് മാധ്യമങ്ങളോട് വ്യക്തമാക്കി.

ടാ​പ്പി​ങ് തൊ​ഴി​ലാ​ളി​യെ കൊ​ന്ന കടുവയെ പിടികൂടാനുള്ള നടപടി ഇന്ന് രാവിലെയാണ് വനം വകുപ്പ് ആരംഭിച്ചത്. ചീഫ് വെറ്റിനറി സർജൻ ഡോ. ​അ​രു​ൺ സ​ക്ക​റി​യയുടെ നേതൃത്വത്തിൽ 25 അം​ഗ​ ആ​ർ.​ആ​ർ.​ടി ടീമാണ് ദൗത്യത്തിലുള്ളത്. അ​ട​ക്കാ​കു​ണ്ട് ക്ര​സ​ന്റ് ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ക്യാ​മ്പ് ചെ​യ്യു​ന്ന ആ​ർ.​ആ​ർ.​ടി ടീം ​മൂന്ന് സംഘങ്ങളായി തിരച്ചിൽ നടത്തുന്നുണ്ട്.

ക​ടു​വ ആ​ക്ര​മ​ണ​മു​ണ്ടാ​യ പ്ര​ദേ​ശ​ത്ത് 50ല​ധി​കം കാ​മ​റ​ക​ൾ സ്ഥാ​പി​ച്ചാണ് നി​രീ​ക്ഷ​ണം നടത്തുന്നത്. ഡ്രോ​ൺ ഉ​പ​യോ​ഗി​ച്ചും നി​രീ​ക്ഷ​ണം ന​ട​ത്തും. ക​ടു​വ​യെ പി​ടി​കൂ​ടാ​ൻ കു​ങ്കി​യാ​ന​ കുഞ്ചുവിനെ വ​യ​നാ​ട്ടി​ൽ നി​ന്ന് പാ​റ​ശ്ശേ​രി ജി.​എ​ൽ.​പി സ്കൂ​ളി​ൽ എത്തിച്ചിട്ടുണ്ട്. കൂടാതെ, ഇന്ന് കോന്നി സുരേന്ദ്രൻ എന്ന കു​ങ്കി​യാ​നയെ കൂ​ടി എ​ത്തിക്കും. ക​ടു​വ സാ​ന്നി​ധ്യം തി​രി​ച്ച​റി​ഞ്ഞാ​ൽ കു​ങ്കി​യാ​ന​യെ ഉ​പ​യോ​ഗി​ച്ച് തി​ര​ച്ചി​ൽ നടത്തു​മെ​ന്ന് അ​ധി​കൃ​ത​ർ അറിയിച്ചു.

അതേസമയം, ടാപ്പിങ്​ തൊഴിലാളിയെ കൊലപ്പെടുത്തിയ കടുവയെ മയക്കുവെടി വെച്ച്​ പിടിക്കുക ദുഷ്കരമാണെന്ന്​ വനമേഖലയെ പരിചയമുള്ള വിദഗ്​ധർ പറയുന്നു. നിലമ്പൂർ, സൈലന്‍റ്​വാലി കാടുകളോട്​ ചേർന്നു കിടക്കുന്ന ചെങ്കുത്തായ വനപ്രദേശമാണിത്​. കണ്ണത്ത്​, പുല്ലങ്കോട്​ മലവാരങ്ങളുടെ തുടർച്ചയായി സൈലന്‍റ്​ വാലി ബഫർ സോണിന്​ ചേർന്നാണ്​ ഈ വനമേഖല.

ഇടതൂർന്ന്​ അടിക്കാടുകൾ വളർന്നു നിൽക്കുന്നതിനാലും കിഴുക്കാംതൂക്കായ മലഞ്ചരിവുകൾ ഉള്ളതിനാലും കടുവയെ പിന്തുടർന്ന്​ കണ്ടെത്തുക എളുപ്പമാവില്ല. ഇത്തരം സാഹചര്യങ്ങളിൽ മയക്കുവെടി വെക്കുന്നതും അപകടകരമായിരിക്കും. വെടിയേറ്റാലും മയങ്ങിവീഴാൻ സമയമെടുക്കും. ഈ സമയം കടുവ ആക്രമണകാരിയാകാനും സാധ്യതയുണ്ട്​.

കുങ്കിയാനകളെ വെച്ച്​ കടുവയെ ട്രാക്​ ചെയ്യുന്നത്​ കൂടുതൽ സുരക്ഷിതമാണെങ്കിലും ചെങ്കുത്തായ സ്ഥലങ്ങളിൽ മയക്കുവെടിവെക്കുക പ്രയാസമാകും. വെടിവെക്കുന്നതിനു​ മുമ്പ്​ സംഘത്തിലെ ഡോക്ടർമാർ തിരിച്ചറിയുകയും ആരോഗ്യസ്ഥിതി മനസ്സിലാക്കുകയും വേണം. കാട്ടിനുള്ളിൽ ആൾപെരുമാറ്റമുണ്ടായാൽ കടുവ ഉൾവനത്തിലേക്ക്​ മാറാനുള്ള സാധ്യതയേറെയാണ്​.

വനാതിർത്തിയിൽ കൂട്​ സ്ഥാപിച്ച്​ പിടിക്കാൻ ശ്രമിക്കുന്നതിനാണ്​ കൂടുതൽ വിജയസാധ്യതയെന്ന്​ വിദഗ്​ധർ പറയുന്നു. വെടിവെച്ച് കൊല്ലണമെന്നാണ്​ നാട്ടുകാരുടെ ആവശ്യമെങ്കിലും ഇതംഗീകരിക്കപ്പെട്ടില്ല. ജീവനോടെ പിടിക്കുന്നതിലാണ്​ സ്റ്റാൻഡേഡ്​ ഓപറേറ്റിങ് പ്രൊസീജിയർ (എസ്​.ഒ.പി) പ്രകാരം ​ചേർന്ന സമിതി തീരുമാനിച്ചത്​.

അബ്ദുൽ ഗഫൂറിന്റെ കുടുംബത്തിന് ധനസഹായം കൈമാറി

കാ​ളി​കാ​വ്: അ​ട​ക്കാ​ക്കു​ണ്ട് പാ​റ​ശ്ശേ​രി​യി​ൽ ക​ടു​വ​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട ചോ​ക്കാ​ട് ക​ല്ലാ​മൂ​ല ക​ള​പ്പ​റ​മ്പി​ൽ അ​ബ്ദു​ൽ ഗ​ഫൂ​റി​ന്റെ കു​ടും​ബ​ത്തി​ന് ന​ഷ്ട​പ​രി​ഹാ​ര​ത്തു​ക​യു​ടെ ആ​ദ്യ ഗ​ഡു കൈ​മാ​റി. 14 ല​ക്ഷം രൂ​പ​യു​ടെ ധ​ന​സ​ഹാ​യ​ത്തി​ൽ നി​ന്ന് ആ​ദ്യ ഗ​ഡു​വാ​യ അ​ഞ്ചു ല​ക്ഷം രൂ​പ​യാ​ണ് കൈ​മാ​റി​യ​ത്.

ചെ​ക്ക് സ​ഹോ​ദ​ര​ൻ ക​ള​പ്പ​റ​മ്പി​ൽ മു​ഹ​മ്മ​ദ് അ​ഷ്റ​ഫി​ന് നി​ല​മ്പൂ​ർ സൗ​ത്ത് ഡി.​എ​ഫ്.​ഒ ജി. ​ധ​നി​ക് ലാ​ൽ കൈ​മാ​റി. എ.​പി. അ​നി​ൽ​കു​മാ​ർ എം.​എ​ൽ.​എ, ചോ​ക്കാ​ട് പ​ഞ്ചാ​യ​ത്ത് പ്ര​സി​ഡ​ൻ​റ് ഇ.​പി. സി​റാ​ജു​ദ്ദീ​ൻ, സി.​പി.​എം ജി​ല്ല സെ​ക്ര​ട്ടേ​റി​യ​റ്റ് അം​ഗം വി.​എം. ഷൗ​ക്ക​ത്ത്, ജി​ല്ല പ​ഞ്ചാ​യ​ത്ത് അം​ഗം കെ.​ടി. അ​ജ്മ​ൽ, ബി.​കെ. മു​ജീ​ബ്, എ.​പി. രാ​ജ​ൻ, പ​ഞ്ചാ​യ​ത്ത് അം​ഗ​ങ്ങ​ളാ​യ അ​റ​ക്ക​ൽ സ​ക്കീ​ർ ഹു​സൈ​ൻ, ഷാ​ഹി​ന ഗ​ഫൂ​ർ, സി.​പി.​എം ചോ​ക്കാ​ട് ലോ​ക്ക​ൽ സെ​ക്ര​ട്ട​റി കെ.​ടി. മു​ജീ​ബ് എ​ന്നി​വ​ർ പ​ങ്കെ​ടു​ത്തു.