കളമശ്ശേരി ബസ്​ കത്തിക്കൽ: പ്രധാന സാക്ഷിയും നാലു​പ്രതികളും ഹാജരായില്ല; വിചാരണ തുടങ്ങാനായില്ല

കൊ​ച്ചി: പ്ര​ധാ​ന സാ​ക്ഷി​യും ത​ടി​യ​ൻ​റ​വി​ട ന​സീ​ർ അ​ട​ക്കം നാ​ലു​പ്ര​തി​ക​ളും ഹാ​ജ​രാ​വാ​തി​രു​ന്ന​ത ി​നാ​ൽ ക​ള​മ​ശ്ശേ​രി ബ​സ്​ ക​ത്തി​ക്ക​ൽ കേ​സ്​ വി​ചാ​ര​ണ തു​ട​ങ്ങാ​നാ​യി​ല്ല. വെ​ള്ളി​യാ​ഴ്​​ച പ്ര​ത്യേ​ക എ​ൻ.​ഐ.​എ കോ​ട​തി​യി​ൽ ന​ട​ക്കേ​ണ്ടി​യി​രു​ന്ന വി​ചാ​ര​ണ​യാ​ണ്​ മാ​റ്റി​വെ​​ക്കേ​ണ്ടി​വ​ന്ന​ത്.

വെ​ള ്ളി​യാ​ഴ്​​ച ഹാ​ജ​രാ​വാ​ൻ സ​മ​ൻ​സ്​ ന​ൽ​കി​യി​രു​ന്ന പ്ര​ധാ​ന സാ​ക്ഷി​യും ക​ത്തി​ച്ച ത​മി​ഴ്​​നാ​ട്​ സ്​​ റ്റേ​റ്റ്​ ട്രാ​ൻ​സ്​​പോ​ർ​ട്ട്​ കോ​ർ​പ​റേ​ഷ​ൻ ബ​സ്​ ഡ്രൈ​വ​റു​മാ​യ കൃ​ഷ്​​ണ​സ്വാ​മി, പ്ര​ധാ​ന പ്ര​തി​ക​ളാ​യ ത​ടി​യ​ൻ​റ​വി​ട ന​സീ​ർ, സാ​ബി​ർ പി. ​ബു​ഖാ​രി, താ​ജു​ദ്ദീ​ൻ, ഉ​മ​റു​ൽ ഫാ​റൂ​ഖ്​ എ​ന്നി​വ​രാ​ണ്​ ഹാ​ജ​രാ​വാ​തി​രു​ന്ന​ത്. പ്ര​തി​ക​ളെ ഹാ​ജ​രാ​ക്കാ​ൻ നി​ർ​ദേ​ശി​ച്ച്​ ബം​ഗ​ളൂ​രു ജ​യി​ൽ അ​ധി​കൃ​ത​ർ​ക്ക്​ പ്രൊ​ഡ​ക്​​ഷ​ൻ വാ​റ​ൻ​റ്​ ന​ൽ​കി​യി​രു​ന്നെ​ങ്കി​ലും ബം​ഗ​ളൂ​രു സ്​​ഫോ​ട​ന കേ​സി​​െൻറ വി​ചാ​ര​ണ ന​ട​ക്കു​ന്ന​തി​നാ​ലാ​ണ്​ ഹാ​ജ​രാ​ക്കാ​തി​രു​ന്ന​ത്.

വി​ചാ​ര​ണ എ​ന്ന്​ തു​ട​ങ്ങാ​ൻ ക​ഴി​യു​മെ​ന്നു​കാ​ണി​ച്ച്​ ഈ ​മാ​സം​ 25ന​കം റി​പ്പോ​ർ​ട്ട്​ ന​ൽ​കാ​ൻ പ്ര​ത്യേ​ക കോ​ട​തി എ​ൻ.​​ഐ.​എ​ക്ക്​ നി​ർ​ദേ​ശം ന​ൽ​കി. പി.​ഡി.​പി ചെ​യ​ർ​മാ​ൻ അ​ബ്​​ദു​ന്നാ​സി​ർ മ​അ്​​ദ​നി​യു​ടെ ഭാ​ര്യ​യും കേ​സി​ലെ 10ാം പ്ര​തി​യു​മാ​യ സൂ​ഫി​യ മ​അ്​​ദ​നി കോ​ട​തി​യി​ൽ ഹാ​ജ​രാ​യി​രു​ന്നു. ജാ​മ്യ​ത്തി​ൽ ക​ഴി​യു​ന്ന അ​ബ്​​ദു​ൽ ഹാ​ലിം, ഇ​സ്​​മാ​യി​ൽ, മു​ഹ​മ്മ​ദ്​ ന​വാ​സ്, കു​മ്മാ​യം നാ​സ​ർ, മ​ജീ​ദ്​ പ​റ​മ്പാ​യി എ​ന്നീ പ്ര​തി​ക​ളും ഹാ​ജ​രാ​യി. മ​റ്റൊ​രു പ്ര​തി കെ.​എ. അ​നൂ​പി​നെ വി​യ്യൂ​ർ സെ​ൻ​ട്ര​ൽ ജ​യി​ലി​ൽ​നി​ന്ന്​ വി​ഡി​യോ കോ​ൺ​ഫ​റ​ൻ​സ്​ വ​ഴി​യും ഹാ​ജ​രാ​ക്കി​യി​രു​ന്നു.

2005 സെ​പ്​​റ്റം​ബ​ർ ഒ​മ്പ​തി​നാ​ണ്​ 31 യാ​ത്ര​ക്കാ​രു​മാ​യി എ​റ​ണാ​കു​ളം കെ.​എ​സ്.​ആ​ർ.​ടി.​സി സ്​​റ്റാ​ൻ​ഡി​ൽ​നി​ന്ന്​ സേ​ല​ത്തേ​ക്ക്​ പു​റ​പ്പെ​ട്ട ത​മി​ഴ്നാ​ട്​ ബ​സ്​​ ക​ള​മ​ശ്ശേ​രി​ക്ക്​ സ​മീ​പം ത​ട്ടി​ക്കൊ​ണ്ടു​പോ​യി ​തീ​കൊ​ളു​ത്തി​യ​ത്. കോ​യ​മ്പ​ത്തൂ​ർ ജ​യി​ലി​ലാ​യി​രു​ന്ന മ​അ്​​ദ​നി​യു​ടെ ജ​യി​ൽ​മോ​ച​നം വൈ​കു​ന്ന​തി​െ​ല പ്ര​തി​ഷേ​ധ​മെ​ന്നോ​ണ​മാ​ണ്​ ത​മി​ഴ്​​നാ​ടി​​െൻറ ബ​സ്​ ത​ട്ടി​യെ​ടു​ത്ത്​ ക​ത്തി​ച്ച​തെ​ന്നാ​ണ്​ എ​ൻ.​ഐ.​എ ക​ണ്ടെ​ത്തി​യ​ത്.