കാലടി സം​സ്കൃ​ത സ​ർ​വ​ക​ലാ​ശാ​ല​: സംസ്കൃത വിഭാഗം അ​സി.​ പ്ര​ഫ​സ​ർ നിയമനവും ചട്ടവിരുദ്ധമെന്ന്​ ആരോപണം

കാ​ല​ടി: ശ്രീ​ശ​ങ്ക​രാ​ചാ​ര്യ സം​സ്കൃ​ത സ​ർ​വ​ക​ലാ​ശാ​ല​യി​ൽ മ​ല​യാ​ള വി​ഭാ​ഗ​ത്തി​നു പി​ന്നാ​ലെ സം​സ്കൃ​ത വി​ഭാ​ഗ​ത്തി​ലും യു.​ജി.​സി ച​ട്ട​ങ്ങ​ൾ മ​റി​ക​ട​ന്ന് അ​ന​ധി​കൃ​ത നി​യ​മ​നം ന​ട​ത്തി​യ​താ​യി ആ​രോ​പ​ണം. അ​സി.​ പ്ര​ഫ​സ​ർ നി​യ​മ​ന​ത്തി​ലാ​ണ് ച​ട്ട​വി​രു​ദ്ധ നി​യ​മ​നം. ഈ ​ഒ​ഴി​വി​ലേ​ക്ക് കാ​ലി​ക്ക​റ്റ് സ​ർ​വ​ക​ലാ​ശാ​ല ന​ട​ത്തി​യ പ​രീ​ക്ഷ​യി​ൽ റാ​ങ്ക് ലി​സ്​​റ്റി​ൽ പി​ന്നി​ലാ​യ​വ​രി​ൽ പ​ല​രും സം​സ്കൃ​ത സ​ർ​വ​ക​ലാ​ശാ​ല​യു​ടെ പ​രീ​ക്ഷ​യി​ൽ മു​ൻ​നി​ര​യി​ൽ എ​ത്തി.

ഒ​രാ​ഴ്ച​ക്കു​ള്ളി​ലാ​ണ് ഇ​രു​സ​ർ​വ​ക​ലാ​ശാ​ല​യി​ലും പ​രീ​ക്ഷ​ക​ൾ ന​ട​ന്ന​ത്. വൈ​സ് ചാ​ൻ​സ​ല​ർ എ​ല്ലാ ച​ട്ട​ങ്ങ​ളും ലം​ഘി​ച്ച് അ​ന​ധി​കൃ​ത ഇ​ട​പെ​ട​ൽ ന​ട​ത്തി​യ​താ​യി സ​ർ​വ​ക​ലാ​ശാ​ല സം​ര​ക്ഷ​ണ സ​മി​തി ആ​രോ​പി​ച്ചു. സ​ർ​വ​ക​ലാ​ശാ​ല​യു​ടെ റാ​ങ്ക് ലി​സ്​​റ്റി​ൽ ര​ണ്ടാം സ്ഥാ​ന​ക്കാ​രി കാ​ലി​ക്ക​റ്റ് സ​ർ​വ​ക​ലാ​ശാ​ല​യു​ടെ റാ​ങ്ക് ലി​സ്​​റ്റി​ൽ 36ാം സ്ഥാ​ന​ത്താ​ണ്.

ഒ.​ബി.​സി സം​വ​ര​ണ​ത്തി​ൽ ഒ​ന്നാം സ്ഥാ​ന​ക്കാ​ര​നാ​യ ഉ​ദ്യോ​ഗാ​ർ​ഥി കാ​ലി​ക്ക​റ്റി​ൽ 24ാം റാ​ങ്കി​ലും. ഒ​രേ ബോ​ർ​ഡാ​ണ് ര​ണ്ട് സ​ർ​വ​ക​ലാ​ശാ​ല​യി​ലേ​ക്കും ഇ​ൻ​റ​ർ​വ്യൂ ന​ട​ത്തി​യ​ത്. ഒ​രേ അ​ക്കാ​ദ​മി​ക യോ​ഗ്യ​ത​യു​ള്ള​വ​ർ ര​ണ്ട് യൂ​നി​വേ​ഴ്സി​റ്റി​യി​ൽ പ​ല റാ​ങ്കി​ൽ എ​ത്തി​യ​താ​ണ് ക്ര​മ​ക്കേ​ടി​ന് കാ​ര​ണ​മാ​യി ചൂ​ണ്ടി​ക്കാ​ട്ട​പ്പെ​ടു​ന്ന​ത്. സം​സ്കൃ​ത സ​ർ​വ​ക​ലാ​ശാ​ല​യു​ടെ അ​സി.​പ്ര​ഫ​സ​ർ നി​യ​മ​ന​ത്തി​ൽ മൂ​ന്നാം റാ​ങ്ക് നേ​ടി​യ ഉ​ദ്യോ​ഗാ​ർ​ഥി വൈ​സ് ചാ​ൻ​സ​ല​റു​ടെ മേ​ൽ​നോ​ട്ട​ത്തി​ലാ​ണ് ഗ​വേ​ഷ​ണം പൂ​ർ​ത്തി​യാ​ക്കി​യ​ത്. ഇ​ദ്ദേ​ഹം കാ​ലി​ക്ക​റ്റ് സ​ർ​വ​ക​ലാ​ശാ​ല​യി​ൽ ഇ​തേ ത​സ്ഥി​ക​യി​ലേ​ക്ക് ന​ട​ന്ന ഇ​ൻ​റ​ർ​വ്യൂ​വി​ൽ 14ാം റാ​ങ്കാ​ണ് നേ​ടി​യ​ത്.

ഒ.​ബി.​സി സം​വ​ര​ണ​ത്തി​ൽ ഒ​ന്നാം സ്ഥാ​ന​ക്കാ​ര​നാ​യ ഉ​ദ്യോ​ഗാ​ർ​ഥി ഒ​രു ഇ​ൻ​റ​ർ​വ്യൂ ബോ​ർ​ഡ് അം​ഗ​ത്തിെൻറ മേ​ൽ​നോ​ട്ട​ത്തി​ലാ​ണ്​ ഗ​വേ​ഷ​ണം ന​ട​ത്തി​യ​ത്. സം​സ്കൃ​തം സാ​ഹി​ത്യ​ത്തി​ൽ യോ​ഗ്യ​ത​യു​ള്ള 32 ഉ​ദ്യോ​ഗാ​ർ​ഥി​ക​ളെ ഒ​ഴി​വാ​ക്കി​യാ​ണ് സം​സ്കൃ​തം സ്പെ​ഷ​ൽ യോ​ഗ്യ​ത​യു​ള്ള​വ​രെ നി​യ​മി​ച്ച​ത്. സം​സ്കൃ​തം ജ​ന​റ​ൽ വി​ഭാ​ഗ​ത്തി​ൽ അ​സി.​ പ്ര​ഫ​സ​ർ ത​സ്​​തി​ക​യി​ൽ നി​യ​മി​ച്ച മൂ​ന്നു​പേ​ർ സം​സ്കൃ​തം സ്പെ​ഷ​ൽ വി​ഭാ​ഗ​ക്കാ​രാ​ണ്. ച​ട്ട​വി​രു​ദ്ധ​മാ​യ നി​യ​മ​ന​ങ്ങ​ളി​ൽ ഹൈ​കോ​ട​തി​യെ സ​മീ​പി​ക്കാ​ൻ ഒ​രു​ങ്ങു​ക​യാ​ണ് ഉ​ദ്യോ​ഗാ​ർ​ഥി​ക​ൾ.