പൗരത്വ നിയമ ഭേദഗതിക്കെതിരെ പ്രതിഷേധം: കാളികാവ് പോസ്റ്റോഫീസ് ഉപരോധിച്ചു

കാളികാവ്:പൗരത്വ നിയമ ഭേദഗതിക്കെതിരെ പ്രതിഷേധത്തിന്റെ ഭാഗമായി യൂത്ത് ലീഗ് കാളികാവ് പോസ്റ്റോഫീസ് ഉപരോധിച്ചു.വെള്ളിയാഴ്ച രാവിലെ 8.45ന് ആരംഭിച്ച ഉപരോധസമരം ഒരു മണിക്കൂർ നീണ്ടു. 9.30 ഓടെ ജീവനക്കാർ പോസ് റ്റോഫീസിലേക്ക് ഡ്യൂട്ടിക്ക് എത്തിയതോടെ യൂത്ത് ലീഗ് പ്രവർത്തകർ അവരെ തടയാൻ ശ്രമിച്ചത് നേരിയ സംഘർഷം സൃഷ്ടിച്ചു.

കാളികാവ് പൊലീസ് എത്തി സമരക്കാരെ നീക്കം ചെയ്തു. യൂത്ത് ലീഗ് പഞ്ചായത്ത് കമ്മറ്റി ഭാരവാഹികളായ അബ്ദുറഹ്മാൻ അഞ്ചച്ചവി ടി ,എൻ.ജാഫർ, ബദർദുജ തുടങ്ങിയവർ നേതൃത്വം നൽകി.